Page contents Page contents Obair a dhéanamh le heagraíochtaí neamhspleácha seiceála fíricí Is colún ríthábhachtach de chur chuige an Aontais i leith na hionramhála ar fhaisnéis agus cur isteach eachtrach í an tseiceáil fíricí. Cabhraíonn seiceálaithe fíricí le hábhar a mheasúnú agus a fhíorú chun faisnéis neamhspleách chruinn iontaofa a chur ar fáil don phobal ar féidir leo muinín a chur inti. Chun seiceáil fíricí a chur chun cinn agus chun feasacht a ardú i measc na saoránach i dtaca le faisnéis a ndearnadh seiceáil fíricí uirthi, tá an tAontas Eorpach ag comhoibriú le seiceálaithe fíricí neamhspleácha. An Fhaireachlann Eorpach um na Meáin Dhigiteacha (EDMO)Is tionscadal í an Fhaireachlann Eorpach um na Meáin Dhigiteacha (EDMO) a thacaíonn le pobal neamhspleách ildisciplíneach, ina bhfuil seiceálaithe fíricí, acadóirí, cleachtóirí litearthachta sna meáin agus páirtithe leasmhara ábhartha eile, agus iad uile ag teacht le chéile chun na hionramhála ar fhaisnéis agus cur isteach eachtrach a chomhrac. Cuireann líonra EDMO cumhdach geografach cuimsitheach ar fáil don Aontas. I bhfianaise thoghcháin Eorpacha 2024, tá tascfhórsa tiomnaithe curtha ar bun ag EDMO chun scaipeadh na bréagaisnéise faoi na toghcháin a bhrath agus chun foláireamh a thabhairt ina leith. D’eisigh an tascfhórsa nuashonruithe laethúla faoin mbréagaisnéis bhréagnaithe (seiceálacha fíricí), nuashonruithe seachtainiúla maidir le treochtaí bréagaisnéise, chomh maith le luathrabhaidh agus imscrúduithe ábhartha. Reáchtáil EDMO feachtas litearthachta sna meáin freisin, ‘Be Elections Smart’ (‘Bítear cliste maidir leis na toghcháin’). An Líonra Eorpach um Chaighdeáin um Sheiceáil Fíricí (EFSCN)Is éard atá sa EFSCN comhlachas neamhspleách d’eagraíochtaí seiceála fíricí Eorpacha a sheasann leis na caighdeáin is airde seiceála fíricí agus litearthachta sna meáin agus a chuireann chun cinn iad chun an mhífhaisnéis a chomhrac ar mhaithe le leas an phobail. Oibríonn EFCSN agus a chomhaltaí fíoraithe chun rochtain ar fhaisnéis iontaofa a ndéantar seiceáil fíricí uirthi a chur chun cinn agus chun feasacht a mhúscailt i dtaca le conas measúnú a dhéanamh ar chruinneas na faisnéise sa réimse poiblí. Tacú leis an tsochaí shibhialta, leis na meáin agus leis an lucht acadúil Faoin gclár Fís Eorpach, Eoraip na Cruthaitheachta, an Clár um Shaoránaigh, Comhionannas, Cearta agus Luachanna (CERV), Erasmus+ agus cláir eile, tá an tAontas Eorpach ag tacú le heagraíochtaí na sochaí sibhialta, le hiriseoirí, le heagraíochtaí meán agus le taighdeoirí ar fud na hEorpa. Tionscadail dá dtugtar tacaíocht, cuireann siad leis na hiarrachtaí uile-shochaí chun cur i gcoinne na hionramhála ar fhaisnéise agus cur isteach eachtrach, chun litearthacht sna meáin a fheabhsú agus chun saoirse agus iolrachas na meán a chosaint. Samplaí de thionscadail a fhaigheann tacaíocht AI-CODE – Réitigh ghiniúnacha IS-bhunaithe chun tacú le gairmithe meán Cuirfidh tionscadail AI-CODE seirbhísí núíosacha IS-bhunaithe ar fáil do ghairmithe meán chun tacú lena gcuid oibre sa timpeallacht dhigiteach atá ag teacht chun cinn. Is é an aidhm atá ann uirlisí agus teicnící a chur ar fáil do ghairmithe sna meáin chun cineálacha nua ionramhála ábhair a bhrath. Tá thart ar €5 mhilliún curtha ar fáil ag an Aontas chun tacú leis an tionscadal sin.AI4Debunk – Uirlisí atá cumhachtaithe ag an intleacht shaorga chun tacú le saoránaigh eolas a fhíorú Is é is aidhm don tionscadal AI4Debunk ceithre chomhéadan IS-lárnach a fhorbairt: breiseán gréasáin, ardán comhoibríoch, aip d’fhóin chliste, agus comhéadan réaltachta breisthe. Tacóidh na comhéadain sin le saoránaigh nascleanúint a dhéanamh ar thírdhreach na meán digiteach go sábháilte agus cinntí eolasacha a dhéanamh. Tá thart ar €4.9 milliún curtha ar fáil ag an Aontas chun tacú leis an tionscadal sin.EU-HYBNET – Gníomhaíocht nuálach chun bagairtí hibrideacha a chomhracDíreoidh tionscadal EU-HYBNET ar ullmhú do bhagairtí hibrideacha agus ar chosaint ina gcoinne, chomh maith le líonra Eorpach don earnáil a fhorbairt agus a thógáil. Chun na riachtanais is práinní a shainaithint le bagairtí hibrideacha a chomhrac, tabharfar cleachtóirí agus páirtithe leasmhara le chéile sa tionscadal. Déanfaidh sé anailís