Page contents Page contents L-Aġenda 2030 għall-Iżvilupp SostenibbliF’Settembru 2015, fl-Assemblea Ġenerali tan-Nazzjonijiet Uniti, il-pajjiżi mid-dinja kollha ffirmaw l-Aġenda 2030 għall-Iżvilupp Sostenibbli u s-17-il Għan ta’ Żvilupp Sostenibbli (SDGs) tagħha.Il-mexxejja tad-dinja kkommettew ruħhom li jtemmu l-faqar, iħarsu d-dinja u jiżguraw li l-popli kollha jgawdu l-paċi u l-prosperità.L-Aġenda 2030, flimkien mal-Ftehim ta’ Pariġi dwar il-Klima, huma l-pjan direzzjonali għal dinja aħjar u għall-qafas globali għal kooperazzjoni internazzjonali dwar l-iżvilupp sostenibbli u d-dimensjonijiet ekonomiċi, soċjali, ambjentali u ta’ governanza tiegħu.L-importanza ta’ progress konsistenti lejn l-SDGs u l-involviment ma’ pajjiżi sħab u s-soċjetà ċivili kif ukoll ir-rappreżentanza tal-Unjoni f’fora internazzjonali ta’ livell għoli, inkluż il-Forum Politiku ta’ Livell Għoli tan-Nazzjonijiet Uniti dwar l-Iżvilupp Sostenibbli, hija kruċjali biex isir progress fl-impenn tal-UE għall-iżvilupp sostenibbli u t-tmexxija tagħha, kif ukoll biex jiġi indirizzat l-impatt tal-COVID-19 globalment. Forum Politiku ta' Livell Għoli dwar l-Iżvilupp SostenibbliIl-Forum Politiku ta’ Livell Għoli huwa l-pjattaforma ewlenija tan-Nazzjonijiet Uniti dwar l-iżvilupp sostenibbli. Hu għandu rwol ċentrali fis-segwitu u r-rieżami tal-Aġenda 2030 għall-Iżvilupp Sostenibbli u l-Għanijiet ta’ Żvilupp Sostenibbli (SDGs) fuq livell globali.2021: Għanijiet ta’ Żvilupp Sostenibbli bħala boxxla għall-irkupru tal-EwropaIl-laqgħa tal-HLPF fl-2021 se ssir mis-6 sal-15 ta’ Lulju 2021, taħt l-awspiċi tal-Kunsill Ekonomiku u Soċjali.Fil-kuntest tal-Forum Politiku ta’ Livell Għoli, l-UE se torganizza avveniment sekondarju fl-14 ta’ Lulju 2021 li se jiffoka fuq l-użu tal-Għanijiet ta’ Żvilupp Sostenibbli tan-Nazzjonijiet Uniti bħala boxxla għall-irkupru tal-Ewropa u l-bini ta’ futur aħjar permezz ta’ mudell ġdid ta’ tkabbir. L-avveniment se jqis l-azzjoni tal-UE fl-implimentazzjoni tal-Għanijiet ta’ Żvilupp Sostenibbli, jenfasizza l-approċċ tal-gvern kollu tagħha, il-perspettivi globali għall-irkupru u l-ħtieġa għal sħubija globali b’saħħitha, u jħares ’il quddiem lejn l-opportunitajiet u kif l-aħjar jiġu indirizzati l-ħafna sfidi interkonnessi ta’ rkupru sostenibbli fil-livelli kollha.Il-Kummissjoni Ewropea hija impenjata lejn l-Għanijiet ta’ Żvilupp Sostenibbli tal-2030 u tqiegħed il-Patt Ekoloġiku fiċ-ċentru tal-isforzi tagħha ta’ rkupru. Ingħaqad mal-Kummissarji Urpilainen u Gentiloni u esplora l-istejjer ta’ suċċess, l-isfidi u t-tagħlimiet meħuda matul il-pandemija tal-COVID-19 hekk kif l-Ewropa tirkupra.Forum Politiku ta' Livell Għoli 2020Il-laqgħa tal-Forum Politiku ta’ Livell Għoli dwar l-iżvilupp sostenibbli fl-2020 saret mis-7 sas-16 ta’ Lulju 2020, taħt l-awspiċi tal-Kunsill Ekonomiku u Soċjali. Dan inkluda l-laqgħa ministerjali ta’ tlett ijiem tal-forum mill-14 sas-16 ta’ Lulju 2020.It-tema kienet "Azzjoni aċċellerata u mogħdijiet trasformattivi: it-twettiq tad-deċennju ta’ azzjoni u t-twassil għall-iżvilupp sostenibbli”.Fil-Forum Politiku ta’ Livell Għoli 2020, il-parteċipanti ddiskutew fejn ninsabu dwar l-SDGs fid-dawl tal-impatt tal-pandemija tal-COVID-19. Huma rriflettew dwar kif il-komunità internazzjonali tista’ tirreaġixxi għall-pandemija b’mod li tpoġġina lura fit-triq it-tajba biex jinkisbu l-SDGs u jiġi aċċellerat il-progress matul id-deċennju ta’ azzjoni u t-twassil għall-iżvilupp sostenibbli.Mument tal-Għanijiet ta’ Żvilupp Sostenibbli 2020Imlaqqa’ mis-Segretarju Ġenerali tan-NU, l-ewwel Mument tal-SDG tad-Deċennju ta’ Azzjoni sar virtwalment il-Ġimgħa, 18 ta’ Settembru 2020.Peress li fadal biss 10 snin biex nilħqu l-Aġenda 2030, id-dinja mhijiex fit-triq it-tajba u l-pandemija tal-COVID-19 kompliet taggrava l-inugwaljanzi eżistenti, u xi kultant reġġgħet lura l-progress li sar f’ċerti għanijiet. It-tibdil fil-klima, l-inugwaljanza bejn il-ġeneri, u l-faqar huma l-aktar kwistjonijiet urġenti u r-rieda politika u l-ambizzjoni se jkunu meħtieġa sabiex nirkupraw aħjar.Forum Politiku ta' Livell Għoli 2019Il-laqgħa tal-forum politiku ta’ livell għoli dwar l-iżvilupp sostenibbli fl-2019, imlaqqa’ taħt l-awspiċi tal-Kunsill Ekonomiku u Soċjali mid-9 sat-18 ta’ Lulju 2019. Dan inkluda l-laqgħa ministerjali ta’ tlett ijiem tal-forum mis-16 sat-18 ta’ Lulju 2019.Fit-18 ta’ Lulju 2019, il-Kummissjoni organizzat avveniment ta’ livell għoli fil-Forum Politiku ta’ Livell Għoli fi New York fejn ippreżentat l-approċċ tal-UE inklużiid-Dokument ta’ Riflessjoni tal-Kummissjoni “Lejn Ewropa Sostenibbli sal-2030”;ir-“Rapport annwali ta’ monitoraġġ tal-Eurostat dwar il-progress lejn l-SDGs f’kuntest tal-UE”;ir-“Rapport Konġunt ta’ Sinteżi dwar l-implimentazzjoni tal-Kunsens Ewropew dwar l-Iżvilupp”;ir-Rapport tal-UE dwar Koerenza tal-Politiki għall-Iżvilupp.
