Network taċ-Ċentri Ewropej tal-Konsumaturi - ECC-Net

Kif jaħdem l-ECC Net

L-ECC Net hu network ta’ uffiċċji mmaniġġjati b’mod indipendenti kofinanzjat mill-Kummissjoni Ewropea. Jekk tgħix fl-UE, l-Iżlanda jew in-Norveġja, l-ECC f’pajjiżek jista’

• jispjegalek drittijietek bħala konsumatur
• jgħinek issolvi tilwima ma’ bejjiegħ ibbażat f’pajjiż ieħor tal-UE (jew l-Iżlanda jew in-Norveġja)
• jgħidlek lil min għandek tikkuntattja jekk ma jistax jgħinek

Minbarra li jassisti lill-konsumaturi, l-ECC Net hu sieħeb espert u fdat mal-partijiet ikkonċernati u ma’ dawk li jfasslu l-politika li jfittxu li jippromwovu d-drittijiet tal-konsumatur. Hu għandu rwol importanti biex iwissi lill-awtoritajiet tal-infurzar dwar kummerċjanti li jiksru l-liġi tal-konsumatur.

Wieħed mill-valuri tan-network hu r-reazzjoni rapida tiegħu għal kwistjonijiet emerġenti, bħall-assistenza pprovduta lill-konsumaturi matul il-pandemija tal-COVID-19.

ECC Net u COVID-19.

Biex issir taf aktar dwar l-ECC Net, żur is-sit web tan-network. 

Ħarsa ġenerali lejn il-każijiet

Fl-2023, in-network għen aktar minn 125,000 konsumatur. Dawn il-konsumaturi rċevew informazzjoni u pariri mfasslin apposta dwar il-kwistjoni tagħhom bħala konsumaturi. F’22,500 każ, in-network għamilha ta’ intermedjarju direttament man-negozjant biex jikseb rimedju. Il-valur totali tal-fondi rkuprati mill-ECC-Net f’interventi man-negozjant biss hu stmat li hu aktar minn €9 miljun. 

Ikkuntattja l-ECC Net

Trid tikkuntattja lill-ECC Net fil-pajjiż fejn tgħix.

L-ECC Net jikkoopera wkoll maċ-Ċentru Internazzjonali tal-Konsumatur fir-Renju Unit.

Pubblikazzjonijiet

L-ECC Net jippubblika wkoll gwida u pariri dwar problemi komuni tal-konsumatur, li tista’ ssib fil-links li ġejjin

• Evitar tar-riskji ta’ prodotti ffalsifikati
• Rapport tal-2015 dwar id-drittijiet tal-passiġġieri tal-ajru tal-ECC-Net (pdf)
• Xiri ta’ karozza minn pajjiż ieħor tal-UE
• Timeshares (pdf)
• L-aqwa 10 pariri dwar it-timeshares għall-konsumaturi (pdf)
• Garanziji estiżi
• Frodi online (pdf)
• Marki ta’ fiduċja tal-kummerċ elettroniku (pdf)
• Drittijiet tal-passiġġieri tal-ajru - soluzzjoni ta’ tilwim (pdf)
• Soluzzjoni ta’ tilwim internazzjonali żgħir (pdf)
• Xiri online fl-UE (pdf)
• Ħlas lura fl-UE/fiż-ŻEE (pdf)