Il-viżjoni tagħna għall-agrikoltura u għall-ikel tal-UE Il-Kummissjoni Ewropea tat idea ġenerali ta’ viżjoni għall-futur tal-biedja u tal-produzzjoni tal-ikel fl-UE. L-għan hu li tinħoloq sistema tal-ikel ġusta u kompetittiva li tipprovdi ikel sostenibbli u bi prezzijiet li jista’ jilħaqhom kulħadd. Hija maħsuba biex tgħin lill-bdiewa jegħlbu l-isfidi bħaż-żieda fl-ispejjeż, it-tibdil fil-klima, u t-tfixkil fil-katina tal-provvista, u tiżgura li l-Ewropa tibqa’ fuq quddiem nett fil-produzzjoni tal-ikel. Il-mira hi li tinbena sistema tal-ikel aktar b’saħħitha u aktar innovattiva li tkun ta’ benefiċċju kemm għall-bdiewa kif ukoll għall-konsumaturi, u li tikkontribwixxi biex titma’ lid-dinja b’mod sostenibbli.Il-pjan direzzjonali jibni fuq il-ħidma tad-djalogu strateġiku dwar il-futur tal-agrikoltura tal-UE, u jipproponi toroq ewlenin għall-futur tal-politika agroalimentari minn issa sal-2040. Biex din il-viżjoni ssir realtà, l-UE se tkun qed taħdem mill-qrib mal-bdiewa, mal-produtturi tal-ikel, mal-komunitajiet rurali, u mas-soċjetà ċivili biex tfassal futur aħjar għall-agrikoltura u għall-ikel fl-Ewropa. Se nkunu qed nibnu l-fiduċja u nsaħħu d-djalogu biex noħolqu approċċ inklużiv u kooperattiv li jirrifletti t-tradizzjonijiet u l-valuri tal-Ewropa. Settur agroalimentari prosperuż Il-viżjoni hija msejsa fuq erba’ oqsma ewlenin. Settur attraentiL-UE se taħdem biex tagħmel mill-biedja karriera vijabbli u attraenti għall-ġenerazzjonijiet futuri. Dan ifisser dħul ġust, sostenn aħjar, u katina alimentari aktar b’saħħitha. f'Ottubru 2025 introduċejna strateġija ta’ tiġdid ġenerazzjonali biex ngħinu lill-bdiewa żgħażagħ jinnovaw u jinvestu fin-negozji tagħhom.Settur kompetittiv u reżiljentiL-UE se tgħin lis-sistema agroalimentari tagħna biex tkun tiflaħ għall-kriżijiet u taħtaf l-opportunitajiet billi ssir aktar diversa, adattabbli, u innovattiva. Se nagħtu prijorità lis-sigurtà tal-ikel, niddiversifikaw il-ktajjen tal-provvista, u naħdmu għal kompetizzjoni aktar ġusta. Settur imħejji għall-esiġenzi tal-ġejjieni Il-biedja se jkollha rwol importanti fit-tranżizzjoni lejn ekonomija b’livell baxx ta’ emissjonijiet tal-karbonju. L-UE se tippromwovi l-prattiki tal-biedja sostenibbli li jnaqqsu l-emissjonijiet, jipproteġu r-riżorsi naturali, u jtejbu s-saħħa tal-ħamrija. Se niżviluppaw ukoll sistema volontarja ta’ parametri referenzjarji biex ngħinu lill-bdiewa jikkwantifikaw u jtejbu r-riżultati tagħhom.Settur li jagħti valur lill-ikel u lin-niesL-UE trid terġa’ tqarreb lin-nies lejn l-ikel li jieklu u lejn it-territorji u t-tradizzjonijiet li jagħmluh dak li hu. Se nagħtu sostenn liż-żoni rurali, innaqqsu l-ħela tal-ikel, u nindirizzaw it-tħassib tas-soċjetà bħall-benessri tal-annimali. Se norganizzaw ukoll djalogu annwali dwar l-ikel biex niddiskutu kwistjonijiet kruċjali bħall-affordabbiltà tal-ikel u n-nutrizzjoni. Oqsma ewlenin ta’ azzjoni L-introduzzjoni ta’ strateġija ta’ tiġdid ġenerazzjonali biex tappoġġa lill-bdiewa żgħażagħ f'Ottubru 2025Proposta ta’ pakkett komprensiv ta’ simplifikazzjoni għall-qafas leġiżlattiv agrikolu attwali f'Diċembru 2025Sar l-ewwel djalogu dwar l-ikel f’Marzu 2026Tnediet il-pjattaforma dwar in-Nisa fil-Biedja f’Marzu 2026, biex tagħti s-setgħa lin-nisa fil-biedja u ssaħħaħ l-opportunitajiet indaqs fis-setturTnedija ta’ strateġija diġitali tal-UE għall-agrikoltura biex tiġi sostnuta t-tranżizzjoni lejn biedja ppreparata għall-isfidi diġitaliIt-tfassil ta’ sistema volontarja ta’ parametri referenzjarji biex ngħinu lill-bdiewa jikkwantifikaw u jtejbu r-riżultati tagħhomSir af aktar dwar il-viżjoni għall-agrikoltura u għall-ikel Illustrazzjonijiet ewlenin Verżjoni testwali9.1 miljun azjenda agrikola fl-UE fl-2020377 000 bidwi żagħżugħ se jibdew xi attività agrikola€228.6 biljunta’ esportazzjonijiet tal-UE fl-2023 Sfond F’Jannar 2024, il-Kummissjoni nediet id-djalogu strateġiku dwar il-futur tal-agrikoltura tal-UE, forum maħluq biex tissawwar viżjoni komuni għall-biedja tal-UE. Dan id-djalogu laqqa’ flimkien 29 parti kkonċernata ewlenija mis-setturi agroalimentari, is-soċjetà ċivili, il-komunitajiet rurali, u l-akkademja tal-Ewropa. Ir-rapport finali tad-djalogu strateġiku ppreżenta valutazzjoni tal-isfidi u tal-opportunitajiet, flimkien ma’ għadd ta’ rakkomandazzjonijiet. Dawn ir-rakkomandazzjonijiet kienu l-bażi għall-viżjoni għall-agrikoltura u għall-ikel. L-aktar riċenti Stqarrija għall-istampa30 Marzu 2026Il-Kummissjoni talloka €21.5 miljun f'appoġġ ta' emerġenza lill-bdiewa fil-Bulgarija, fl-Estonja u fl-UngerijaIllum, l-Istati Membri approvaw il-proposta tal-Kummissjoni li timmobilizza EUR 21.5 miljun mir-riżerva agrikola biex tappoġġa lill-bdiewa fil-Bulgarija (BG), fl-Estonja (EE) u fl-Ungerija (HU) affettwati minn avvenimenti avversi tat-temp matul l-istaġun tat-tkabbir tal-2025.2 min qariMistoqsijiet u tweġibiet24 Marzu 2026Mistoqsijiet u tweġibiet dwar il-Ftehim Kummerċjali bejn l-UE u l-Awstralja27 min qariSee more News Links relatati Viżjoni għall-agrikoltura u għall-ikel – ħarsa aktar mill-qrib Djalogu Strateġiku dwar il-futur tal-agrikoltura tal-UEL-agrikoltura fl-UE Azzjonijiet tal-UE biex jiġi indirizzat it-tħassib tal-bdiewa Din il-paġna ġiet aġġornata l-aħħar: 12 Marzu 2026
Il-Kummissjoni Ewropea tat idea ġenerali ta’ viżjoni għall-futur tal-biedja u tal-produzzjoni tal-ikel fl-UE. L-għan hu li tinħoloq sistema tal-ikel ġusta u kompetittiva li tipprovdi ikel sostenibbli u bi prezzijiet li jista’ jilħaqhom kulħadd. Hija maħsuba biex tgħin lill-bdiewa jegħlbu l-isfidi bħaż-żieda fl-ispejjeż, it-tibdil fil-klima, u t-tfixkil fil-katina tal-provvista, u tiżgura li l-Ewropa tibqa’ fuq quddiem nett fil-produzzjoni tal-ikel. Il-mira hi li tinbena sistema tal-ikel aktar b’saħħitha u aktar innovattiva li tkun ta’ benefiċċju kemm għall-bdiewa kif ukoll għall-konsumaturi, u li tikkontribwixxi biex titma’ lid-dinja b’mod sostenibbli.Il-pjan direzzjonali jibni fuq il-ħidma tad-djalogu strateġiku dwar il-futur tal-agrikoltura tal-UE, u jipproponi toroq ewlenin għall-futur tal-politika agroalimentari minn issa sal-2040.
Stqarrija għall-istampa30 Marzu 2026Il-Kummissjoni talloka €21.5 miljun f'appoġġ ta' emerġenza lill-bdiewa fil-Bulgarija, fl-Estonja u fl-UngerijaIllum, l-Istati Membri approvaw il-proposta tal-Kummissjoni li timmobilizza EUR 21.5 miljun mir-riżerva agrikola biex tappoġġa lill-bdiewa fil-Bulgarija (BG), fl-Estonja (EE) u fl-Ungerija (HU) affettwati minn avvenimenti avversi tat-temp matul l-istaġun tat-tkabbir tal-2025.2 min qari
Mistoqsijiet u tweġibiet24 Marzu 2026Mistoqsijiet u tweġibiet dwar il-Ftehim Kummerċjali bejn l-UE u l-Awstralja27 min qari
