Más loch san Fhionlainn, oileán Aeigéach nó cuan Chóbanhávan atá i gceist, is dócha go bhfuil sé beartaithe agat tumadh isteach san uisce an samhradh seo. Ach an bhfuil an t-uisce sábháilte? De réir an mheasúnaithe is déanaí ar uisce snámha na hEorpa do shéasúr snámha 2024, is é is dóichí go bhfuil! Fuarthas amach sa tuarascáil gur chomhlíon os cionn 85% de na suíomhanna a ndearnadh faireachán orthu caighdeáin ‘sármhaith’ an Aontais Eorpaigh i dtaca le cáilíocht uisce snámha anuraidh. Agus chomhlíon 96% ar a laghad de na huiscí snámha uile a sainaithníodh go hoifigiúil san Aontas na híoschaighdeáin cháilíochta.
Rinneadh measúnú sa tuarascáil ar bhreis agus 22,000 láthair uisce snámha ar fud 27 mBallstát uile an Aontais, chomh maith leis an Albáin agus an Eilvéis. I gcúig thír — an Chipir, an Bhulgáir, an Ghréig, an Ostair agus an Chróit — bhí 95% nó níos mó d’uiscí snámha ar ardchaighdeán. Ní bhfuarthas ach 1.5% d’uiscí snámha an Aontais ar dhroch-chaighdeán.
Tá feabhas suntasach tagtha ar cháilíocht an uisce snámha ar thránna ar fud na hEorpa le blianta beaga anuas, a bhuí den chuid is mó le beartais an Aontais agus gníomhaíochtaí Ballstáit den Aontas. Ceanglaítear le Treoir an Aontais maidir le hUisce Snámha faireachán córasach baictéareolaíoch a dhéanamh ar uiscí snámha an Aontais agus tá infheistíocht mhór déanta ag Ballstáit den Aontas i stáisiúin cóireála fuíolluisce uirbigh.
Tá uiscí snámha na hEorpa i bhfad níos sábháilte a bhuí leis na feabhsuithe sin ar chóireáil fuíolluisce. Is féidir le baictéir Escherichia coli – nó E. coli – agus eintreacóc stéigeach ár n-uisce snámha a thruailliú agus sláinte an duine a chur i mbaol mar gheall ar phataiginí a d’fhéadfadh a bheith iontu. De ghnáth, eascraíonn na baictéir sin as fuíolluisce neamhchóireáilte nó aoileach a chríochnaíonn in uiscí snámha, mar shampla, tar éis báisteach throm.
Cé go bhfuil an chuid is mó d’uiscí snámha na hEorpa ar ardchaighdeán, tá truailliú uisce dromchla agus screamhuisce fós suntasach agus d’fhéadfadh sé gur measa fós é mar gheall ar an athrú aeráide. Beidh sé ríthábhachtach feabhas a chur ar athléimneacht uisce don duine agus don chomhshaol sna blianta amach romhainn.
Tuilleadh eolais
Cáilíocht uisce snámha na hEorpa in 2024
Léarscáil idirghníomhach - Staid na n-uiscí snámha in 2024
- Dáta foilsithe
- 24 Iúil 2025
- Údar
- Ard-Stiúrthóireacht na Cumarsáide
An nuacht ghaolmhar
The report shows that Europe urgently needs to invest in its health systems to improve Europeans’ healthcare. This would also boost competitiveness, thanks to a healthy workforce.
Sa tuarascáil bhliantúil is déanaí uaidh maidir leis an Smacht Reachta, scrúdaíonn an Coimisiún Eorpach forbairtí i dtaca leis an smacht reachta i ngach Ballstát, chomh maith le ceithre thír is iarrthóirí, is iad sin an Albáin, Montainéagró, an Mhacadóin Thuaidh agus an tSeirbia.
On 25 June 2025, the EU is co-hosting - with the Gates Foundation - the Gavi 6.0 Pledging Summit. It will bring together global leaders from government, partner organisations, vaccine manufacturers, civil society, and the private sector, to secure crucial investment in vaccination programmes.
Tá an cúram ailse is fearr tuillte ag gach uile shaoránach den Aontas. Agus an tSeachtain Eorpach in aghaidh na hAilse (25-31 Bealtaine) á comóradh againn, athdhearbhaíonn an Coimisiún Eorpach go bhfuil sé tiomanta aontas sláinte Eorpach a bhaint amach a chuirfidh cúram sláinte ar ardchaighdeán ar fáil do chách.