dhomhain ar na bearnaí agus ar na riachtanais agus déanfaidh sé tástáil ar na nuálaíochtaí is mó a bhfuil gealladh fúthu (teicniúil agus sóisialta).Tá thart ar €3.5 milliún curtha ar fáil ag an Aontas chun tacú leis an tionscadal sin.E-engAGEd – Rannpháirtíocht Dhigiteach Idir-Ghlúine Is é is aidhm don tionscadal E-engAGEd rannpháirtíocht dhigiteach, shóisialta agus pholaitiúil daoine óga agus daoine fásta níos sine a mhéadú le cur chuige foghlama idirghlúine. Cuireann sé spásanna ar fáil le haghaidh díospóireachtaí agus malartuithe idir saoránaigh d’aoiseanna éagsúla faoin timpeallacht faisnéise nua-aimseartha, faoin tsaoránacht dhigiteach agus faoin rannpháirtíocht shibhialta. Tá thart ar €206,000 curtha ar fáil ag an Aontas chun tacú leis an tionscadal sin.DRONE – Litearthacht dhigiteach a chur chun cinn i measc scoileanna Baineann tionscadal DRONE úsáid as cur chuige éiceachórais uile-scoile lena dtugtar ról do cheannairí scoile agus do thuismitheoirí san idirphlé agus lena meastar litearthacht dhigiteach agus litearthacht sna meáin na ndaltaí a bheith ina ngnéithe ríthábhachtacha d’ullmhacht i gcomhair géarchéimeanna i bpobail scoile. Tá sé is aidhm don tionscadal tionchar a imirt ar leibhéil éagsúla trí ábhair nuálacha do mhúinteoirí a tháirgeadh agus trí chúrsaí oiliúna a chruthú chun saoránacht ghníomhach dhigiteach a chur chun cinn i bpobail scoile.Tá thart ar €1.5 milliún curtha ar fáil ag an Aontas chun tacú leis an tionscadal sin.RESONANT – Taighde a dhéanamh ar an tionchar a bhíonn ag cosc faisnéise Tá sé mar aidhm ag an tionscadal RESONANT léargas agus tuiscint níos fearr a fhorbairt ar ghníomhaithe Stáit agus neamhstáit a chuireann cosc ar fhaisnéis mar ghné amháin den ionramháil agus cur isteach eachtrach ar fhaisnéis (FIMI). Forbróidh sé straitéisí, uirlisí agus modheolaíochtaí chun tionchar agus leochaileacht spriocghrúpaí a laghdú.Tá thart ar €3 mhilliún curtha ar fáil ag an Aontas chun tacú leis an tionscadal sin.SOLARIS – Ag freagairt do na dúshláin a bhaineann le domhainbhrionnuitheDéanfaidh tionscadal SOLARIS anailís ar rioscaí a bhaineann le Líonraí Sáraíochta Giniúna (GANanna), aicme líonraí néaracha atá in ann ábhar ilmheán a chruthú (grianghraif, físeáin, fuaim) lena n-ionsamhlaítear fíorábhar go han-bheacht – rud ar a dtugtar domhainbhrionnuithe go minic. Is é is aidhm don tionscadal nuálaíochtaí a fhorbairt chun rioscaí domhainbhrionnaithe a bhrath agus a mhaolú. Tá thart ar €2.8 milliún curtha ar fáil ag an Aontas chun tacú leis an tionscadal sin. SPEAK OUT – An óige a spreagadh i bpobail áitiúla Is é is aidhm don tionscadal SPEAK OUT malartú idir daoine óga a chur chun cinn i bpobail éagsúla. Trí oiliúint, idirphlé agus imeachtaí mórscála, spreagann an tionscadal daoine óga chun páirt a ghlacadh sa daonlathas agus ardaíonn sé feasacht maidir le hionramháil ar fhaisnéise. Tá thart ar €390,000 curtha ar fáil ag an Aontas chun tacú leis an tionscadal sin. Faigh amach faoi thionscadail eile a fhaigheann maoiniú ón Aontas chun cur i gcoinne na bréagaisnéise Naisc ghaolmhara An Gréasán Idirnáisiúnta um Sheiceáil Fíricí (IFCN)Fís Eorpach - Maoiniú le haghaidh taighde agus nuálaíochta
Is colún ríthábhachtach de chur chuige an Aontais i leith na hionramhála ar fhaisnéis agus cur isteach eachtrach í an tseiceáil fíricí. Cabhraíonn seiceálaithe fíricí le hábhar a mheasúnú agus a fhíorú chun faisnéis neamhspleách chruinn iontaofa a chur ar fáil don phobal ar féidir leo muinín a chur inti. Chun seiceáil fíricí a chur chun cinn agus chun feasacht a ardú i measc na saoránach i dtaca le faisnéis a ndearnadh seiceáil fíricí uirthi, tá an tAontas Eorpach ag comhoibriú le seiceálaithe fíricí neamhspleácha.
Faoin gclár Fís Eorpach, Eoraip na Cruthaitheachta, an Clár um Shaoránaigh, Comhionannas, Cearta agus Luachanna (CERV), Erasmus+ agus cláir eile, tá an tAontas Eorpach ag tacú le heagraíochtaí na sochaí sibhialta, le hiriseoirí, le heagraíochtaí meán agus le taighdeoirí ar fud na hEorpa. Tionscadail dá dtugtar tacaíocht, cuireann siad leis na hiarrachtaí uile-shochaí chun cur i gcoinne na hionramhála ar fhaisnéise agus cur isteach eachtrach, chun litearthacht sna meáin a fheabhsú agus chun saoirse agus iolrachas na meán a chosaint.
