Il-baġit tal-UE mhux u qatt ma kien dwar li trodd lura skont kemm tirċievi jew viċeversa. Kulħadd huwa rebbieħ bħala parti mis-suq uniku, li jindirizza l-isfida tal-migrazzjoni u jiġġieled kontra t-terroriżmu u t-tibdil fil-klima flimkien. Hu importanti li wieħed iħares lejn il-valur miżjud tal-UE b’mod sħiħ u jiftakar li kulħadd jibbenefika mill-baġit tal-UE.
Madankollu, f'ċerti oqsma ta’ politika l-Istati Membri rċevew ammonti assenjati minn qabel. Dawn jiġu fil-forma ta’:
- pakketti finanzjarji (fondi tal-politika ta’ koeżjoni lil reġjuni Ewropej, il-Faċilità għall-Irkupru u r-Reżiljenza, allokazzjonijiet għall-Fond Agrikolu Ewropew għall-Iżvilupp Rurali, il-Fond Ewropew għall-Affarijiet Marittimi u s-Sajd, il-Fond għal Tranżizzjoni Ġusta, u l-programm ta’ assistenza għad-dekummissjonar nukleari), jew
- limiti massimi nazzjonali (pagamenti diretti lill-bdiewa fi ħdan il-politika agrikola komuni).
Barra minn hekk, il-pajjiżi tal-UE u benefiċjarji oħra għandhom aċċess għall-programmi li għalihom ma jeżistux pakketti allokati minn qabel.
Allokazzjonijiet u pagamenti
Ħarsa ġenerali sħiħa tinsab fil-fuljett komprensiv dwar il-QFP 2021-2027 u n-NextGenerationEU.
NextGeneration EU
Għall-allokazzjonijiet aġġornati ara L-allokazzjoni aġġornata tal-għotjiet tal-Istati Membri bbażata fuq id-data tal-eżitu tal-Eurostat għall-2020 u l-2021
QFP 2021-2027