Ar aghaidh go dtí an príomhábhar
Lógó an Choimisiúin Eorpaigh
ga
An Coimisiún Eorpach

Comhpháirtíochtaí a fhorbairt chun gur láidre a bheidh an Eoraip sa domhan mór 

Faigh amach faoin gcaoi a múnlóidh buiséad an Aontais 2028-2034 todhchaí na hEorpa trí phríomhinfheistíochtaí san iomaíochas, sa chlaochlú digiteach, san oideachas, i bpoist agus sa daonlathas, agus foghlaim faoina bhfuil i gceist leis do dhaoine, do phobail agus do ghnólachtaí ar fud an Aontais.

Mhol an Coimisiún buiséad do 2028-2034 arb é is aidhm dó ról domhanda an Aontais a neartú. Tá an méid seo a leanas ar na príomhthosaíochtaí: 

  • tuilleadh tacaíochta do thíortha ar mian leo teacht isteach san Aontas
  • cabhair sholúbtha leanúnach don Úcráin
  • infheistíocht leanúnach sa tsíocháin, sa tslándáil agus i gcomhpháirtíochtaí domhanda.

Is buiséad é a léiríonn luachanna na hEorpa agus an fhreagracht atá uirthi ar fud an domhain, rud a chuireann leis an inbhuanaitheacht, leis an iomaíochas agus leis an tslándáil eacnamaíoch.

Príomhfhigiúirí

€200 billiún an cistiúchán iomlán don Ionstraim um an Eoraip Dhomhanda
€100 billiún an tacaíocht atá beartaithe don Úcráin
€15 bhilliún cúlchiste laistigh den Eoraip Dhomhanda le haghaidh géarchéimeanna agus riachtanais gan choinne

An ionstraim um an Eoraip Dhomhanda á cur i láthair

Chun cistiú le haghaidh gníomhaíochtaí seachtracha a chuíchóiriú, seolfaidh an tAontas ionstraim um an Eoraip Dhomhanda ar fiú €200 billiún í don tréimhse 2028-2034. Tá sé d’aidhm ag an ionstraim seo an méid seo a leanas a dhéanamh:

  • tionchar ghníomhaíochtaí an Aontais thar lear a uasmhéadú, rud lena gcumhachtaítear Global Gateway
  • feabhas a chur ar infheictheacht thacaíocht an Aontais i dtíortha comhpháirtíochta
  • tacaíocht a mhéadú do thíortha is iarrthóirí atá ag ullmhú d’aontachas leis an Aontas.

Beidh cúlchiste €15 bhilliún mar chuid de freisin chun freagairt go tapa ar éigeandálaí agus ar riachtanais gan choinne.

Tacaíocht leanúnach don Úcráin

Leis an mbuiséad fadtéarmach atá beartaithe, athdhearbhaítear tiomantas an Aontais don Úcráin trí suas le €100 billiún a shlógadh idir 2028 agus 2034, ag brath ar na riachtanais. Beidh an cistiú sin

  • solúbtha, chun freastal ar riachtanais athraitheacha dhothuartha
  • ar leithligh ó thacaíocht mhíleata, atá fós faoin tSaoráid Eorpach Síochána.

Infheistíocht a dhéanamh sa tsíocháin agus sa tslándáil

Leis an mbuiséad atá beartaithe, leithdháilfear €3.4 billiún freisin chun tacú le tionscnaimh an Chomhbheartais Eachtraigh agus Slándála (CBES). Rannchuideoidh na cistí sin chun an méid seo a leanas:

  • an tsíocháin agus an tslándáil idirnáisiúnta a chaomhnú
  • an daonlathas, an smacht reachta agus cearta an duine a chur chun cinn
  • an comhar idirnáisiúnta a chur chun tosaigh.

A bhfuil i gceist leis sin don Aontas

Baineann buiséad nua an Aontais le fíorghníomhaíocht a chuideoidh chun ár dtodhchaí agus áit na hEorpa sa domhan a chosaint.

Tionchar níos mó ag ár gcuid airgid

Úsáidfear cistí an Aontais ar bhealach níos cliste chun bearnaí domhanda sa chistiú a dhúnadh agus chun dlús a chur leis an dul chun cinn maidir le príomhspriocanna, cuir i gcás gníomhú ar son na haeráide, cúram sláinte agus oideachas ar fud an domhain.

Comhpháirtíochtaí domhanda níos láidre

Déanfaidh an tAontas infheistíocht i gcomhpháirtíochtaí a thacóidh leis an bhforbairt dhomhanda agus a chuideoidh chun geilleagar agus iomaíochas na hEorpa a neartú.

Réitigh chomhpháirteacha ar fhadhbanna comhroinnte

Idir bhainistiú na himirce agus chur chun cinn na síochána agus na cobhsaíochta i réigiúin chomharsanachta, tá an tAontas ag obair i gcomhar le daoine eile chun todhchaí níos sábháilte a fhorbairt do chách.

Ag seasamh ar son luachanna na hEorpa

Tacóidh an buiséad le cabhair dhaonnúil, leis an daonlathas agus le cearta an duine, agus cuideoidh sé chun tíortha a ullmhú le dul isteach san Aontas.

Faigh tuilleadh eolais faoi thosaíochtaí buiséadacha eile

Athbhreithníodh an leathanach seo den uair dheireanach an 15 Eanáir 2026