L-akbar żona ta’ kummerċ ħieles fid-dinjaFlimkien, l-UE u l-Indja jirrappreżentaw madwar kwart tal-popolazzjoni dinjija, b’żewġ biljun ruħ, u madwar 25% tal-prodott domestiku gross (PDG) tad-dinja. Il-ftehim kummerċjali bejn l-UE u l-Indja huwa l-akbar ftehim kummerċjali li qatt ikkonkludew kemm l-UE kif ukoll l-Indja, u se jagħti lill-kumpaniji Ewropej vantaġġ kompetittiv sinifikanti f’setturi industrijali u agroalimentari ewlenin. Se jsaħħaħ il-kummerċ, l-investiment, u r-rabtiet politiċi bejn l-akbar żewġ demokraziji fid-dinja. Il-ftehimse jġarraf il-ħitan li jimblukkaw il-kummerċ u jissimplifika l-proċedurise jiftaħ opportunitajiet ġodda ta’ esportazzjonise jsaħħaħ is-sigurtà ekonomika tal-UE billi jiddiversifika l-provvista Ċifri ewlenin L-UE u l-Indja diġà jikkummerċjalizzaw aktar minn €180 biljun f’oġġetti u servizzi fis-sena, u fuq dan jiddependu kważi 800,000 impjieg fl-UE. Il-ftehim huwa mistenni li jkollu impatt pożittiv qawwi fuq l-ekonomija tal-UE 107.6%kemm hu stmat li se jiżdiedu l-esportazzjonijiet annwali ta’ oġġetti mill-UE lejn l-Indja sal-2032€4 biljun fis-senakemm se jiffrankaw fuq id-dazji l-esportaturi Ewropej90%kemm se jiġu eliminati jew imnaqqsin tariffi Opportunitajiet għall-esportaturi tal-UE Il-ftehim se jagħti lill-kumpaniji tal-UE aċċess privileġġat għall-aktar pajjiż popolat (kważi 1.5 biljun ruħ) u r-raba’ l-akbar ekonomija fid-dinja.B’6,000 kumpanija Ewropea joperaw fl-Indja, il-ftehim se jagħti spinta lill-kompetittività u joħloq opportunitajiet ġodda f’diversi setturi.Il-benefiċċji ewlenin għall-esportaturi tal-UE huma ambjent tan-negozju aktar miftuħ, stabbli, u prevedibbliproċeduri doganali aktar rapidi u sempliċiaċċess preferenzjali għas-suq tas-servizzi tal-Indja, inklużi s-servizzi finanzjarji u t-trasport marittimuprotezzjoni u infurzar b’saħħithom tad-drittijiet tal-proprjetà intellettwali, inklużi d-drittijiet tal-awtur, it-trademarks, id-disinji, u s-sigrieti kummerċjaliassistenza lin-negozji żgħar tal-UE biex jibbenefikaw minn opportunitajiet ġodda ta’ esportazzjoni Benefiċċji għall-bdiewa tal-UE Il-ftehim se jipproteġi wkoll lis-setturi sensittivi tal-Ewropa. l-UEse żżomm it-tariffi attwali tagħha fuq prodotti sensittivi bħaċ-ċanga, iz-zokkor, ir-ross, il-laħam tat-tiġieġ, it-trab tal-ħalib, l-għasel, il-banana, il-qamħ artab, it-tewm, u l-etanolse tippermetti importazzjonijiet limitati ta’ prodotti bħal-laħam tan-nagħaġ u tal-mogħoż, il-qamħirrum ħelu, l-għeneb, il-ħjar, il-basal imnixxef, ir-rum magħmul mill-melassa, u l-lamtiMekkaniżmu ta’ salvagwardja bilaterali se jippermetti li tittieħed azzjoni jekk l-importazzjonijiet jikkawżaw xi diffikultà. Regoli stretti dwar is-saħħa u s-sikurezza tal-ikel L-Ewropej igawdu minn ikel sikur u tajjeb għal saħħithom b’riżultat tal-ogħla standards tas-saħħa u tal-ikel fid-dinja, u dan il-ftehim il-ġdid se jissalvagwardjahom. Biex jiġi żgurat li dawn l-istandards jinżammu l-Kummissjoni se żżid l-awditi u ssaħħaħ il-kontrolli fil-fruntieri fuq l-ikel u l-prodotti tal-annimali u tal-pjanti impurtati. L-ispezzjonijiet u l-awditi tal-prodotti impurtati, b’mod partikulari b’rabta mal-pestiċidi u mal-benesseri tal-annimali, se jissaħħu Inrawmu l-kummerċ sostenibbli Il-ftehim imur lil hinn mill-kummerċ. Jinkludi impenji dwar is-sostenibbiltà, id-drittijiet tal-ħaddiema, u t-tibdil fil-klima. Il-ftehim jimpenja kemm lill-UE