Insaħħu t-tħejjija għall-kriżijiet u s-sigurtà tas-saħħa

F’każ ta’ blackouts estensivi, diżastri naturali, kunflitti jew pandemiji, l-aċċess għal oġġetti essenzjali — bħall-ikel, l-ilma, iż-żejt, il-fjuwil u l-mediċini — huwa kruċjali. Il-Kummissjoni ressqet żewġ strateġiji mfassla biex itejbu dan l-aċċess matul il-kriżijiet: strateġija għall-kumulazzjoni tar-riżervi tal-UE u strateġija ta’ kontromiżuri mediċi. 

L-istrateġija għall-kumulazzjoni tar-riżervi ssir l-ewwel approċċ komprensiv tal-UE għall-kumulazzjoni tar-riżervi. Azzjonijiet ewlenin fl-istrateġija jinkludu

• l-istabbiliment ta’ network ta’ kumulazzjoni tar-riżervi tal-UE mal-pajjiżi tal-UE biex jiġu żgurati l-kollaborazzjoni u l-koordinazzjoni
• l-identifikazzjoni ta’ lakuni u duplikazzjonijiet tal-istokkijiet
• l-espansjoni tal-ħażniet fil-livell tal-UE
• it-tisħiħ tat-trasport u l-loġistika għal rispons rapidu għall-kriżijiet
• il-promozzjoni ta’ sħubijiet ċivili-militari, pubbliċi-privati u internazzjonali

L-aċċess għal għodod mediċi li jsalvaw il-ħajja fi żminijiet ta’ emerġenza huwa daqstant ieħor importanti. L-istrateġija ta’ kontromiżuri mediċi tfittex li taċċellera l-iżvilupp, il-produzzjoni, l-użu u l-aċċessibbiltà tagħhom, b’azzjonijiet li jinkludu

• l-avvanz tat-tilqim kontra l-influwenza, l-antibijotiċi għar-reżistenza antimikrobika, il-mediċini antivirali, u t-titjib tal-aċċess għal kontromiżuri kimiċi, bijoloġiċi, radjoloġiċi u nukleari
• it-tisħiħ tal-intelligence u s-sorveljanza
• l-aċċellerazzjoni tal-innovazzjoni
• l-iżgurar tal-produzzjoni skalabbli
• it-titjib tal-aċċess u l-użu tal-mediċini
• it-tisħiħ tal-kooperazzjoni globali u l-kollaborazzjoni transsettorjali

Dawn iż-żewġ proposti huma parti mill-Istrateġija għal Unjoni tal-Preparatezza li l-għan tagħha hu li ssaħħaħ il-kapaċità tal-UE li tipprevjeni u tirrispondi għal theddid emerġenti. Dan qed iseħħ hekk kif l-UE qed tiffaċċja kriżijiet u sfidi dejjem aktar kumplessi, minn tensjonijiet ġeopolitiċi li qed jikbru, theddid għaċ-ċibersigurtà, tibdil fil-klima u diżastri naturali li qed jiżdiedu.

Għal aktar informazzjoni

Aktar informazzjoni dwar il-preparatezza fl-UE

Aktar informazzjoni dwar il-kumulazzjoni tar-riżervi 

Stqarrija għall-istampa: Strateġija għall-Kumulazzjoni tar-Riżervi tal-UE u Strateġija ta’ Kontromiżuri Mediċi biex jissaħħu t-tħejjija għall-kriżijiet u s-sigurtà tas-saħħa

Mistoqsijiet u tweġibiet dwar l-Istrateġija ta’ Kontromiżuri Mediċi 

Mistoqsijiet u tweġibiet dwar il-Kumulazzjoni tar-Riżervi