Tá tuarascálacha 2025 maidir le méadú, ina dtugtar measúnú mionsonraithe ar staid na himeartha agus ar an dul chun cinn atá déanta ag na tíortha a rinne iarratas ar bhallraíocht den Aontas Eorpach, glactha ag an gCoimisiún. Cuireann na tuarascálacha treoir ar fáil freisin i dtaca le príomh-athchóirithe is ceart do gach comhpháirtí méadaithe a bhaint amach ar an mbealach i dtreo an Aontais.
Cumhdaítear na tíortha seo a leanas sna tuarascálacha:
- Montainéagró
- an Albáin
- an Úcráin
- Poblacht na Moldóive
- an tSeirbia
- an Mhacadóin Thuaidh
- an Bhoisnia agus an Heirseagaivéin
- an Chosaiv
- an Tuirc
- an tSeoirsia
Tá sé fós ina thosaíocht thábhachtach ag an gCoimisiún Eorpach an tAontas Eorpach a mhéadú. Léirítear i dtuarascálacha na bliana seo go bhfuil méadú ag teacht ar insroichteacht aontachas na mBallstát nua trí bheith comhsheasmhach agus trí chur chuige bunaithe ar fhiúntas a leanúint. Tá dul chun cinn déanta i dtreo chur i bhfeidhm na n-athchóirithe is gá, go háirithe i réimsí an daonlathais, an smachta reachta agus na gceart bunúsach, cé go bhfuil gá fós le tuilleadh oibre.
Le cur chuige céimnitheach i leith an lánpháirtithe, tá tíortha ar mian leo a bheith ina mBallstáit in ann naisc leis an Aontas a neartú roimh a n-aontachas. Thairis sin, tá rathúnas, daonlathas, slándáil agus cobhsaíocht níos fearr mar thoradh air, agus tá deiseanna nua á gcur ar fáil do shaoránaigh agus do ghnólachtaí ag an am céanna.
Tá an tAontas seo againne níos láidre mar gheall ar an méadú. I gcás nuatheachtaithe, chuidigh sé chun feabhas a chur ar chaighdeáin mhaireachtála, laghdaigh sé an dífhostaíocht, agus chuidigh sé le hionchas saoil a mhéadú. I gcás na mBallstát atá ann cheana, tá méadú tagtha ar thrádáil agus ar fhás post agus tá méadú 27% tagtha ar gheilleagar an Aontais, in ainneoin géarchéimeanna domhanda.
Tuilleadh eolais
An chaoi a n-oibríonn an méadú
Bileog Eolais maidir le próiseas aontachais an Aontais
Bileog eolais maidir le staid imeartha na caibidlíochta aontachais
Pacáiste Eacnamaíoch agus Infheistíochta le haghaidh na mBalcán Thiar
Plean Fáis do na Balcáin Thiar
Montainéagró: Tuarascáil; Bileog eolais
An Albáin: Tuarascáil; Bileog eolais
An Úcráin: Tuarascáil; Bileog eolais
An Mholdóiv: Tuarascáil; Bileog eolais
An tSeirbia: Tuarascáil; Bileog eolais
An Mhacadóin Thuaidh: Tuarascáil; Bileog eolais
An Bhoisnia agus an Heirseagaivéin: Tuarascáil; Bileog eolais
An Chosaiv: Tuarascáil; Bileog eolais
An Tuirc: Tuarascáil; Bileog eolais
An tSeoirsia: Tuarascáil; Bileog eolais
- Dáta foilsithe
- 4 Samhain 2025
- Údar
- Ard-Stiúrthóireacht na Cumarsáide