kif ukoll lill-Indja biex jimplimentaw il-Ftehim ta’ Pariġi dwar il-Klimaiħares id-drittijiet tal-ħaddiemajiffavorixxi l-emanċipazzjoni ekonomika tan-nisajistabbilixxi pjattaforma għall-kooperazzjoni dwar kwistjonijiet ambjentali u klimatiċi relatati mal-kummerċjiżgura implimentazzjoni effettiva, bi rwol attiv għall-organizzazzjonijiet tas-soċjetà ċivili Mistoqsijiet frekwenti Għaliex l-UE nnegozjat Ftehim ta’ Kummerċ Ħieles mal-Indja?L-Indja hija r-raba’ l-akbar ekonomija fid-dinja u għandha l-akbar popolazzjoni fid-dinja, iżda l-esportazzjonijiet tal-UE lejn l-Indja għadhom relattivament baxxi, meta mqabblin mal-esportazzjonijiet tagħna lejn bnadi oħrajn. Dan huwa parzjalment dovut għat-tariffi għoljin ħafna li l-Indja timponi fuq il-prodotti impurtati. Il-ftehim se jnaqqas it-tariffi u l-piżijiet amministrattivi, u b’hekk il-kummerċ isir aktar faċli, orħos, u aktar rapidu. Minn dan se jgawdu wkoll il-konsumaturi.Il-ftehim kif se jaffettwa l-esportazzjonijiet tal-UE?Il-ftehim huwa mistenni jirdoppja l-esportazzjonijiet tal-UE lejn l-Indja, li diġà jsostnu 800,000 impjieg Ewropew. Il-ftehim kummerċjali se joħloq opportunitajiet ġodda ta’ negozju li, min-naħa tagħhom, se jiffavorixxu l-ħolqien tal-impjiegi.Il-ftehim kif se jappoġġa t-tranżizzjoni ekoloġika?L-UE u l-Indja jimpenjaw ruħhom li jaħdmu flimkien fuq l-azzjoni klimatika u fuq l-użu sostenibbli tar-riżorsi naturali. Se jaħdmu favur l-implimentazzjoni ta’ ftehimiet internazzjonali bħall-Ftehim ta’ Pariġi, il-Konvenzjoni dwar id-Diversità Bijoloġika, u l-Konvenzjoni dwar il-Kummerċ Internazzjonali fl-Ispeċijiet fil-Periklu.X’inhuma l-passi li jmiss?1. Il-pubblikazzjoni tal-abbozzi tat-testi nnegozjati2. Ir-reviżjoni legali u l-qlib għal-lingwi uffiċjali kollha tal-UE3. Il-proposta tal-ftehim lill-Kunsill tal-UE għall-iffirmar u għall-konklużjoni4. L-adozzjoni mill-Kunsill5. L-iffirmar tal-ftehim bejn l-UE u l-Indja6. Il-qbil tal-Parlament Ewropew mal-ftehim7. Id-Deċiżjoni tal-Kunsill dwar il-konklużjoni tal-ftehim Ladarba l-Indja wkoll tirratifika l-ftehim, ikun jista’ jidħol fis-seħħ. Aktar mistoqsijiet u tweġibiet Il-kuntest L-UE u l-Indja bdew jinnegozjaw ftehim ta’ kummerċ ħieles fl-2007. It-taħditiet ġew sospiżi fl-2013 u tnedew mill-ġdid fl-2022. In-negozjati ġew konklużi b’suċċess f’Jannar 2026. Flimkien mal-ftehim ta’ kummerċ ħieles, l-UE u l-Indja qed jinnegozjaw ukoll ftehimiet dwar l-indikazzjonijiet ġeografiċi u dwar il-protezzjoni tal-investiment. Links relatati Ir-relazzjonijiet kummerċjali tal-UE mal-IndjaEU-India agreementsEU-India agreements: DocumentsKummerċL-UE u l-Indja: Lejn Aġenda Strateġika Ġdida
L-akbar żona ta’ kummerċ ħieles fid-dinjaFlimkien, l-UE u l-Indja jirrappreżentaw madwar kwart tal-popolazzjoni dinjija, b’żewġ biljun ruħ, u madwar 25% tal-prodott domestiku gross (PDG) tad-dinja. Il-ftehim kummerċjali bejn l-UE u l-Indja huwa l-akbar ftehim kummerċjali li qatt ikkonkludew kemm l-UE kif ukoll l-Indja, u se jagħti lill-kumpaniji Ewropej vantaġġ kompetittiv sinifikanti f’setturi industrijali u agroalimentari ewlenin. Se jsaħħaħ il-kummerċ, l-investiment, u r-rabtiet politiċi bejn l-akbar żewġ demokraziji fid-dinja. Il-ftehimse jġarraf il-ħitan li jimblukkaw il-kummerċ u jissimplifika l-proċedurise jiftaħ opportunitajiet ġodda ta’ esportazzjonise jsaħħaħ is-sigurtà ekonomika tal-UE billi jiddiversifika l-provvista
