Il-missili ma jistgħux jeqirdu s-SolidarjetàKampanja ta’ Xarabanks tal-iskola għall-Ukrajna sena wara Inwasslu lit-tfal Ukreni l-iskola b’mod sikur L-edukazzjoni hija pedament tal-futur tagħna. L-aċċess sikur għall-iskola huwa ta’ importanza kbira, peress li jagħti sens ta’ normalità lit-tfal u huwa essenzjali għall-benesseri u l-futur tagħhom. Madankollu, huwa eżattament dan l-aċċess li ġie pperikolat mill-aggressjoni mhux ġustifikata tar-Russja, b’madwar 5.7 miljun tifel u tifla tal-età tal-iskola fl-Ukrajna jesperjenzaw tfixkil fit-tagħlim. Fil-fatt, il-missili tar-Russja qerdu jew għamlu ħsara lil eluf ta’ skejjel Ukreni, u b’riżultat ta’ dan miljuni ta’ tfal jiffaċċjaw distanzi ferm itwal biex imorru l-iskola. Huwa għalhekk li l-UE nediet il-kampanja tagħha “Xarabanks tal-iskola għall-Ukrajna”. Ħsara lis-sistema edukattiva tal-Ukrajna5.7 miljuntifel u tifla tal-età tal-iskola ntlaqtu mill-aggressjoni tar-RussjaAktar minn 2,800faċilità edukattiva saritilhom il-ħsara jew inqerdu Kampanja ta’ solidarjetà għad-donazzjoni tax-xarabanks F’Novembru 2022, il-Kummissjoni, flimkien mal-First Lady tal-Ukrajna, Olena Zelenska, nediet il-kampanja ta’ solidarjetà “Xarabanks tal-iskola għall-Ukrajna”. Hi appellat lill-entitajiet pubbliċi u privati fl-UE u lil hinn minnha biex jingħaqdu u juru solidarjetà, billi jagħtu xarabanks li huma essenzjali biex it-tfal Ukreni jinġiebu lura b’mod sikur lill-iskejjel tagħhom.Fl-4 ta’ Novembru 2023, il-President tal-Kummissjoni Ursula von der Leyen żaret Kiev u flimkien mal-First Lady tal-Ukrajna, Olena Zelenska, attendiet iċ-ċerimonja ta’ trasferiment tal-kampanja ta’ solidarjetà tal-UE “Xarabanks tal-iskola għall-Ukrajna”, li wasslet aktar minn 370 xarabank tal-iskola lill-komunitajiet Ukreni.100 xarabank tal-iskola, b’valur ta’ madwar €14-il miljun, inxtraw mill-Kummissjoni, filwaqt li l-awtoritajiet, il-bliet, ir-reġjuni u l-organizzazzjonijiet tat-trasport f’11 pajjiż tal-UE taw 271 xarabank tal-iskola permezz tal-Mekkaniżmu tal-UE għall-Protezzjoni Ċivili. Din il-gwerra krudili ċaħdet eluf ta’ tfal Ukreni mill-innoċenza u mit-tfulija tagħhom. Iżda mhux se ċċaħħadhom mill-futur sabiħ u kuntent li jistħoqqilhom. Huwa għalhekk li ninsab kuntenta li nistgħu ngħinu biex inwasslu b’mod sikur lit-tfal Ukreni l-iskola. Id-donazzjoni ta’ aktar minn 370 xarabank tal-iskola mill-Kummissjoni u mill-Istati Membri turi l-impenn konġunt tagħna għall-ġenerazzjonijiet li jmiss ta’ Ukreni. Is-sena l-oħra, waqt żjara fil-Parlament Ewropew, iddiskutejt dan mal-President tal-Kummissjoni Ewropea Ursula von der Leyen. U issa l-komunitajiet Ukreni qed jirċievu aktar minn 370 xarabank. Din hija turija kbira ta’ solidarjetà. Din hija triq lejn il-futur ta’ wliedna - tagħhom u tal-pajjiż kollu, f’nofs il-gwerra. Dan huwa dak li jfissru x-xarabanks tal-iskola, din hija r-raġuni għaliex huma importanti. Gallerija tal-media School buses for UkraineDeparture of donated buses from Helsinki, FinlandSchool buses for Ukraine 1Departure of donated buses from Helsinki, FinlandSchool buses for UkraineDeparture of donated buses from Helsinki, FinlandAgħlaq Appoġġ kontinwu tal-UE L-Ewropa ilha tappoġġja lill-Ukrajna mill-bidu tal-aggressjoni mhux ġustifikata tar-Russja. L-Ewropej fetħu l-qlub u d-djar tagħhom għal aktar minn 8 miljun Ukren li ħarbu mill-bombi ta’ Putin, inklużi aktar minn 4 miljun Ukren li talbu protezzjoni temporanja fl-Istati Membri tal-UE. L-iskejjel Ewropej laqgħu mijiet ta’ eluf ta’ tfal Ukreni. Minkejja l-qerda u s-sagrifiċċji, l-Ukreni qed iħarsu lejn il-futur bil-fiduċja u bit-tama. U dan il-futur jibda billi jiġi żgurat li l-iskejjel ikunu miftuħa u li t-tfal ikollhom aċċess għalihom. Fid-diskors tagħha tal-2022 dwar l-Istat tal-Unjoni, il-President tal-Kummissjoni Ewropea Ursula von der Leyen ħabbret inizjattiva konġunta ma’ mart il-President tal-Ukrajna, Olena