Staitisticí faoin imirce chun na hEorpa

Daoine a bhfuil cónaí orthu san Aontas Eorpach

Bunaithe ar na staitisticí is déanaí*,

^{*Chun sonraí níos mionsonraithe a fháil, féach Bunachar Sonraí Eurostat maidir le hImirce agus Tearmann.}

^{**Ní áirítear leis sin daoine a rugadh i mBallstát eile}

Áitritheoirí a rugadh ar an gcoigríoch in aghaidh na tíre

^{Foinse: Eurostat (2022), OECD (2021)
Nóta: daoine nár rugadh san Aontas i gcás an Aontais Eorpaigh (i.e. ní áirítear iad siúd a rugadh i mBallstát eile); dá gcuirfí daoine soghluaiste laistigh den Aontas san áireamh, is é 12.4 % an sciar a bheadh ann.}

Ceadanna cónaithe le cúis ag deireadh 2022

^{Foinse: Eurostat; áirítear le ‘eile’ ceadanna a eisíodh ar mhaithe le cónaí amháin, ceadanna a eisíodh le híospartaigh na gáinneála ar dhaoine agus le mionaoisigh neamhthionlactha, chomh maith le ceadanna a eisíodh ar gach cúis eile ar féidir ceadanna cónaithe a eisiúint lena haghaidh agus nach bhfuil cumhdaithe faoi na catagóirí eile}

In 2022 bhí 9.93 milliún duine nach saoránaigh den Aontas iad fostaithe i margadh saothair an Aontais, as 193.5 milliún duine idir 20 agus 64 bliana d’aois, méid arb ionann é agus 5.1% den mhéid foriomlán. Ar an iomlán, is ionann líon iomlán na ndaoine atá fostaithe san aoisghrúpa 20-64 bliana d’aois agus 197,458 milliún duine, agus 9,927 milliún díobh, ní saoránaigh den Aontas iad.

Foinse: Eurostat

Bhí ráta fostaíochta an daonra atá in aois oibre san Aontas níos airde i gcás saoránaigh den Aontas (77,1%) ná mar atá sé i gcás daoine nach saoránaigh den Aontas iad (61.9%) in 2022.

Earnálacha faoi ró-ionadaíocht

In 2022 bhí daoine nach saoránaigh den Aontas iad faoi ró-ionadaíocht in earnálacha eacnamaíocha ar leith, cuir i gcás:

Ró-ionadaíocht de réir poist

Maidir le poist, bhí daoine nach saoránaigh den Aontas iad faoi ró-ionadaíocht i measc na n-oibrithe seo a leanas:

Earnálacha faoi ghannionadaíocht

Bhí daoine nach saoránaigh den Aontas iad faoi ghannionadaíocht in earnálacha eacnamaíocha eile, mar shampla:

Gannionadaíocht de réir poist

Ar an lámh eile, bhí daoine nach saoránaigh den Aontas iad faoi ghannionadaíocht i measc na n-oibrithe seo:

^{Foinse: Eurostat}

Dídeanaithe ón Úcráin

Ó thosaigh ionsaí míleata na Rúise i gcoinne na hÚcráine i mí Feabhra 2022, tá an líon is mó daoine a theith ó chogadh ó bhí an Dara Cogadh Domhanda ann glactha ag an Eoraip. Tá sonraí atá cothrom le dáta le fáil faoi na hiarrachtaí atá ar siúl chun fáilte a chur roimh dhaoine atá ag teitheadh ón gcogadh san Úcráin agus chun cosaint shealadach a chur ar fáil dóibh, ar an leathanach tiomnaithe Bainistiú imirce: Fáilte a chur roimh dhídeanaithe ón Úcráin.

An staid fhoriomlán

Bunaithe ar shonraí ó UNHCR, is iad seo a leanas na figiúirí ar fud an domhain:

• 36.4 milliún dídeanaí i lár 2023 agus
• 62.5 milliún duine easáitithe ina dtír féin (mar gheall ar choinbhleacht) ag deireadh 2022.

Ba dhídeanaithe iad 1.5 % den daonra iomlán san Aontas Eorpach.

