Baġit annwali huwa parti waħda mill-baġit fit-tul tal-Unjoni, li jipprovdi l-limiti għall-infiq għal mill-inqas ħames snin. Din iċ-ċart interattiva ssegwi l-approprjazzjonijiet ivvutati għan-naħa tan-nefqa tal-baġit.
Skrolja lejn qiegħ il-paġna għal struzzjonijiet dettaljati dwar kif tuża ċ-ċart u tiddawnlowdja d-data. Tista’ taċċessa wkoll id-dokumenti dwar il-baġit annwali (l-adozzjoni, l-implimentazzjoni, u l-kontabbiltà u r-rappurtar) hawnhekk. Barra minn hekk, tista’ tiddawnlowdja rapport li jiġbor fil-qosor il-proċedura baġitarja kollha għal sena partikolari, li jinkludi deskrizzjonijiet ta’ x’ġara matul dik is-sena.
L-ammonti huma għal skopijiet ta’ preżentazzjoni biss. Kwalunkwe referenza formali għall-informazzjoni baġitarja għandha tkun għal dokumenti u rapporti uffiċjali tal-baġit.
Għal data relatata mal-Qafas Finanzjarju Pluriennali 2014-2020, ara ċ-ċiklu tal-ħajja tal-baġit annwali tal-UE 2014-2020.
Kif tintuża
Id-data finanzjarja li naħżnu hija kbira u għandha ħafna livelli ta’ aggregazzjoni, għalhekk ipprovdejna tliet modi (tabs) biex inħarsu lejha:
- informazzjoni skont il-kategoriji politiċi (“OFF MAIN”),
- informazzjoni skont il-linja baġitarja (“OFF LBL”) u
- informazzjoni skont il-linja baġitarja li tħares biss lejn linji b’ammonti f’riżerva (“OFF RES”).
Għal kull waħda minnhom, tista’ tuża l-filtri (eż. “year”) biex tagħżel valur wieħed jew aktar għall-wiri. L-għażla attwali tiegħek tidher fl-istrixxa blu: ikklikkjaha biex timmodifikaha, jew ikklikkja “x” biex tneħħiha. Jista’ jkun li mhux l-opzjonijiet kollha jkunu disponibbli għax jiddependi mill-għażla attwali tiegħek: jekk ma jkunx possibbli li jintgħażel valur, dan jidher fi sfond griż skur.
Taħt kull tab, tista’ tagħżel waħda mill-modi ta’ wiri li ġejjin: flimkien (approprjazzjonijiet ta’ impenn u ta’ pagament), approprjazzjonijiet ta’ impenn biss, jew approprjazzjonijiet ta’ pagament biss.
Tista’ tiddawnlowdja d-data mill-għażla attwali tiegħek billi tuża l-buttuna “Download the selected data”. Tista’ wkoll tiddawnlowdja s-sett tad-data kollu (OFF MAIN, OFF LBL, OFF RES).
Informazzjoni aggregata (“OFF MAIN”): informazzjoni dwar intestaturi, subintestaturi, clusters, u programmi. Il-kategoriji politiċi huma l-ogħla livell ta’ aggregazzjoni li tuża l-Kummissjoni. Jekk tixtieq tqabbel il-fażijiet tal-baġit, agħżel diversi fażijiet tal-baġit billi tuża l-filtru “Budget phase” fl-istess sena finanzjarja. Tista’ tagħmel paragun simili tul is-snin finanzjarji.
Informazzjoni skont il-linja baġitarja (“OFF LBL”): informazzjoni dwar l-approprjazzjonijiet totali skont il-linja baġitarja, li tinkludi l-ammont f’riżerva. F’din it-tab tista’ turi wkoll il-linji baġitarji skont it-taqsima, mod ieħor kif jiġu raggruppati (eż. il-Kummissjoni, il-Parlament, il-Kunsill), permezz tal-filtru “Section”. Imbagħad tista’ tidħol f’aktar dettall skont it-titlu, il-kapitlu, l-artiklu u l-punt.
Informazzjoni skont il-linja baġitarja (linji b’riżervi biss) (“FF RES”): informazzjoni dwar l-ammont f’riżerva skont il-linja baġitarja - dawk il-linji baġitarji biss li għandhom tali ammont f’punt wieħed fil-baġit fit-tul. Linja baġitarja tista’ tirċievi ammonti f’riżerva, li huma bbaġitjati, iżda ma jistgħux jintużaw, sakemm ma sseħħx xi ħaġa (eż. jekk l-att bażiku ma jkunx ġie adottat). L-ammont f’riżerva huwa parti mill-ammont globali ta’ linja baġitarja li tista’ tara f’“OFF LBL”.
