Page contents Page contents Forléargas Is minic a bhíonn ionramháil agus cur isteach trasnaíochta eachtraí ar fhaisnéis (FIMI) dírithe ar an mbonn a bhaint de phróisis dhaonlathacha san Eoraip nó ar thionchar diúltach a imirt ar luachanna, nósanna imeachta agus próisis pholaitiúla na hEorpa, agus is féidir leis sin teacht chun cinn ar go leor bealaí. Ar an gcaoi chéanna, is féidir le cibirionsaithe a bheith mar chuid de straitéis níos mó chun an daonlathas a chúbláil nó an bonn a bhaint de.Chun cur i gcoinne gníomhaithe stáit nó neamhstáit eachtracha, tá raon beart coisctheach agus freagrúil á gcur chun feidhme ag an Aontas Eorpach, tionscadail múscailte feasachta, ardréitigh theicneolaíocha, agus comhordú feabhsaithe ina measc. EUvsDisinfo Is éard atá in EUvsDisinfo, a sheol seirbhís taidhleoireachta an Aontais, an tSeirbhís Eorpach Gníomhaíochta Seachtraí (SEGS) in 2015, tionscadal suaitheanta chun an bhréagaisnéis agus na cruthanna agus na foirmeacha éagsúla ina mbíonn sí a shainaithint agus a anailísiú agus feasacht a ardú ina leith, agus béim á leagan ar chuntais agus ar oirbhearta coiteanna ón gCreimil.Tuilleadh eolais faoina bhfuil ar siúl ag SEGS chun cur i gcoinne FIMI An Chibearshlándáil Is féidir le cibirionsaithe tarlú ag an am céanna le feachtais ionramhála ar fhaisnéis, agus d’fhéadfaidís a bheith comhordaithe leo fiú, agus is féidir leo a bheith ina gcuid de straitéis níos leithne chun tionchar a imirt ar phróisis dhaonlathacha nó chun iad a dhíchobhsú. Borradh a chur faoin gcibearshlándáil agus faoin bhfeasacht ghaolmhar, is cuid d’fhorbairt athléimneachta iad freisin. Oibríonn tíortha an Aontais i gcomhar le chéile chun ullmhú do chibearbhagairtí a d’fhéadfadh a bheith ann. Faigheann siad tacaíocht ó institiúidí, comhlachtaí agus gníomhaireachtaí an Aontais, amhail Gníomhaireacht an Aontais um Chibearshlándáil nó an Fhoireann Phráinnfhreagartha Ríomhaire d’institiúidí, comhlachtaí agus gníomhaireachtaí an Aontais. Freagairt ar bhagairtí hibrideacha Tá creat beartais cuimsitheach forbartha ag an Aontas freisin chun aghaidh a thabhairt ar bhagairtí hibrideacha. Bíonn bagairtí den sórt sin ceaptha chun teacht i dtír ar leochaileachtaí tíortha agus sochaithe trí mhodhanna míleata agus neamh-mhíleata amhail cibirionsaithe, feachtais ionrámhála ar fhaisnéis nó brú eacnamaíoch a thabhairt le chéile. Tá Foirne Mearfhreagartha Hibrideacha á n-imscaradh ag an Aontas chun tacú le Ballstáit an Aontais agus le tíortha comhpháirtíochta cur i gcoinne bagairtí hibrideacha. Cuirfidh siad cúnamh gearrthéarmach saincheaptha spriocdhírithe ar fáil do thíortha an Aontais, do mhisin agus d’oibríochtaí an Chomhbheartais Slándála agus Cosanta, agus do thíortha comhpháirtíochta chun cur i gcoinne bagairtí agus feachtais hibrideacha. Smachtbhannaí i gcoinne eagraíochtaí meán na Creimile Tá an Rúis i mbun feachtas mórscála ionrámhála ar fhaisnéis agus í ag iarraidh an tAontas Eorpach agus a Bhallstáit a dhíchobhsú. Na heagraíochtaí atá faoi úinéireacht stáit agus atá fabhrach don Chreimil a eagraíonn feachtais ionramhála ar fhaisnéis, tá ról lárnach riachtanach acu maidir le tacú le fogha na Rúise faoin Úcráin. Is bagairt shuntasach dhíreach iad ar ord poiblí agus ar shlándáil an Aontais. Chun cur ina choinne sin, tá smachtbhannaí glactha ag an Aontas i gcoinne sócmhainní agus gníomhaithe bréagaisnéise agus cúblála faisnéise na Creimile. Naisc ghaolmhara SEGS - Córas Mear-RabhaidhTeachtaireacht Chomhpháirteach - Cibearshlándáil láidir a thógáil don Aontas EorpachFíseán – Conas camscéim a aimsiú agus fanacht sábháilte ar líne
Is minic a bhíonn ionramháil agus cur isteach trasnaíochta eachtraí ar fhaisnéis (FIMI) dírithe ar an mbonn a bhaint de phróisis dhaonlathacha san Eoraip nó ar thionchar diúltach a imirt ar luachanna, nósanna imeachta agus próisis pholaitiúla na hEorpa, agus is féidir leis sin teacht chun cinn ar go leor bealaí. Ar an gcaoi chéanna, is féidir le cibirionsaithe a bheith mar chuid de straitéis níos mó chun an daonlathas a chúbláil nó an bonn a bhaint de.Chun cur i gcoinne gníomhaithe stáit nó neamhstáit eachtracha, tá raon beart coisctheach agus freagrúil á gcur chun feidhme ag an Aontas Eorpach, tionscadail múscailte feasachta, ardréitigh theicneolaíocha, agus comhordú feabhsaithe ina measc.
