L-irkupru u r-rikostruzzjoni tal-Ukrajna KONTENUT TAL-PAĠNA KONTENUT TAL-PAĠNA Insawru t-triq tal-Ukrajna lejn l-irkupru Se jkun meħtieġ sforz finanzjarju globali ewlieni biex l-Ukrajna tinbena mill-ġdid wara li l-gwerra tispiċċa. L-UE diġà kkontribwiet appoġġ finanzjarju sostanzjali biex tagħti spinta lir-reżiljenza u l-irkupru tal-pajjiż, iżda se jkun meħtieġ aktar appoġġ fuq perjodu medju sa twil: biex jiġu stabbiliti mill-ġdid il-pedamenti ta’ pajjiż ħieles u prosperu, ankrat fil-valuri Ewropej u integrat tajjeb fl-ekonomija Ewropea u globali u biex jingħata appoġġ fit-triq Ewropea tiegħu.Filwaqt li l-gwerra ta’ aggressjoni tar-Russja għadha għaddejja, il-ħtiġijiet ġenerali għar-rikostruzzjoni tal-Ukrajna għadhom mhumiex magħrufa. Madankollu, huwa importanti li jitfasslu l-elementi kostitwenti ewlenin ta’ dan l-isforz internazzjonali diġà minn issa. “L-Ukrajna tista’ sserraħ fuq l-appoġġ sħiħ tal-UE. Ninsabu lesti li nieħdu rwol ewlieni fl-isforzi internazzjonali ta’ rikostruzzjoni biex ngħinu fil-bini mill-ġdid ta’ Ukrajna demokratika u prospera. Dan ifisser li l-investimenti se jimxu id f’id ma’ riformi li se jappoġġaw lill-Ukrajna timxi fuq triqitha lejn l-Ewropa.”Ursula von der Leyen, il-President tal-Kummissjoni Ewropea Il-Faċilità għall-Ukrajna Biex tgħin lill-Ukrajna fl-isforzi tagħha ta’ rkupru, rikostruzzjoni u modernizzazzjoni, l-UE se tniedi mekkaniżmu ta’ appoġġ ġdid għas-snin mill-2024 sal-2027. Il-Faċilità għall-Ukrajna hija strument iddedikat li se jippermetti lill-UE tipprovdi lill-Ukrajna sa €50 biljun f’appoġġ finanzjarju stabbli u prevedibbli matul dan il-perjodu.Il-Faċilità tenfasizza l-impenn tal-UE li tappoġġa lill-Ukrajna hekk kif bħalissa qed tiffaċċja l-gwerra ta’ aggressjoni mir-Russja u tinsab fit-triq tagħha lejn is-sħubija fl-UE.Aqra aktar dwar il-Faċilità għall-Ukrajna Pjattaforma tad-Donaturi għall-Ukrajna Il-Pjattaforma tad-Donaturi għall-Ukrajna tnediet fis-26 ta’ Jannar 2023. Il-Pjattaforma tippermetti koordinazzjoni mill-qrib fost id-donaturi internazzjonali u l-organizzazzjonijiet finanzjarji u tiżgura appoġġ koerenti, trasparenti u responsabbli.L-għan tagħha huwa li tiżgura koordinazzjoni msaħħa fost l-atturi ewlenin kollha li jipprovdu appoġġ finanzjarju fuq perjodu qasir iżda wkoll assistenza fit-tul għall-fażi ta’ rikostruzzjoni. B’dan il-mod, tibni fuq ir-riżultati tal-Konferenzi f’Lugano, Berlin u Pariġi, biex tgħin biex jitnaqqas id-distakk bejn il-ħtiġijiet u r-riżorsi.Skopri aktar dwar il-Pjattaforma Il-mobilizzazzjoni tal-appoġġ internazzjonali Huwa issa li l-Ukrajna għandha l-aktar bżonn ta' għajnuna. Il-Kummissjoni Ewropea u s-sħab tagħha qed jimmobilizzaw l-appoġġ internazzjonali għall-istabbilizzazzjoni ekonomika u soċjali, ir-rikostruzzjoni u l-irkupru tal-Ukrajna mill-effetti tal-gwerra. Konferenza dwar l-Irkupru tal-Ukrajna tal-2025Fil-Konferenza dwar l-Irkupru tal-Ukrajna (URC, Ukraine Recovery Conference) tal-2025 f’Ruma, il-President tal-Kummissjoni Ewropea Ursula von der Leyen ħabbret il-firma ta’ €2.3 biljun f’garanzija tal-UE u ftehimiet ta’ għotja, immobilizzati fl-ambitu tal-Qafas ta’ Investiment għall-Ukrajna.Dawn il-ftehimiet huma mistennija jiżblokkaw €10 biljun f’investimenti fl-infrastruttura muniċipali u soċjali, l-akkomodazzjoni, l-enerġija, u l-iżvilupp tas-settur privat, inkluż l-industriji strateġiċi u b’użu doppju. Konferenza dwar l-Irkupru tal-Ukrajna tal-2024Fil-URC tal-2024 f’Berlin, il-President tal-Kummissjoni Ewropea Ursula von der Leyen ħabbret il-firma ta’ €1.4 biljun f’garanzija ġdida u ftehimiet ta’ għotja biex tappoġġa l-irkupru u r-rikostruzzjoni tal-Ukrajna, bħala parti mill-Qafas ta’ Investiment għall-Ukrajna. Dan se jippermetti lill-istituzzjonijiet finanzjarji internazzjonali jipprovdu €3.2 biljun f’appoġġ lill-intermedjarji finanzjarji