Fl-31 ta’ Jannar, il-parteċipanti fis-Summit tas-Sħab Soċjali ta’ Val Duchesse ddiskutew kif għandhom jiġu indirizzati l-isfidi ekonomiċi u tax-xogħol ewlenin permezz tat-tisħiħ tad-djalogu soċjali. Il-President tal-Kummissjoni Ewropea Ursula von der Leyen u l-Prim Ministru Belġjan Alexander De Croo ospitaw l-avveniment b’mod konġunt.
Fis-Summit, il-Kummissjoni, il-Presidenza Belġjana tal-Kunsill tal-UE u s-sħab soċjali Ewropej qablu li:
- Jindirizzaw in-nuqqas ta’ ħaddiema u ħiliet: Hemm bżonn ta’ ħaddiema tas-sengħa u ta’ impjiegi ta’ kwalità biex tingħata spinta lill-kompetittività tal-UE. In-nuqqas ta’ ħaddiema u ħiliet iżomm lura l-attivitajiet tan-negozji żgħar u ta’ daqs medju. Għalhekk jeħtieġ li ntejbu l-kundizzjonijiet tax-xogħol, inġibu aktar nies fis-suq tax-xogħol, nagħmluha aktar faċli li nirrikonoxxu l-kwalifiki, u nintegraw il-ħaddiema li ġejjin minn barra l-pajjiż. F’konformità ma’ dan, il-Kummissjoni, se tippreżenta pjan ta’ azzjoni biex tindirizza n-nuqqas ta’ ħaddiema u ħiliet sar-rebbiegħa tal-2024.
- It-tisħiħ tad-djalogu soċjali: Id-djalogu soċjali huwa meħtieġ biex iwieġeb u jadatta għaċ-ċirkostanzi ekonomiċi u soċjali li qed jinbidlu. Il-Kummissjoni hija impenjata li ssaħħaħ id-djalogu soċjali fil-livell Ewropew u fuq dak nazzjonali billi tistabbilixxi Mibgħut Ewropew għad-Djalogu Soċjali dedikat u tniedi Patt għad-Djalogu Soċjali Ewropew.
Id-djalogu soċjali jirreferi għal diskussjonijiet, negozjati u azzjonijiet konġunti ma’ organizzazzjonijiet li jirrappreżentaw lill-impjegaturi u lill-ħaddiema Ewropej. Dan huwa fundamentali għall-prosperità ekonomika, biex jittejbu l-kundizzjonijiet tal-għajxien u tax-xogħol, titrawwem il-kompetittività tan-negozji tal-UE, u biex tingħata għajnuna biex tiġi antiċipata u ġestita l-bidla, bħal fid-dawl tat-tranżizzjonijiet ekoloġiċi u diġitali.
Id-djalogu soċjali Ewropew, li nbeda fl-1985 f’Val Duchesse mill-President tal-Kummissjoni ta’ dak iż-żmien, Jacques Delors, ilu jsaħħaħ il-kundizzjonijiet tal-impjiegi, l-edukazzjoni, it-taħriġ, u kwistjonijiet soċjali oħra matul l-aħħar 40 sena.
Għal iktar informazzjoni
Diskors mill-President von der Leyen fis-Summit ta’ Val Duchesse
Ekonomija għas-servizz tan-nies
- Data tal-pubblikazzjoni
- 31 Jannar 2024
- Awtur
- Id-Direttorat Ġenerali għall-Komunikazzjoni
Aħbarijiet relatati
On her visit to Nuuk, President von der Leyen announced that the EU will invest €200 million in and with Greenland this year and the next. The EU, Greenland and Denmark also signed a new Joint Declaration to strengthen the common investment agenda, political dialogue and people-to-people exchanges.
Leaders discussed imbalances and overcapacities in global economy, as well as conflicts in the Middle East and Ukraine. They also addressed AI challenges and the protection of children online.
President von der Leyen welcomed the agreement between the US and Iran and called for its swift and full implementation. She also called for respect of Lebanon’s sovereignty and territorial integrity, and the implementation of a genuine ceasefire.
At the 11th EU-Republic of Korea Summit in Brussels the two parties marked a new phase in their strategic partnership. They agreed to enhance economic resilience, security and defence cooperation, research, and the clean energy transition.