10 sena mindu seħħew l-attakki terroristiċi ta’ Pariġi

Illum huwa l-10 anniversarju tal-attakki terroristiċi devastanti li seħħew f’Pariġi fit-13 ta’ Novembru 2015, li fihom inqatlu 132 persuna u ndarbu ħafna aktar. Qed isiru kommemorazzjonijiet madwar Franza u l-UE biex jiġu onorati l-vittmi u s-superstiti. 

F’dikjarazzjoni, il-President tal-Kummissjoni Ewropea, Ursula von der Leyen, tat ġieħ lill-vittmi, u ddeskriviet l-avvenimenti f’Pariġi bħala “attakk fuq il-valuri tagħna — il-libertà, il-paċi u t-tolleranza”. Il-President affermat mill-ġdid li l-ideali tal-libertà u l-paċi jibqgħu l-qofol kemm ta’ Franza kif ukoll tal-UE. 

Il-ġlieda kontra t-terroriżmu u l-iżgurar tas-sigurtà taċ-ċittadini tagħha huma prijorità ewlenija tal-UE. Il-pajjiżi tal-UE jaħdmu flimkien mill-qrib biex jipprevjenu u jiġġieldu t-terroriżmu u l-estremiżmu vjolenti. Aktar kmieni din is-sena, il-Kummissjoni ppreżentat il-ProtectEU, strateġija ta’ sigurtà interna biex tkompli ttejjeb il-kapaċità tal-UE li tantiċipa t-theddid, tipprevjeni r-radikalizzazzjoni, u tissalvagwardja l-ispazji pubbliċi. Tiffoka wkoll fuq it-titjib tar-rispons koordinat meta jseħħu xi attakki. 

Hekk kif l-Ewropa tfakkar dan l-anniversarju solenni, il-kontinent jiftakar ukoll ir-reżiljenza u l-unità li feġġew warajh. Għaxar snin wara, Pariġi hija simbolu tal-Ewropa li għadha b’saħħitha fid-difiża tal-valuri tagħha tal-libertà, il-paċi u t-tolleranza kontra dawk li jfittxu li jifirduha.

Għal aktar tagħrif

Is-sigurtà u d-difiża

Il-ġlieda kontra t-terroriżmu u r-radikalizzazzjoni;