Il-Kummissjoni adottat ir-rapporti tal-2025 dwar it-tkabbir, li jagħtu valutazzjoni dettaljata tas-sitwazzjoni attwali u tal-progress li sar minn dawk li applikaw biex jissieħbu fl-UE. Ir-rapporti jipprovdu wkoll gwida dwar ir-riformi ewlenin li kull sħab tat-tkabbir irid jagħmel biex ikompli triqtu lejn l-UE.
Ir-rapporti jkopru:
- Il-Montenegro
- L-Albanija
- L-Ukrajna
- Ir-Repubblika tal-Moldova
- Is-Serbja
- Il-Maċedonja ta’ Fuq
- Il-Bożnija-Ħerzegovina
- Il-Kosovo
- It-Turkija
- Il-Georgia
It-tkabbir tal-UE għadu prijorità importanti għall-Kummissjoni Ewropea. Ir-rapporti ta’ dis-sena juru li permezz tal-konsistenza u tal-użu ta’ approċċ ibbażat fuq il-mertu, l-adeżjoni tal-pajjiżi membri ġodda hi dejjem fil-qrib. Sar progress fl-implimentazzjoni tar-riformi meħtieġa, b’mod partikolari fl-oqsma tad-demokrazija, l-istat tad-dritt u d-drittijiet fundamentali. Madankollu għad fadal xi jsir.
Bis-saħħa ta’ approċċ gradwali għall-integrazzjoni, il-membri aspiranti diġà qed isaħħu r-rabtiet mal-Unjoni qabel l-adeżjoni tagħhom. Barra minn hekk, dan qed iwassal għal aktar prosperità, demokrazija, sigurtà u stabbiltà, filwaqt li ċ-ċittadini u n-negozji qed ikollhom ukoll opportunitajiet ġodda.
It-tkabbir saħħaħ l-Unjoni tagħna. Lill-ġodda għenhom itejbu l-istandards tal-għajxien, inaqqsu l-qgħad, u jżidu l-istennija tal-għomor. Lill-membri eżistenti għenhom iżidu t-tkabbir fil-kummerċ u l-impjiegi, u bis-saħħa tiegħu l-ekonomija tal-UE espandiet b’27 % minkejja l-kriżijiet globali.
Għal aktar tagħrif
Skeda informattiva dwar il-proċess tal-adeżjoni mal-UE
Skeda informattiva dwar is-sitwazzjoni attwali tan-negozjati tal-adeżjoni
Pakkett ta’ Investiment u Ekonomiku għall-Balkani tal-Punent
Pjan ta’ tkabbir għall-Balkani tal-Punent
Pjan ta’ Tkabbir għall-Moldova
Il-Montenegro: Rapport; Skeda informattiva
L-Albanija: Rapport; Skeda informattiva
L-Ukrajna: Rapport; Skeda informattiva
Il-Moldova: Rapport; Skeda informattiva
Is-Serbja: Rapport; Skeda informattiva
Il-Maċedonja ta’ Fuq: Rapport; Skeda informattiva
Il-Bożnija-Ħerzegovina: Rapport; Skeda informattiva
Il-Kosovo: Rapport; Skeda informattiva
It-Turkija: Rapport; Skeda informattiva
Il-Georgia: Rapport; Skeda informattiva
- Data tal-pubblikazzjoni
- 4 Novembru 2025
- Awtur
- Id-Direttorat Ġenerali għall-Komunikazzjoni