Il-Kummissjoni Von der Leyen — tagħrif bażiku

Sa mill-bidu ta’ dan il-mandat, il-Kummissjoni Ewropea, taħt it-tmexxija ta’ Ursula von der Leyen, ħadmet biex twettaq il-wegħda tagħha li tagħmel l-Unjoni Ewropea aktar ekoloġika, aktar diġitali u aktar ġusta. Fl-istess ħin, kienet qed taffaċċja avvenimenti storiċi li kellhom impatt fuq il-ħajja ta’ ħafna Ewropej – il-pandemija tal-coronavirus u l-gwerra tar-Russja kontra l-Ukrajna.

B’dan il-kwiżż tista’ tħares lura lejn dak li għamlet il-Kummissjoni matul dawn l-aħħar tliet snin. Ara daqsxejn kemm taf dwar l-inizjattivi ewlenin li ressqet il-Kummissjoni biex twettaq il-wegħdiet tagħha mill-bidu tal-mandat u kif indirizzat l-isfidi bla preċedent li kienet qed tiffaċċja.