L-effetti pożittivi tat-tkabbir fuq l-UE It-tkabbir huwa wieħed mill-akbar suċċessi tal-Unjoni Ewropea. Ippromwova l-prosperità u saħħaħ id-demokrazija tagħna.Bis-seba’ drabi meta sar tkabbir s’issa, l-UE saħħet id-demokrazija, is-sigurtà, u d-drittijiet taċ-ċittadini, filwaqt li għolliet il-livell ġenerali tal-għajxien. Illum il-ġurnata, l-UE tiġbor fi ħdanha 27 Stat Membru u aktar minn 450 miljun ċittadin.Suq uniku akbar ifisser opportunitajiet ġodda, aktar impjiegi, u rabtiet ekonomiċi aktar b’saħħithom. L-iskambju kulturali ffjorixxa, u l-ispinta tal-UE favur l-azzjoni ambjentali u klimatika kompliet titqawwa.Filwaqt li l-Unjoni qed tkompli tikber, it-tkabbir jibqa’ investiment strateġiku fl-istabbiltà tal-Ewropa u fil-futur tagħha. 1986–2026: 40 sena flimkien Erbgħin sena ilu, Spanja u l-Portugall saru membri tal-UE. Fl-1 ta’ Jannar 1986 sabu posthom fl-Unjoni Ewropea, u b’hekk l-Unjoni kibret minn 10 pajjiżi għal 12-il pajjiż. Flimkien, ikkontribwew għal komunità politika, ekonomika, u kulturali aktar vibranti.L-Ewropa saħħet lil Spanja u lill-Portugall. U, bis-saħħa tagħhom, l-Unjoni tagħna nbidlet għall-aħjar. Spanja minn mindu ssieħbet fl-UEIl-Portugall minn mindu ssieħeb fl-UE Anniversarji preċedenti ta’ tkabbir 1995–2025: 30 sena mill-adeżjoni tal-Awstrija, tal-Finlandja, u tal-IżvezjaFl-1 ta’ Jannar 1995, l-Awstrija, il-Finlandja, u l-Iżvezja ssieħbu fl-UE, u b’hekk saħħew l-integrazzjoni politika u ekonomika fit-Tramuntana tal-Ewropa. L-Unjoni Ewropea mbagħad kibret minn 12 għal 15-il pajjiż. Illum, dawn it-tliet pajjiżi jikkontribwixxu b’mod sinifikanti għall-prosperità, is-sigurtà, u l-valuri komuni tal-Ewropa. L-Awstrija minn mindu ssieħbet fl-UEIl-Finlandja minn mindu ssieħbet fl-UEL-Iżvezja minn mindu ssieħbet fl-UE 2004–2024: 20 sena minn mindu seħħ l-akbar tkabbirFl-1 ta’ Mejju 2004, iċ-ċittadini ta’ 10 pajjiżi — iċ-Ċekja, Ċipru, l-Estonja, il-Latvja, il-Litwanja, Malta, il-Polonja, is-Slovakkja, is-Slovenja, u l-Ungerija saru ċittadini tal-UE. Dan kien l-akbar tkabbir fl-istorja tal-UE, li ġabar taħt kappa waħda minn Tallinn sa Liżbona u mill-Belt Valletta sa Stokkolma. L-adeżjoni tal-Bulgarija, tar-Rumanija, u tal-Kroazja ftit snin wara saħħet lill-Unjoni tagħna saħansitra aktar. L-20 anniversarju tat-tkabbir tal-UE tal-2004 Id-dati ta’ kull meta sar tkabbir 1 ta' Lulju 2013Is-seba’ tkabbirIl-Kroazja tissieħeb fl-UE.1 ta’ Jannar 2007Is-sitt tkabbirIl-Bulgarija u r-Rumanija jissieħbu fl-UE.1 ta’ Mejju 2004Il-ħames tkabbirĊipru, l-Estonja, il-Latvja, il-Litwanja, Malta, il-Polonja, ir-Repubblika Ċeka, is-Slovakkja, is-Slovenja, u l-Ungerija jissieħbu fl-UE.1 ta’ Jannar 1995Ir-raba’ tkabbirL-Awstrija, il-Finlandja, u l-Iżvezja jissieħbu fl-UE, is-suċċessur tal-KEE wara t-Trattat ta’ Maastricht tal-1993.1 ta’ Jannar 1986It-tielet tkabbirSpanja u l-Portugall jissieħbu fil-KEE.1 ta’ Jannar 1981It-tieni tkabbirIl-Greċja tissieħeb fil-KEE.1 ta’ Jannar 1973L-ewwel tkabbirId-Danimarka, l-Irlanda, u r-Renju Unit jissieħbu fil-KEE.Uri 4 aktar oġġetti25 ta’ Marzu 1957Sitt membri fundaturiIl-Belġju, Franza, il-Ġermanja, l-Italja, il-Lussemburgu, u n-Netherlands jiffirmaw it-Trattat ta’ Ruma, li jistabbilixxi l-Komunità Ekonomika Ewropea (KEE), il-prekursur tal-Unjoni Ewropea (UE) tal-lum.
It-tkabbir huwa wieħed mill-akbar suċċessi tal-Unjoni Ewropea. Ippromwova l-prosperità u saħħaħ id-demokrazija tagħna.Bis-seba’ drabi meta sar tkabbir s’issa, l-UE saħħet id-demokrazija, is-sigurtà, u d-drittijiet taċ-ċittadini, filwaqt li għolliet il-livell ġenerali tal-għajxien. Illum il-ġurnata, l-UE tiġbor fi ħdanha 27 Stat Membru u aktar minn 450 miljun ċittadin.Suq uniku akbar ifisser opportunitajiet ġodda, aktar impjiegi, u rabtiet ekonomiċi aktar b’saħħithom. L-iskambju kulturali ffjorixxa, u l-ispinta tal-UE favur l-azzjoni ambjentali u klimatika kompliet titqawwa.Filwaqt li l-Unjoni qed tkompli tikber, it-tkabbir jibqa’ investiment strateġiku fl-istabbiltà tal-Ewropa u fil-futur tagħha.
