Is faoi shaoirse a mhaireann an eolaíocht Eolas a shaothrú gan srian Cosnaíonn an tAontas an méid is cás leat, ina measc sin do cheart chun eolas a lorg agus a chomhroinnt, agus muinín a bheith agat as an eolas sin, gan bhac.I roinnt áiteanna den domhan, bíonn brú, cinsireacht nó bagairtí roimh na heolaithe. San Aontas tá an tsaoirse acu taighde a dhéanamh go neamhspleách, ós rud é gur bunluach i sochaí dhaonlathach í an tsaoirse eolaíoch.Agus tú ag maireachtáil in áit a bhfuil an daonlathas i réim, is féidir leat smaointe a fhiosrú, a cheistiú agus a chomhroinnt gan bhac. Cibé acu an taighdeoir, mac léinn nó duine fiosrach thú, san Aontas, cosnaítear do cheart chun saoirse eolaíche agus acadúla. Cad é a chiallaíonn sé duitse? Tá an tsaoirse agat smaointe a fhiosrú gan eaglaIs féidir le taighdeoirí agus acadóirí san Aontas cibé rud ar mhian leo staidéar a dhéanamh air a roghnú, ceisteanna deacra a chur agus an fhianaise a leanúint, fiú nuair a bhaineann míchompord leis na freagraí. Tá an t-eolas neamhspleách ar chur isteach polaitiúil San Aontas cosnaítear ollscoileanna agus eagraíochtaí taighde ar chur isteach míchuí, mar sin déantar cinntí maidir le taighde ar fhorais acadúla, seachas ar fhorais pholaitiúla. Is féidir leat taighde a chomhroinnt agus a phlé go hoscailte Tá an tsaoirse ag eolaithe san Aontas a dtorthaí a fhoilsiú, labhairt faoina gcuid oibre agus páirt a ghlacadh i ndíospóireacht phoiblí. Tá plé oscailte, easaontas agus grinnscrúdú faoi chosaint; tá siad ina gcuid den chaoi a dtéann an eolaíocht agus an daonlathas araon chun cinn. Cén dóigh a gcosnaítear na saoirsí sin? Tá na cosaintí sin fíor agus infhorfheidhmithe.Ráthaítear leis an gCairt um Chearta Bunúsacha saoirse eolaíoch, chomh maith le saoirse smaointeoireachta, cainte agus faisnéise, rud a chuireann tóraíocht an eolais i gcroílár dá seasann an tAontas.Cuimsítear leis an ngealltanas sin tacaíocht nithiúil ón Aontas do dhaoine agus d’institiúidí a spreagann dul chun cinn eolaíoch. Cuidíonn an tAontas chun an tsaoirse eolaíoch a chosaint trí thionscadail a mhaoiniú lena gcoinnítear taighde Eorpach neamhspleách oscailte comhoibríoch.Mar shampla, trína chlár Fís Eorpach, tacaíonn an tAontas le taighdeoirí i mBallstáit éagsúla oibriú le chéile ar mhórdhúshláin dhomhanda, cuir i gcás ailse, an t-athrú aeráide nó fuinneamh glan, agus a dtorthaí a roinnt leis an domhan.Tá an Limistéar Eorpach Taighde (LET) á chruthú ag an Aontas freisin, spás aonair gan teorainneacha don taighde, don nuálaíocht agus don teicneolaíocht, rud atá ceaptha a chinntiú go bhfanfaidh an eolaíocht san Eoraip oscailte agus comhoibríoch. Cad é a shíleann muintir na hEorpa? 83% de mhuintir na hEorpa a shíleann go bhfuil tionchar dearfach ar an iomlán ag an eolaíocht agus an teicneolaíocht ar an tsochaí67% de mhuintir na hEorpa a chreideann go dtéann an eolaíocht agus an teicneolaíocht chun tairbhe dóibh80% de mhuintir na hEorpa a chreideann gur cheart torthaí taighde a mhaoinítear go poiblí a bheith ar fáil ar líne gan bhac Foinsí: Eorabharaiméadar, Feabhra 2025 Glac páirtAbair leatCuir le próiseas ceaptha polasaithe an AontaisCuir le tograí de chuid an Aontais atá ar na bacáinRoinn do chuid smaointe i ndíospóireachtaí ar líne agus i bPainéil na SaoránachCuir tús le tionscnamh ó na saoránaighIarr ar an gCoimisiún Eorpach reachtaíocht nua a mholadhCuir achainí faoi bhráid an AontaisDéan gearán faoi dhlí nó iarr ar Pharlaimint na hEorpa athbhreithniú a dhéanamh ar cheistDéan obair dheonachGlac páirt i dtionscadail ar fud na hEorpa agus níos faide i gcéinAimsigh doiciméid oifigiúlaFaigh rochtain ar eolas agus ar dhoiciméid faoi obair institiúidí an Aontais Na nithe is tábhachtaí a chosaintSaoirse na meánSan Aontas Eorpach, is féidir leat brath ar iriseoireacht neamhspleách chun ceisteanna deacra a chur agus tú a choinneáil ar an eolasTá do ghuth tábhachtachSan Aontas Eorpach, is féidir leat labhairt amach gan srian, gan eagla a bheith ort roimh chinsireacht, go ngabhfar tú ná go gcuirfear pionós ort
Cuir le tograí de chuid an Aontais atá ar na bacáinRoinn do chuid smaointe i ndíospóireachtaí ar líne agus i bPainéil na Saoránach
Cuir achainí faoi bhráid an AontaisDéan gearán faoi dhlí nó iarr ar Pharlaimint na hEorpa athbhreithniú a dhéanamh ar cheist
Aimsigh doiciméid oifigiúlaFaigh rochtain ar eolas agus ar dhoiciméid faoi obair institiúidí an Aontais
Saoirse na meánSan Aontas Eorpach, is féidir leat brath ar iriseoireacht neamhspleách chun ceisteanna deacra a chur agus tú a choinneáil ar an eolas
Tá do ghuth tábhachtachSan Aontas Eorpach, is féidir leat labhairt amach gan srian, gan eagla a bheith ort roimh chinsireacht, go ngabhfar tú ná go gcuirfear pionós ort
