Tá an samhradh linn, agus tá sé in am an chulaith shnámha a chur ort. San Eoraip tá go leor tránna agus lochanna ar fáil, agus tá dea-scéala ann; de réir na tuarascála is déanaí maidir le huisce snámha an Aontais Eorpaigh, tá a bhformhór ar chaighdeán ‘den scoth’.
Comhlíonann thart ar 85% den 22,200 láithreán snámha Eorpach a ndearnadh monatóireacht orthu an dianchaighdeán ‘den scoth’, agus comhlíonann 96% de na láithreáin uile san Aontas a ndearnadh monatóireacht orthu an t-íoschaighdeán cáilíochta. Ní dhearnadh rátáil ‘lag’ ach ar 1.5% díobh.
Is ag an mBulgáir, an Chipir, an Ghréig agus an Ostair atá an sciar is airde d’uisce snámha ar ardchaighdeán. Fuair aibhneacha agus lochanna rátáil beagán níos ísle (78%) ná uiscí cósta (88%) i dtaobh uisce snámha ‘den scoth’.
Is é tionchar leanúnach dhlíthe an Aontais ar cháilíocht an uisce is cúis le hardchaighdeán uisce snámha na hEorpa den chuid is mó. Cuimsítear leis sin an méid seo a leanas:
- cleachtais fheabhsaithe maidir le monatóireacht agus bainistíocht
- infheistíocht i ngléasraí cóireála fuíolluisce uirbigh
- bailiú fuíolluisce níos fearr
- measúnú feabhsaithe ar algaí áirithe atá díobhálach do shláinte an duine agus don dúlra
A bhuí leis na hiarrachtaí leanúnacha sin, is féidir le daoine snámh anois in go leor uiscí uirbeacha agus aibhneacha a bhí truaillithe go trom roimhe seo.
Más mian leat a fháil amach cá háit is fearr le bheith ag snámh an samhradh seo, tá léarscáil idirghníomhach curtha le chéile ag an nGníomhaireacht Eorpach Comhshaoil a léiríonn na láithreáin snámha is sábháilte san Eoraip.
Tum isteach!
Tuilleadh eolais
Tuarascáil maidir le huisce snámha an Aontais Eorpaigh
Léarscáil idirghníomhach de na láithreáin snámha is sábháilte san Eoraip
Preaseisiúint: Tá uisce snámha na hEorpa sábháilte i gcónaí
An t-aigéan a chosaint le chéile
- Dáta foilsithe
- 19 Meitheamh 2026
- Údar
- Ard-Stiúrthóireacht na Cumarsáide