Líon na ndídeanaithe i gcomparáid leis an daonra iomlán

Tá roinnt tíortha ar domhan a bhfuil líon mór dídeanaithe á óstáil acu:

^{Foinse: UNHCR
Nóta: Léirítear sa ghraf na deich dtír a dhéanann an líon dídeanaithe is mó a óstáil agus an tAontas Eorpach}

Bunaithe ar na figiúirí bliantúla is déanaí

^{Nóta: sonraí ó 2021}

Cé gur minic a bhíonn an imirce neamhrialta i lár an aonaigh, is é fírinne an scéil gur iontrálacha neamhrialta é líon beag den imirce san Aontas.

In 2022, eisíodh a gcéad chead cónaithe do bheagnach 3.4 milliún duine san Aontas, i gcomparáid le 2.9 milliún in 2021, ar mó líon na gcéad cheadanna sin ná an líon a eisíodh roimh thús phaindéim COVID-19 (3.0 milliún in 2019). Tháinig méadú níos mó ná faoi dhó ar líon na gcéad cheadanna a d’eisigh an Ghearmáin (+190%), Málta (+164%) agus Éire (+146%) i gcomparáid le 2021. In 2022, bhí méadú mór ar leith ann i gcás ceadanna a bhaineann le tearmann (+60%) ach tháinig méadú bliain ar bhliain freisin ar líon na gceadanna a eisíodh don oideachais (+29%), ceadanna do theaghlaigh (+28%) agus ar chúiseanna eile (+47%). Ar an taobh eile, tháinig laghdú ar líon na gceadanna a eisíodh don obair i gcomparáid le 2021 (-6%). In 2022 is ar na cúiseanna seo a leanas a eisíodh na chéad cheadanna cónaithe:

^{Foinse: Eurostat; áirítear le ‘eile’ ceadanna a eisíodh ar mhaithe le cónaí amháin, ceadanna a eisíodh le híospartaigh na gáinneála ar dhaoine agus le mionaoisigh neamhthionlactha, chomh maith le ceadanna a eisíodh ar gach cúis eile ar féidir ceadanna cónaithe a eisiúint lena haghaidh agus nach bhfuil cumhdaithe faoi na catagóirí eile}

Na 10 náisiúntacht is mó dár eisíodh an chéad chead cónaithe sna Ballstáit in 2022

^{Foinse: Eurostat}

Iarrthóirí tearmainn céaduaire de réir mór-roinn tionscnaimh (2022)

^{Foinse: Eurostat}

Na 15 náisiúntacht is mó a rinne iarratas céaduaire ar thearmann (2022)

^{Foinse: Eurostat}

In 2022 tháinig iarrthóirí tearmainn ó thart ar 140 tír.

Rinneadh 958,800 iarratas, 877,800 iarratas céaduaire ina measc, san Aontas in 2022. Ba mhéadú 52 % é sin i gcomparáid le 2021 agus ba mhéadú 37% é le hais 2019, sula raibh COVID-19 ann.

Is as tíortha atá díolmhaithe ó cheanglas víosa atá sciar suntasach d’iarrthóirí (22 % de na hiarrthóirí céaduaire in 2022, méadú ó 15 % in 2021 de bhearr ardú ar líon na n-iarratasóirí as Meiriceá Laidineach). Tagann na hiarrthóirí sin isteach san Aontas go dlíthiúil agus is ó na tíortha seo a leanas an formhór acu:

• Veiniséala (5.7 % de na hiarratais chéaduaire uile)
• An Cholóim (4.8 %)
• An tSeoirsia (3.0%)
• An Úcráin (2.8 %)
• An Albáin (1.4 %)

Iarratais chéaduaire ar thearmann in aghaidh gach 100,000 áitritheoir in 2022:

^{Foinse: Eurostat}

In 2022 bhí 237,600 de na daoine a bhí ag lorg tearmainn faoi 18 mbliana d’aois – agus ba pháistí neamhthionlactha iad beagnach an séú cuid acu (39,500). An líon ba mhó de na páistí neamhthionlactha sin, is ón Afganastáin, ón tSiria agus ón tSomáil a tháinig siad.

