Hemm żieda fin-nuqqas ta’ ħaddiema u ta’ ħiliet fl-Istati Membri kollha tal-UE. Fi stħarriġ reċenti, kważi żewġ terzi (63%) tan-negozji żgħar u ta’ daqs medju qalu li ma jistgħux isibu t-talent li għandhom bżonn. Barra minn hekk, il-Kummissjoni identifikat 42 okkupazzjoni nieqsa mill-ħaddiema. Biex tindirizza dawn in-nuqqasijiet ta’ ħaddiema u ħiliet, il-Kummissjoni ppreżentat pjan ta’ azzjoni li jistabbilixxi miżuri ewlenin li l-UE, l-Istati Membri u s-sħab soċjali għandhom jieħdu fit-terminu qasir sa medju. Dan se jgħin biex jiġi sfruttat il-potenzjal tat-tkabbir tal-UE, jappoġġja l-kompetittività tagħha, u jipprovdi opportunitajiet aħjar għal kulħadd. Hemm ħames oqsma ta’ azzjoni: L-appoġġ lill-persuni sottorappreżentati biex jidħlu fis-suq tax-xogħol L-għoti ta’ appoġġ għall-iżvilupp tal-ħiliet, it-taħriġ u l-edukazzjoni It-titjib tal-kundizzjonijiet tax-xogħol It-titjib tal-mobbiltà intra-UE ġusta għall-ħaddiema u l-istudenti L-attrazzjoni ta’ talent minn barra l-UE Il-pjan ta’ azzjoni ġie kkonsultat mas-sħab soċjali, li huwa kruċjali biex jinftiehmu l-ħtiġijiet tal-ħaddiema u jiġu indirizzati l-isfidi tas-suq tax-xogħol. Dan isegwi wkoll minn bosta inizjattivi li l-UE, l-Istati Membri u s-sħab soċjali diġà stabbilew inklużi l-Aġenda għall-Ħiliet għall-Ewropa, il-Patt għall-Ħiliet u s-Sena Ewropea tal-Ħiliet. L-azzjonijiet proposti huma meħtieġa jekk l-UE trid tilħaq il-miri ewlenin tagħha għall-2030 dwar il-ħiliet u l-impjiegi, jiġifieri mill-inqas 78% tal-popolazzjoni ta’ bejn 20 u 64 sena għandha tkun f’impjieg, u 60% tal-adulti jipparteċipaw f’taħriġ annwali. Għal iktar informazzjoni Ekonomija għas-servizz tan-nies Stqarrija għall-istampa: Il-Kummissjoni tistabbilixxi azzjonijiet biex tindirizza n-nuqqas ta’ ħaddiema u ta’ ħiliet fl-UE Djalogu Soċjali Sena Ewropea tal-Ħiliet Patt għall-Ħiliet Aġenda Ewropea għall-Ħiliet Summit tas-Sħab Soċjali ta’ Val Duchesse 2024 Dettalji Data tal-pubblikazzjoni20 Marzu 2024AwturId-Direttorat Ġenerali għall-Komunikazzjoni