u l-benefiċjarji finanzjarji fl-Ukrajna.Dawn il-ftehimiet se jkunu ta’ benefiċċju għall-kumpaniji privati, inklużi l-intrapriżi żgħar u ta’ daqs medju, il-muniċipalitajiet u l-intrapriżi tal-istat tal-Ukrajna. Huma ser jiffukaw fuq it-tiswija, ir-riabilitazzjoni u l-iżvilupp tal-infrastruttura tal-enerġija, li kienet immirata ħafna mir-Russja.Konferenza dwar l-Irkupru tal-Ukrajna tal-2023Fil-URC tal-2023 f’Londra, il-Kummissjoni Ewropea, il-Bank Ewropew tal-Investiment (BEI), il-Bank Ewropew għar-Rikostruzzjoni u l-Iżvilupp (BERŻ), u l-Korporazzjoni Finanzjarja Internazzjonali (IFC, International Finance Corporation) iffirmaw ftehimiet b’valur ta’ aktar minn €800 miljun biex jimmobilizzaw l-investiment privat għall-irkupru u r-rikostruzzjoni tal-ekonomija tal-Ukrajna. Il-ftehimiet, li huma appoġġati mill-Fond Ewropew għall-Iżvilupp Sostenibbli Plus, il-fergħa ta’ finanzjament tal-NDICI-Global Europe, jenfasizzaw l-impenn internazzjonali konġunt biex is-settur privat jiġi mobilizzat għall-irkupru u r-rikostruzzjoni tal-Ukrajna.Konferenza Internazzjonali ta’ Esperti dwar l-Irkupru, ir-Rikostruzzjoni u l-Immodernizzar tal-UkrajnaF’Ottubru 2022, il-Kummissjoni Ewropea u l-Ġermanja, bħala l-president ta' dak iż-żmien tal-G7, ospitaw flimkien il-Konferenza Internazzjonali tal-Esperti dwar l-Irkupru, ir-Rikostruzzjoni u l-Modernizzazzjoni tal-Ukrajna f’Berlin. Il-konferenza kienet pass importanti ieħor li wera appoġġ sod mill-UE u mill-komunità internazzjonali għall-Ukrajna. Din enfasizzat ukoll li l-Kummissjoni u l-komunità internazzjonali se jkomplu jappoġġaw lill-Ukrajna lil hinn mill-ħtiġijiet immedjati tagħha, u fi triqitha lejn l-adeżjoni mal-UE. Appoġġ għall-iskejjel Ukreni Minħabba li l-futur tal-Ukrajna jibda fl-iskejjel tagħha, l-UE qed tappoġġa r-riabilitazzjoni ta’ skejjel danneġġati b’€100 miljun, imħabbra mill-President fid-diskors tagħha dwar l-Istat tal-Unjoni tal-2022.Il-Kummissjoni Ewropea allokat madwar €14-il miljun għax-xiri ta’ xarabanks tal-iskola u biex it-tfal Ukreni jaslu l-iskola b’mod sikur. Il-Kummissjoni nediet ukoll kampanja fl-UE kollha biex tagħmel donazzjoni ta’ xarabanks tal-iskola għall-Ukrajna, li tgħaddi permezz tal-Mekkaniżmu tal-UE għall-Protezzjoni Ċivili.B’mod parallel, il-Kummissjoni se taħdem mal-Ukrajna biex tiżgura l-aċċess bla xkiel tal-pajjiż għas-suq uniku, filwaqt li tagħti s-setgħa lill-Ukrajna biex tagħmel l-aħjar użu mill-potenzjal tagħha, tgħin biex tħaffef it-tkabbir u toħloq opportunitajiet.Skopri aktar dwar ix-xarabanks tal-iskola għall-Ukrajna Dokumenti Pjan tal-Kummissjoni għar-rikostruzzjoni fit-tul tal-UkrajnaKomunikazzjoni: Għajnuna u rikostruzzjoni tal-UkrajnaSkeda informattiva: L-Unjoni Ewropea u l-Ukrajna Segwi l-aħħar progress u ħu sehemTelegramXFacebookInstagramLinkedInNetwerks soċjali oħrajn Links relatati Is-solidarjetà tal-UE mal-Ukrajna
“L-Ukrajna tista’ sserraħ fuq l-appoġġ sħiħ tal-UE. Ninsabu lesti li nieħdu rwol ewlieni fl-isforzi internazzjonali ta’ rikostruzzjoni biex ngħinu fil-bini mill-ġdid ta’ Ukrajna demokratika u prospera. Dan ifisser li l-investimenti se jimxu id f’id ma’ riformi li se jappoġġaw lill-Ukrajna timxi fuq triqitha lejn l-Ewropa.”Ursula von der Leyen, il-President tal-Kummissjoni Ewropea
Konferenza dwar l-Irkupru tal-Ukrajna tal-2025Fil-Konferenza dwar l-Irkupru tal-Ukrajna (URC, Ukraine Recovery Conference) tal-2025 f’Ruma, il-President tal-Kummissjoni Ewropea Ursula von der Leyen ħabbret il-firma ta’ €2.3 biljun f’garanzija tal-UE u ftehimiet ta’ għotja, immobilizzati fl-ambitu tal-Qafas ta’ Investiment għall-Ukrajna.Dawn il-ftehimiet huma mistennija jiżblokkaw €10 biljun f’investimenti fl-infrastruttura muniċipali u soċjali, l-akkomodazzjoni, l-enerġija, u l-iżvilupp tas-settur privat, inkluż l-industriji strateġiċi u b’użu doppju.
