An 31 Eanáir phléigh na rannpháirtithe ag Cruinniú Mullaigh na gComhpháirtithe Sóisialta in Val Duchesse conas aghaidh a thabhairt ar na príomhdhúshláin eacnamaíocha agus lucht saothair tríd an idirphlé sóisialta a neartú. Rinne Ursula von der Leyen, Uachtarán an Choimisiúin Eorpaigh, agus Príomh-Aire na Beilge, Alexander De Croo an imeacht a chomhóstáil. Ag an gCruinniú Mullaigh, tháinig an Coimisiún, Uachtaránacht na Beilge ar Chomhairle an Aontais Eorpaigh agus na comhpháirtithe sóisialta Eorpacha ar chomhaontú chun an méid seo a leanas a dhéanamh: Aghaidh a thabhairt ar ghanntanais lucht saothair agus scileanna: Tá gá le hoibrithe oilte agus le poist ar ardchaighdeán chun borradh a chur faoi iomaíochas an Aontais. Cuireann ganntanais lucht saothair agus scileanna bac ar ghníomhaíochtaí gnólachtaí beaga agus meánmhéide. Dá bhrí sin, ní mór dúinn feabhas a chur ar dhálaí oibre, níos mó daoine a thabhairt isteach sa mhargadh saothair, é a dhéanamh níos éasca aitheantas a thabhairt do cháilíochtaí, agus oibrithe a thagann ó thíortha eile a lánpháirtiú. I gcomhréir leis an méid sin, cuirfidh an Coimisiún plean gníomhaíochta i láthair chun dul i ngleic le ganntanais lucht saothair agus scileanna in earrach 2024. An t-idirphlé sóisialta a threisiú: Tá gá leis an idirphlé sóisialta chun freagairt ar dhálaí eacnamaíocha agus sóisialta atá ag athrú, agus chun oiriúnú dóibh. Tá an Coimisiún tiomanta an t-idirphlé sóisialta a neartú ar an leibhéal Eorpach agus ar an leibhéal náisiúnta trí Thoscaire tiomanta don Idirphlé Sóisialta Eorpach a bhunú agus trí Chomhshocrú don Idirphlé Sóisialta Eorpach a sheoladh. Tagraíonn an t-idirphlé sóisialta do phléití, don chaibidlíocht agus do ghníomhaíochtaí comhpháirteacha le heagraíochtaí a dhéanann ionadaíocht d’fhostóirí agus d’oibrithe na hEorpa. Tá an méid sin ríthábhachtach don rathúnas eacnamaíoch, chun feabhas a chur ar dhálaí maireachtála agus oibre, chun iomaíochas ghnólachtaí an Aontais a chothú, agus chun cabhrú le hathruithe a thuar agus a bhainistiú, amhail i bhfianaise an aistrithe ghlais agus an aistrithe dhigitigh. Chuir Jacques Delors, Uachtarán an Choimisiúin mar a bhí ag an am, tús le Val Duchesse in 1985. A bhuí leis an idirphlé sóisialta Eorpach, tá dálaí fostaíochta, oideachais, oiliúna, chomh maith le saincheisteanna sóisialta eile, á neartú le 40 bliain anuas. Tuilleadh eolais Idirphlé sóisialta Preaseisiúint: Gealltanas tugtha ag an Aontas agus ag comhpháirtithe sóisialta in Val Duchesse an t-idirphlé sóisialta a neartú chun dul i ngleic le dúshláin maidir le lucht saothair Óráid ón Uachtarán von der Leyen ag Cruinniú Mullaigh Val Duchesse Geilleagar a fhóireann do dhaoine Preaseisiúint: Gníomhaíochtaí nithiúla leagtha amach ag an gCoimisiún chun go mbeidh na comhpháirtithe sóisialta níos rannpháirtí ar an leibhéal náisiúnta agus ar leibhéal an Aontais Eorabharaiméadar maidir le ganntanas scileanna in FBManna In ómós do Jacques Delors Sonraí Dáta foilsithe31 Eanáir 2024ÚdarArd-Stiúrthóireacht na Cumarsáide