Year: is-sena finanzjarja fil-baġit fit-tul 2021-2027
Budget phase: Iċ-ċart interattiva tippreżenta għaxar fażijiet possibbli tal-baġit għal kull sena (eż. l-abbozz tal-baġit, il-pożizzjoni tal-Kunsill, l-ittri emendatorji, il-pożizzjoni tal-Parlament, it-tieni abbozz tal-baġit, il-baġit adottat, u l-baġit inklużi l-baġits emendatorji). Din hija rappreżentazzjoni astratta tal-proċedura baġitarja annwali biex tiġi ffaċilitata n-navigazzjoni. Jekk fażi baġitarja ma tidhirx, allura ma tapplikax għas-sena magħżula.
Budget section: il-baġits individwali tal-istituzzjonijiet tal-Unjoni li flimkien jagħmlu l-baġit totali tal-UE. Pereżempju, il-baġit li l-Kummissjoni hija responsabbli għalih huwa t-taqsima tal-Kummissjoni tal-baġit, jew it-taqsima III. Hawnhekk se ssib il-biċċa l-kbira tal-programmi, tal-aġenziji u tal-azzjonijiet.
Budget line: l-isem u/jew il-kodiċi ta’ oġġett, artiklu, kapitlu jew titlu, skont il-livell li fih jitqies.
Heading: l-ogħla livell tan-nomenklatura, li tiġbor flimkien clusters ta’ politika, jiġifieri oqsma ta’ politika speċifiċi jew objettivi ta’ politika f’qasam tematiku wieħed. Huma jesprimu n-natura jew l-għan tan-nefqa kkonċernata.
Sub-heading: xi intestaturi huma maqsuma ulterjorment f’subintestaturi, li jenfasizzaw prijorità politika li tispikka mil-lat baġitarju.
Cluster/title: jikkorrispondi għal qasam ta’ politika (imsejjaħ ukoll cluster ta’ politika).
Programme: terminu ġenerali għall-klassifikazzjoni tat-tipi ta’ attivitajiet (programmi ta’ nfiq, prerogattivi tal-Kummissjoni, proġett pilota u azzjonijiet preparatorji eċċ.)
Chapter: jikkorrispondi għal programm jew attività. L-ewwel kapitlu “01” f’titlu dejjem ikopri n-nefqa amministrattiva ta’ appoġġ għall-qasam tal-politika.
Article: jikkorrispondi għal objettiv ġenerali fi ħdan programm jew għan.
Item: jikkorrispondi għal objettiv speċifiku.
Pereżempju: Fin-nomenklatura uffiċjali, linja baġitarja jista’ jkollha bejn 2 u 8 ċifri:
- Suq Uniku, Riċerka u Innovazzjoni (intestatura 1)
- Ma hemm l-ebda subintestatura fl-intestatura 1.
- 01 (Titlu jew cluster) Riċerka u Innovazzjoni
- 01 02 (Kapitlu) Orizzont Ewropa
- 01 02 02 (Artiklu) Sfidi Globali u Kompetittività Industrijali Ewropea (Pilastru II)
- 01 02 02 41 (Partita tal-baġit) Cluster Diġitali, Industrija u Spazju — Impriża Konġunta għall-Computing ta’ Prestazzjoni Għolja (EuroHPC)
- 01 02 02 (Artiklu) Sfidi Globali u Kompetittività Industrijali Ewropea (Pilastru II)
- 01 02 (Kapitlu) Orizzont Ewropa
- 01 (Titlu jew cluster) Riċerka u Innovazzjoni
- Ma hemm l-ebda subintestatura fl-intestatura 1.
Iddawnlowdjar
Tista’ tiddawnlowdja d-data mill-għażla attwali tiegħek billi tuża l-buttuna “Download the selected data”. Tista’ wkoll tiddawnlowdja s-sett tad-data kollu (OFF MAIN, OFF LBL, OFF RES) hawn taħt.
Entire dataset of the Annual Budget Lifecycle of the MFF 2021 - 2027 (OFF MAIN, OFF LBL, OFF RES).
Barra minn hekk, tista’ tiddawnlowdja rapport li jiġbor fil-qosor il-proċedura baġitarja kollha għal sena partikolari, pereżempju Teletab 2021.
Informazzjoni dwar iċ-ċiklu tal-ħajja tal-baġit annwali
Iċ-ċiklu tal-ħajja tal-baġit annwali tal-UE huwa ta’ madwar tliet snin. L-istituzzjonijiet baġitarji (il-Kummissjoni Ewropea, il-Parlament Ewropew u l-Kunsill) iħejju, jiddiskutu u jadottaw il-baġit annwali (proċedura baġitarja annwali) fis-sena finanzjarja n-1. Imbagħad, il-baġit se jiġi implimentat fis-sena n. Jista’ jiġi emendat ukoll matul is-sena finanzjarja (n). Matul is-sena n+1, dan jiġi vvalutat.
L-ammonti jirreferu għall-approprjazzjonijiet ta’ impenn u ta’ pagament ivvutati skont is-sena finanzjarja. Dawn huma espressi f’miljuni ta’ euro f’OFF MAIN, u fil-livell ta’ euro f’OFF LBL u OFF RES.
Għall-perjodu ta’ programmazzjoni preċedenti, jekk jogħġbok żur dan is-sit web.