Sa chéad seacht mí de 2023, rinneadh 601,600 iarratas ar thearmann (556,200 iarratas céaduaire ina measc) san Aontas Eorpach. Is méadú 25% é sin i gcomparáid leis an tréimhse chéanna in 2022, agus tá sé 52% níos airde freisin ná an tréimhse roimh COVID (an tréimhse chéanna in 2019).

Aitheantas do dhídeanaithe

In 2022, rinne na Ballstáit 632,400 cinneadh céadchéime maidir le tearmann. Cinneadh dearfach a bhí i 49 % de na cinntí sin:

• bronnadh stádas dídeanaí ar 143,000 duine,
• bronnadh stádas cosanta coimhdí ar 101,700 agus
• bronnadh stádas daonnúil ar 65,900.

Rinneadh 217,500 cinneadh deiridh eile tar éis achomhairc. Ina measc sin bhí:

• 27,000 cinneadh lenar bronnadh stádas dídeanaí,
• 17,500 cinneadh lenar bronnadh stádas cosanta coimhdí agus
• 28,600 cinneadh lenar bronnadh stádas daonnúil.

San iomlán, bhronn na Ballstáit cosaint ar thuairim agus 383,700 duine in 2022.

Sa chéad leath de 2023, tháinig méadú ar an ráta glactha: as 342,400 cinneadh céadchéime maidir le tearmann, bhí 53% acu dearfach, lena n-áirítear:

• 69,500 cinneadh lenar bronnadh stádas dídeanaí,
• 63,300 cinneadh lenar bronnadh stádas cosanta coimhdí agus
• 48,900 cinneadh lenar bronnadh stádas daonnúil.

Éifeachtacht an chórais tearmainn

• Riaráiste luaineach
  Ag deireadh mhí Iúil 2023, bhí 955,200 iarratas ar thearmann ar feitheamh – 25 % níos mó ná an bhliain roimhe (764,100). Tá méadú ag teacht ar an riaráiste ó lár 2021.
• Amanna próiseála éagsúla ó Bhallstát go chéile
  Tá éagsúlachtaí móra idir cóimheas na gcásanna ar feitheamh agus na n-iarratas ar fud na mBallstát, rud a léiríonn na difríochtaí ó thaobh amanna próiseála de. De réir shonraí Ghníomhaireacht an Aontais Eorpaigh um Thearmann (EUAA), ag deireadh mhí Iúil 2023, 48% de na hiarratais a bhí ar feitheamh ag an gcéad chéim, bhí siad ar feitheamh le breis agus sé mhí.

Líon na n-iarratas ar feitheamh i gcomparáid le líon iomlán na n-iarratas a cuireadh isteach sa mhí lena mbaineann

^{Foinse: Eurostat}

• Rátaí aitheantais éagsúla i measc na mBallstát
  I ngeall ar dhifríochtaí nach beag sna rátaí aitheantais i measc na mBallstát, tá dochar á dhéanamh go fóill do chóras tearmainn an Aontais. Mar shampla, in 2022 bhí ráta aitheantais céadchéime na saoránach Afganastánach ag an gcéad chéim (gan stádas daonnúil a chur san áireamh) idir 27% sa Ghearmáin agus 100% sa Phortaingéil agus sa Laitvia (níl san áireamh ach na Ballstáit a d’eisigh ar a laghad 100 cinneadh céadchéime do shaoránaigh Afganastánacha).
• Rialacha Bhaile Átha Cliath sa chleachtas
  In 2022 thuairiscigh na Ballstáit gur sheol siad 174,500 iarratas faoi rialacha Bhaile Átha Cliath chuig Ballstáit eile agus chuig tíortha eile atá rannpháirteach i gcóras Bhaile Átha Cliath chun freagracht a ghlacadh as scrúdú a dhéanamh ar iarratas ar chosaint idirnáisiúnta. As 158,200 cinneadh maidir le hiarratais den chineál sin, glacadh le 97,700 (62 %) díobh agus rinneadh 13,300 aistriú amach, is é sin 14 % de na hiarratais ar glacadh leo.

Athlonnú

In 2022 rinneadh thart ar 17,300 duine a raibh gá acu le cosaint idirnáisiúnta a athlonnú ó thíortha lasmuigh den Aontas chuig Ballstáit den Aontas, 6 % níos lú ná in 2021 ach 97 % níos mó ná in 2020.

