Cén chúirt?
I gcás a bhfuil níos mó ná Ballstát amháin ag baint leis, ní mór do dhaoine fios a bheith acu cé acu cúirt ar cheart di éisteacht lena gcás, agus conas is féidir breithiúnas a aithint agus a fhorghníomhú i dtír eile den Aontas.
I Rialachán An Bhruiséil I, is é an riail atá ann gur cheart do chúirteanna thír chónaithe an chosantóra an cás a éisteacht. Tá feidhm ag eisceachtaí i roinnt cásanna sonracha, amhail
- sárú conartha: cúirteanna na háite inar chóir an oibleagáid atá i gceist a chomhlíonadh, ba cheart dóibh an cás a éisteacht
- ábhair neamhchonarthacha: cúirteanna na háite inar tharla an teagmhas díobhálach, is iad atá inniúil. Mar shampla, dá ngortófaí duine mar thoradh ar fhaillí duine éigin, dhéanfaí an cás a éisteacht sa tír den Aontas inar tharla an timpiste.
Tá feidhm ag an Rialachán maidir le gach cás sibhialta agus tráchtála, bíodh an t-éileamh á chonspóid nó ná bíodh, agus gan beann ar luach an éilimh.
Breithiúnas a aithint agus a fhorfheidhmiú i dtír eile den Aontas Eorpach
Chun breithiúnas a fhorfheidhmiú i mBallstát eile, is féidir leis an iarratasóir dul díreach chuig na húdaráis forfheidhmithe i dtíortha eile den Aontas. Mar shampla, is í an tír ina bhfuil sócmhainní ag féichiúnaí a bheadh i gceist.
An féichiúnaí a bhfuil an forghníomhú ina choinne á lorg agat, féadfaidh sé iarratas a dhéanamh ar an gcúirt go ndiúltófaí an forghníomhú.
Naisc ghaolmhara
an tAontas Eorpach
- An Líonra Breithiúnach Eorpach in ábhair shibhialta agus thráchtála
- An tAtlas Breithiúnach Eorpach in ábhair shibhialta
- An Eoraip Agatsa
- Líonra na Lárionad Eorpach do Thomhaltóirí (ECC)
- Bunachar sonraí maidir le dlínse, aitheantas agus forghníomhú (JURE)
- SOLVIT
- An Tairseach don ríomh-Cheartas