Mar fhreagairt ar ionsaí míleata gan chúis Vladimir Putin i gcoinne na hÚcráine, tá smachtbhannaí nach bhfacthas a leithéid riamh cheana curtha i bhfeidhm ag an Aontas Eorpach, ar smachtbhannaí iad a ceapadh chun an méid seo a leanas a dhéanamh:
- cumas na Creimile an cogadh a mhaoiniú a laghdú
- costais shoiléire eacnamaíocha pholaitiúla a ghearradh ar scothaicme pholaitiúil na Rúise
- bonn eacnamaíoch na Rúise a laghdú
Tá bonn eacnamaíoch na Rúise á chreimeadh go géar i ngeall ar ár smachtbhannaí, rud a chuireann bac ar aon fhéidearthacht é a nuachóiriú. Leanfaimid de bhrú a chur ar an Rúis agus orthu siúd atá ag tacú léi ar an láthair chatha. Leanfaimid ar aghaidh ag dul i ndiaidh cairde fabhair Putin. Agus rachaimid i ndiaidh na daoine a chabhraíonn leis an Rúis dul timpeall ar smachtbhannaí nó a harmlann chogaidh a athlíonadh.
Cur chuige cuimsitheach maidir le smachtbhannaí
- Smachtbhannaí ar dhaoine aonair, ar chuideachtaí agus ar eagraíochtaí
- Bearta maidir le víosaí
- Toirmisc ar iompórtálacha agus ar easpórtálacha
- Bearta maidir le seirbhísí airgeadais agus seirbhísí gnó
- Smachtbhannaí ar fhuinneamh
- Smachtbhannaí ar iompar
- Smachtbhannaí ar earraí dé-úsáide
- Sócmhainní a aisghabháil agus a choigistiú
- Smachtbhannaí a dhéanamh éifeachtach
Tionchar na smachtbhannaí
Tá na bearta sin cliste agus comhordaithe lenár gcomhghuaillithe. Díríonn siad ar scothaicme pholaitiúil na Rúise agus tá costas díreach á fhorchur acu ar an Rúis as a cogadh foghach, agus ag an am céanna, tá siad ag déanamh damáiste do chumas tionsclaíoch agus eacnamaíoch na Rúise cogadh a fhearadh, níos mó arm a mhonarú, agus córais arm atá aici cheana a dheisiú. Toradh eile ar na smachtbhannaí is ea go bhfágann siad arm na Rúise agus a sholáthraithe gann ar na hearraí agus ar an trealamh is gá chun a chogadh a fhearadh ar chríoch cheannasach na hÚcráine.
Ní chuireann aon cheann de smachtbhannaí an Aontais in aghaidh na Rúise cosc ar sholáthar agraibhia, trealaimh leighis ná cógais don phobal i gcoitinne. Níl aon toirmeasc per se ar innealra talmhaíochta a easpórtáil ach oiread.
Ní dhírítear le haon cheann de na smachtbhannaí ar an trádáil i dtáirgí talmhaíochta agus bia, gránaigh agus leasacháin san áireamh, idir tríú tíortha agus an Rúis.