Bá de náisiúntacht na Siria an líon is mó i bhfad de na daoine a athlonnaíodh (63%).

Faoi scéimeanna athlonnaithe comhpháirteacha de chuid an Aontais, tugadh cosaint san Aontas do 117,000 duine ó bhí 2015 ann. Ina theannta sin, tá breis agus 46,000 duine tagtha go dtí an tAontas faoin ligean isteach daonnúil ó bhí 2021 ann, Afganastánaigh a bhí i mbaol an chuid ba mhó acu. Faigheann na Ballstáit tacaíocht ó bhuiséad an Aontais le haghaidh athlonnuithe agus ligean isteach daonnúil.

Figiúirí iomlána

Trasnuithe teorann neamhrialta go dtí an Aontas in 2023 de réir náisiúntachta (Eanáir-Lúnasa)

^{Foinse: Frontex}

Eanáir-Meán Fómhair 2023:

Áirítear leis sin:

Dáileadh geografach

2022

• Méadú ar líon na dtrasnuithe ar bhealach na Meánmhara Láir (+56%, 105,600), ar bhealach na Meánmhara Thoir (+113%, 43,900) agus ar bhealach na mBalcán Thiar (+134 %, 144,100) le hais 2021.
• Laghdú ar líon na dtrasnuithe ar bhealach na Meánmhara Thiar (bealach an Atlantaigh ó Iarthar na hAfraice go dtí na hOileáin Chanáracha san áireamh) (-25 %, 30,600) agus ar na teorainneacha thoir (-22 %, 6,300) le hais 2021
• Méadú 18 % ar líon na mbásanna ar muir: Tuairiscíodh go bhfuair 2,411 dhuine bás nó go raibh siad ar iarraidh ar thrí bhealach na Meánmhara in 2022, le hais 2,047 in 2021

Eanáir-Lúnasa 2023

• Ag féachaint ar an tréimhse idir mí Eanáir agus mí Lúnasa, in 2023 tháinig méadú ar líon na dtrasnuithe ar bhealach na Meánmhara Láir (+97%, 114,900) agus na Meánmhara Thiar (lena n-áirítear bealach an Atlantaigh ón Afraic Thiar go dtí na hOileáin Chanáracha) i gcomparáid leis an tréimhse chéanna in 2022
• Idir mí Eanáir agus mí Lúnasa 2023, tháinig laghdú ar líon na dtrasnuithe ar bhealach na Meánmhara Thoir (-9%, 25,400) agus na dteorainneacha Thoir (-9%, 3,800) i gcomparáid leis an tréimhse chéanna in 2022
• Méadú 31% ar líon na mbásanna ar muir: Tuairiscíodh go bhfuair 2,418 duine bás nó go raibh siad ar iarraidh ar na trí bhealach sa Mheánmhara in Eanáir-Samhain 2023, i gcomparáid le 1,841 le linn na tréimhse céanna in 2022

Figiúirí iomlána

Seo a leanas na tíortha náisiúntachta ba mhó a bhí ag na daoine ar ordaíodh dóibh an tAontas a fhágáil:

• An Ailgéir (7.9%)
• Maracó (7.1%)
• An Phacastáin (5.9%)
• An Afganastáin (5.8%)
• An Albáin (5.5 %)

Éifeachtacht an chórais um fhilleadh

In 2022 cuireadh 73,600 duine nár shaoránaigh den Aontas iad ar ais chuig tír nár Bhallstát í. Is ionann sin agus 17% de na cinntí um fhilleadh go léir a eisíodh le linn na bliana, ráta atá laghdaithe ó 18 % ar 2021.

