Liema qorti?
F’każ li jinvolvi aktar minn pajjiż wieħed tal-UE, in-nies jeħtieġ li jkunu jafu liema qorti għandha tisma’ l-każ tagħhom, u kif sentenza tista’ tiġi rikonoxxuta u eżekwiti f’pajjiż ieħor tal-UE.
Fir-Regolament Brussell I, ir-regola hija li l-qrati tal-pajjiż tal-UE ta’ residenza tal-konvenut għandhom jisimgħu l-każ. Japplikaw eċċezzjonijiet f’xi każijiet speċifiċi, bħal
- ksur ta’ kuntratt: il-qrati tal-post fejn l-obbligu inkwistjoni kellu jitwettaq għandhom jisimgħu l-każ
- kwistjonijiet mhux kuntrattwali: il-qrati tal-post fejn seħħ l-avveniment dannuż huma kompetenti. Pereżempju, jekk persuna sfat midruba b’konsegwenza tat-traskuraġni ta’ xi ħadd, il-każ jinstema’ fil-pajjiż tal-UE fejn seħħ l-aċċident.
Ir-Regolament japplika għall-każijiet ċivili u kummerċjali kollha, kemm jekk it-talba tkun kontestata u kemm jekk le u irrispettivament mill-valur tat-talba.
Ir-rikonoxximent u l-eżekuzzjoni ta’ sentenza f’pajjiż ieħor tal-UE
Biex sentenza tiġi eżekwita f’pajjiż ieħor tal-UE, l-applikant jista’ jirrikorri direttament għand l-awtoritajiet ta’ infurzar f’pajjiżi oħra tal-UE. Pereżempju, dan ikun il-pajjiż fejn id-debitur għandu l-assi.
Id-debitur li kontrih int qed titlob l-infurzar jista’ jitlob lill-qorti r-rifjut tal-eżekuzzjoni.
Links relatati
L-Unjoni Ewropea
- Network Ġudizzjarju Ewropew f’materji ċivili u kummerċjali
- L-ATLAS Ġudizzjarju Ewropew f'materji ċivili
- L-Ewropa tiegħek
- In-Network taċ-Ċentri Ewropej tal-Konsumatur (ECC)
- Il-bażi tad-data Ġuriżdizzjoni Rikonoxximent Eżekuzzjoni (JURE)
- SOLVIT
- Il-Portal tal-Ġustizzja elettronika