40 sena ta’ sħubija fl-UE
Erbgħin sena ilu, Spanja u l-Portugall issieħbu fl-Unjoni Ewropea, u dan għamilha kulturalment aktar għanja u politikament aktar b’saħħitha. Is-sħubija tagħhom għenet biex jinħolqu miljuni ta’ impjiegi ġodda, jiġu mmodernizzati l-ekonomiji, u jiġu intensifikati r-rabtiet kummerċjali fl-Ewropa u lil hinn minnha. Il-mobbiltà u l-ivvjaġġar tal-istudenti saħħew ir-rabtiet bejn iċ-ċittadini. F’dawn l-erbgħin sena, l-Ewropej gawdew minn aktar drittijiet, saħħa aħjar, u aktar libertajiet.
Spanja u l-Portugall saħħew id-demokrazija u mxew ’il quddiem fil-progress soċjali. Wessgħu l-perspettiva globali tal-Ewropa, b’mod partikulari fir-rigward tal-Amerka Latina, l-Afrika, u l-Mediterran.
L-UE, Spanja u l-Portugall saru aktar b’saħħithom flimkien.
Kif dan it-tkabbir affettwa lill-UE b’mod pożittiv
Matul dawn l-aħħar erbgħin sena, dan it-tkabbir ġab benefiċċji ċari u dejjiema għall-Unjoni kollha kemm hi.
- L-ekonomija tal-UE ssaħħet
- Il-kummerċ fl-UE u barra minnha żdied
- Il-konnessjonijiet bejn ir-reġjuni madwar l-Ewropa tjiebu
- L-ikel Ewropew sar aktar sigur u varjat
- L-opportunitajiet ta’ riċerka, innovazzjoni, u studju kibru
- Il-kapaċità tal-Ewropa li tgħin fil-kriżijiet tjiebet
- L-UE kisbet aktar influwenza globali