Ar na tíortha tionscnaimh ba mhó a bhí ag na daoine a filleadh go tíortha lasmuigh den Aontas in 2022, bhí:

• An Albáin (12.9%)
• An tSeoirsia (10.2%)
• An Tuirc (5.4%)
• An tSeirbia (4.2%)
• An Mholdóiv (3.5%)

As measc na náisiúntachtaí lenar bhain 5,000 ordú um fhilleadh ar a laghad, bhí an ráta fillte an-íseal i gcás na ndaoine a tháinig ó na tíortha seo a leanas:

• An Afganastáin (1.1%)
• An tSiria (1.7%)
• An Cósta Eabhair (2.7%)
• An Ghuine (4.3%)
• An Bhanglaidéis (5.7%)

In 2022, ba é 54-46% an sciar den fhilleadh a bhí deonach nó éigeantach. Is filleadh cuidithe a bhí i gceist le 75% acu – fuair na daoine a filleadh cúnamh lóistíochta, cúnamh airgeadais agus/nó cúnamh ábhartha eile.

Sa chéad leath de 2023, ordaíodh do 217,100 saoránach nach saoránaigh den Aontas iad Ballstát den Aontas a fhágáil, agus cuireadh 38,900 duine ar an iomlán ar ais chuig tír nach tír den Aontas í tar éis ordú chun imeacht. I gcomparáid leis an tréimhse chéanna in 2021, tháinig méadú 16% agus 21% faoi seach ar líon na n-orduithe um fhilleadh agus ar líon na bhfilltí.

In 2022 fuair beagnach 1,700 consalacht de chuid na mBallstát 7.6 milliún iarratas ar víosaí gearrfhanachta ó dhaoine nár shaoránaigh den Aontas iad, méadú ón 2.9 milliún iarratas a fuarthas in 2021 ach laghdú 55% ar an líon a fuarthas in 2019.

San iomlán, eisíodh 5.9 milliún víosa gearrfhanachta agus diúltaíodh do 1.3 milliún, rud a d’fhág go raibh ráta diúltaithe 17.9 % ann (suas ó 13.4% ó 2021) ar fud an Aontais.

Is sna tíortha seo a leanas a rinneadh an mhórchuid de na hiarratais:

• An Tuirc (778,400)
• An Rúis (687,200)
• An India (671,900)
• Maracó (423,200)
• An Ailgéir (392,100)

Seo a leanas na tíortha a phróiseáil an líon ba mhó iarratas:

• An Fhrainc (1,918,500)
• An Spáinn (1,197,500)
• An Ghearmáin (1,043,300)
• An Iodáil (727,500)
• An Ghréig (459,100)

Is víosaí il-iontrála a bhí i 58% de na víosaí ar fad a eisíodh. Bíonn víosaí gearrfhanachta bailí le haghaidh taisteal ar fud na 26 thír atá i limistéar Schengen ar feadh tréimhse suas le 90 lá in aon tréimhse 180 lá.

Is é Lárionad Eolais an Choimisiúin Eorpaigh maidir le hImirce agus Déimeagrafaíocht a d’eisigh an tAtlas ar an Imirce, mar atá, acmhainn idirghníomhach ina bhfuil sonraí comhchuibhithe, cothrom le dáta, bailíochtaithe maidir le stádas na himirce agus na déimeagrafaíochta sna 27 mBallstáit agus i 171 thír agus chríoch nach Ballstáit den Aontas iad.

Staidreamh Eorpach cothrom le dáta maidir leis na nithe seo a leanas:

• an imirce idirnáisiúnta
• an tearmann
• an imirce bhainistithe
• imircigh ar leanaí iad
• imeascadh na n-imirceach

agus tá eolas a bhaineann le hábhar ar fáil ar shuíomh gréasáin Eurostat.

Bailíonn Eurostat sonraí ó Údaráis Náisiúnta Staidrimh na mBallstát agus tíortha CSTE bunaithe ar rialacháin staidrimh a ghlac Parlaimint na hEorpa agus an Chomhairle. Déantar dearbhú cáilíochta ar na sonraí agus na meiteashonraí gaolmhara i gcomhréir le Cód Cleachtais an Staidrimh Eorpaigh agus déantar an Cód sin a nuashonrú go tráthrialta ag brath ar an mbailiú sonraí. Foilsítear torthaí staidrimh sna hailt ‘Statistics Explained’ agus i bhfoilseacháin eile.

_{Séanadh: Tá na sonraí thuas bunaithe ar an bhfaisnéis is déanaí atá ar fáil, agus déantar iad a nuashonrú ar bhonn ráithiúil, an nuashonrú is déanaí: Deireadh Fómhair 2023}