L-akkwist diġitali

Ħarsa ġenerali lejn l-akkwist diġitali

Il-Kummissjoni Ewropea tappoġġja t-trasformazzjoni diġitali tal-akkwist pubbliku b’diversi inizjattivi. Dawn l-inizjattivi għandhom l-għan li jiddiġitalizzaw il-passi ewlenin taċ-ċiklu tal-ħajja tal-akkwist pubbliku, bħas-Sottomissjoni elettronika, l-Aċċess elettroniku jew il-Fatturazzjoni elettronika. Jippromwovu wkoll l-iżvilupp u l-użu ta’ għodod tal-Akkwist elettroniku fil-pajjiżi tal-UE, bħal avviżi standard aġġornati biex ikunu adatti għall-era diġitali, jew id-Dokument Ewropew Uniku għall-Akkwist (ESPD) u l-għodda tal-eCertis, li jissimplifikaw il-parteċipazzjoni tal-operaturi ekonomiċi fl-akkwist pubbliku.

L-akkwist diġitali huwa pilastru ta’ inizjattivi usa’ oħra tal-Kummissjoni bħall-Istrateġija tas-Suq Uniku Diġitali jew il-Pjan ta’ Azzjoni dwar il-Gvern elettroniku. Huwa wieħed mill-muturi ewlenin lejn it-tnaqqis tal-piżijiet amministrattivi u l-implimentazzjoni tal-“prinċipju ta’ darba biss” fl-amministrazzjonijiet pubbliċi (il-fornituri jipprovdu l-informazzjoni darba biss).

Il-Grupp ta’ Esperti ta’ Diversi Partijiet Ikkonċernati dwar l-Akkwist elettroniku

Il-Kummissjoni waqqfet ukoll il-Grupp ta’ Esperti ta’ Diversi Partijiet Ikkonċernati dwar l-Akkwist elettroniku (EXEP). Dan il-grupp jiġbor partijiet ikkonċernati li x-xogħol tagħhom f’pajjiżhom u fi ħdan l-EXEP huwa vitali biex l-għodod tal-Akkwist Pubbliku elettroniku jintużaw b’suċċess u biex it-trasformazzjoni diġitali tkun immaniġġjata sew. Dan il-grupp ta’ esperti pproduċa diversi skedi informattivi li jkopru ħafna oqsma tal-akkwist pubbliku bħar-reġistri taċ-ċertifikazzjoni, tal-governanza jew tal-kuntratti.

Skedi informattivi mħejjija mill-Grupp ta’ Esperti ta’ Diversi Partijiet Ikkonċernati dwar l-Akkwist elettroniku