Ón lá inniu, tá córas nua bainistithe teorainneacha an Aontais ag feidhmiú go hiomlán go hoifigiúil ag gach pointe trasnaithe teorann seachtraí de chuid an Aontais, seachas an Chipir agus Éire. Is córas uathoibrithe TF é an Córas Dul Isteach/Imeachta chun náisiúnaigh tríú tír atá ag taisteal le haghaidh tréimhsí gearrfhanachta a chlárú, is é sin suas le 90 lá i dtréimhse 180 lá. Tagann sé in ionad an tseanbhealaigh nuair a bhíodh pasanna á stampáil de láimh.
Faoin gcóras nua, nuair a shroicheann náisiúnach tríú tír pointe trasnaithe teorann i Limistéar Schengen den chéad uair, cláraítear an t-eolas seo a leanas sa chóras:
- mionsonraí faoin bpas
- sonraí bithmhéadracha
- taifid ar dhul isteach agus imeacht
I gcás gach dul isteach agus imeachta ina dhiaidh sin, ní bheidh gá ach le fíorú tapa, rud a fhágfaidh go mbeidh an próiseas níos tapa.
Leis an gcóras nua, déantar nuachóiriú ar rialuithe teorann san Aontas tríd an méid seo a leanas a dhéanamh:
- seiceálacha teorann a dhéanamh níos tapa, ionas go gcaithfaidh taistealaithe níos lú ama ag fanacht
- cuidiú le foireann rialaithe teorann oibriú ar bhealach níos éifeachtúla
- feabhas a chur ar an tslándáil, trí rochtain a thabhairt d’údaráis teorann agus d’údaráis forfheidhmithe dlí ar eolas tábhachtach faoin taistealaí
- cuidiú chun cosc a chur ar an imirce neamhrialta
Tá an córas nua teorann digití sin á chur i bhfeidhm de réir a chéile ar fud an Aontais ó mhí Dheireadh Fómhair 2025 agus tá sé go hiomlán oibríoch ón 10 Aibreán 2026 i leith.
Tuilleadh eolais
- Dáta foilsithe
- 10 Aibreán 2026
- Údar
- Ard-Stiúrthóireacht na Cumarsáide
An nuacht ghaolmhar
Tá sé beartaithe ag an gCoimisiún Frontex a threisiú, is é sin an ghníomhaireacht de chuid an Aontais a bhfuil ról ríthábhachtach aici i dtaobh tacú le tíortha an Aontais agus tíortha Schengen teorainneacha seachtracha an Aontais a bhainistiú.
Leis an gCárta Eorpach um Árachas Sláinte is féidir leat cúram leighis riachtanach agus práinneach a fháil thar lear, lena n-áirítear le haghaidh tinnis ainsealacha nó tinnis atá ort cheana, chomh maith le toircheas agus breith clainne. Tá an Cárta Eorpach um Árachas Sláinte bailí in aon tír den Aontas, san Íoslainn, i Lichtinstéin, san Iorua, san Eilvéis nó sa Ríocht Aontaithe duit.
The new rules adopted by the European Parliament and the Council strengthen traveller rights and improve legal certainty for the package travel sector, which is largely made up of SMEs and micro-enterprises.
Tá plean leagtha amach ag an gCoimisiún Eorpach chun réigiúin an Aontais atá ag críochantacht leis an Rúis, an Bhealarúis agus an Úcráin a dhéanamh níos sláine, níos athléimní agus níos tarraingtí mar áiteanna cónaithe agus oibre.