Zelenska, dwar ir-riabilitazzjoni tal-iskejjel Ukreni li saritilhom il-ħsara. F’Diċembru 2022, il-Kummissjoni u l-Gvern tal-Ukrajna ffirmaw pakkett ta’ appoġġ ta’ €100 miljun għal dan l-għan. L-appoġġ se jasal għand l-Ukrajna permezz tas-sħab umanitarji tal-UE u parzjalment bħala appoġġ baġitarju lill-Gvern tal-Ukrajna.B’mod parallel, il-Kummissjoni, flimkien mal-Ministeru Ukren għat-Trasformazzjoni Diġitali u DIGITALEUROPE, organizzazzjoni Ewropea li tirrappreżenta l-industrija tat-teknoloġija diġitali, organizzat l-inizjattiva Laptops għall-Ukrajna. L-għan huwa li jinġabru u jitwasslu laptops, smart-phones u tablets u li jiġu indirizzati l-ħtiġijiet fundamentali tal-iskejjel, tal-isptarijiet u tal-amministrazzjonijiet pubbliċi fir-reġjuni tal-gwerra l-aktar affettwati tal-Ukrajna.Biex tappoġġja ġenerazzjoni ġdida ta’ studenti, il-Kummissjoni pprovdiet ukoll miljun u nofs ktieb tal-iskola lill-istudenti fl-Ukrajna. Kif tagħti donazzjoni Jekk inti entità pubblika jew kumpanija privata bbażata fl-UE u tixtieq tagħti xarabanks b’donazzjoni, għandek taqra sew l-FAQs t’hawn taħt. Tista’ tikkuntattja wkoll lir-Rappreżentanza tal-Kummissjoni tal-UE fil-pajjiż li tista’ tipprovdilek informazzjoni addizzjonali dwar il-kampanja.Jekk inti lest li toffri xarabanks għandek tħejji d-dettalji tal-offerta tiegħek billi tuża d-dokument bl-isem Technical specifications for bus offers hawn taħt u tibagħtu lil: EU-BUSES-UKRAINEec [dot] europa [dot] eu (EU-BUSES-UKRAINE[at]ec[dot]europa[dot]eu). Jekk jogħġbok aqra bir-reqqa t-tab Explanations fil-Excel file. 13 JANNAR 2023Technical specifications for bus offers Għal kwalunkwe mistoqsija addizzjonali, iċ-Ċentru ta’ Koordinazzjoni tar-Reazzjoni f’każ ta’ Emerġenza (ERCC) fil-Kummissjoni Ewropea għandu tim iddedikat biex jgħinek. Tista’ tikkuntattjah bl-email fuq EU-BUSES-UKRAINEec [dot] europa [dot] eu (EU-BUSES-UKRAINE[at]ec[dot]europa[dot]eu). 19 NOVEMBRU 2022FAQs School buses for Ukraine campaign Segwi l-aġġornamenti tal-progress u ħu sehemTelegramXFacebookInstagramLinkedInNetwerks soċjali oħrajn
L-edukazzjoni hija pedament tal-futur tagħna. L-aċċess sikur għall-iskola huwa ta’ importanza kbira, peress li jagħti sens ta’ normalità lit-tfal u huwa essenzjali għall-benesseri u l-futur tagħhom. Madankollu, huwa eżattament dan l-aċċess li ġie pperikolat mill-aggressjoni mhux ġustifikata tar-Russja, b’madwar 5.7 miljun tifel u tifla tal-età tal-iskola fl-Ukrajna jesperjenzaw tfixkil fit-tagħlim. Fil-fatt, il-missili tar-Russja qerdu jew għamlu ħsara lil eluf ta’ skejjel Ukreni, u b’riżultat ta’ dan miljuni ta’ tfal jiffaċċjaw distanzi ferm itwal biex imorru l-iskola. Huwa għalhekk li l-UE nediet il-kampanja tagħha “Xarabanks tal-iskola għall-Ukrajna”.
Fid-diskors tagħha tal-2022 dwar l-Istat tal-Unjoni, il-President tal-Kummissjoni Ewropea Ursula von der Leyen ħabbret inizjattiva konġunta ma’ mart il-President tal-Ukrajna, Olena Zelenska, dwar ir-riabilitazzjoni tal-iskejjel Ukreni li saritilhom il-ħsara. F’Diċembru 2022, il-Kummissjoni u l-Gvern tal-Ukrajna ffirmaw pakkett ta’ appoġġ ta’ €100 miljun għal dan l-għan. L-appoġġ se jasal għand l-Ukrajna permezz tas-sħab umanitarji tal-UE u parzjalment bħala appoġġ baġitarju lill-Gvern tal-Ukrajna.B’mod parallel, il-Kummissjoni, flimkien mal-Ministeru Ukren għat-Trasformazzjoni Diġitali u DIGITALEUROPE, organizzazzjoni Ewropea li tirrappreżenta l-industrija tat-teknoloġija diġitali, organizzat l-inizjattiva Laptops għall-Ukrajna. L-għan huwa li jinġabru u jitwasslu laptops, smart-phones u tablets u li jiġu indirizzati l-ħtiġijiet fundamentali tal-iskejjel, tal-isptarijiet u tal-amministrazzjonijiet pubbliċi fir-reġjuni tal-gwerra l-aktar affettwati tal-Ukrajna.Biex tappoġġja ġenerazzjoni ġdida ta’ studenti, il-Kummissjoni pprovdiet ukoll miljun u nofs ktieb tal-iskola lill-istudenti fl-Ukrajna.
