Cúnamh ar an láthair agus ar líne
Sa dara seimeastar den bhliain acadúil 2026-2027, cuirfear Cúnamh Oideolaíochta ar fáil ar an láthair agus/nó ar líne. Féach thíos an clár oiliúna nua ina bhfuil sainmhínithe breise agus an fhoirm iarratais nua.
Is é an 3 Samhain 2026 an spriocdháta chun iarratais a chur isteach.
Ranganna fíorúla
Cuirimid cóitseáil agus ranganna ar líne ar fáil do chláir Mháistreachta agus iarchéime san Ateangaireacht Chomhdhála.
Tugann oiliúnóirí ateangaireachta a bhfuil taithí acu treoir do mhic léinn agus tugann siad aiseolas go cianda.
Tá níos mó ná 50 ollscoil ar fud an domhain páirteach sa ‘seomra ranga fíorúil’ seo againn.
Níl ranganna fíorúla ar oscailt don phobal. Féach ár mBosca Uirlisí Oiliúna Ateangaireachta le haghaidh ábhair chleachtais.
Acadamh na n-oiliúnóirí
Is féidir le hoiliúnóirí ateangaireachta in ollscoileanna sna tíortha den Aontas, sna tíortha is iarrthóirí, agus i dtíortha nach den Aontas iad, freastal ar sheimineáir sa Bhruiséil a thugann ateangairí ó Ard-Stiúrthóireacht na hAteangaireachta a bhfuil a lán taithí acu agus ag aoichainteoirí. Clúdaítear topaicí amhail ateangaireacht a mhúineadh, cúrsaí a cheapadh agus a reáchtáil, iarrthóirí a phróifíliú agus scrúdú a chur orthu.
Is i mBéarla, i bhFraincis, i nGearmáinis agus i Spáinnis a bhíonn na seimineáir seo de ghnáth. Ó bhí 2001 ann, ghlac 550 oiliúnóir as breis agus 40 tír páirt sna seimineáir seo.
Is féidir le hoiliúnóirí ó scoileanna agus ollscoileanna atá ag obair i gcomhar le hArd-Stiúrthóireacht na hAteangaireachta freastal ar na seimineáir seo, agus tugtar tús áite do na teangacha agus na scoileanna sin nach bhfuair cúnamh oideolaíoch ar na mallaibh.
Cuairteanna staidéir ar institiúidí an Aontais Eorpaigh
Conas iarratas a dhéanamh ar chuairt staidéir ar institiúidí an Aontais Eorpaigh