Kull sena, il-Ġimgħa Ewropea Kontra l-Kanċer issir bejn il-25 u l-31 ta’ Mejju. Dan l-avveniment ilaqqa’ flimkien gruppi ta’ promozzjoni tal-pazjenti, dawk li jfasslu l-politika Ewropea, u l-pubbliku ġenerali biex iqajmu kuxjenza dwar il-prevenzjoni tal-kanċer, l-iskrinjar, l-aċċess għat-trattament u l-appoġġ għall-pazjenti u l-persuni bi storja ta’ kanċer.
L-UE qed tiġġieled kontra l-kanċer bil-Pjan tal-Ewropa biex Jingħeleb il-Kanċer li tressaq fl-2021. B’dan il-Pjan, il-Kummissjoni tfittex li ttejjeb il-prevenzjoni, id-detezzjoni bikrija, it-trattament u l-kura, kif ukoll il-kwalità tal-ħajja tal-pazjenti u s-superstiti tal-kanċer. B’appoġġ ta’ €4 biljun f’finanzjament, tnieda numru rekord ta’ proġetti, azzjonijiet u inizjattivi konkreti li jindirizzaw kull stadju ta’ din il-marda. Dawn jinkludu, fost l-oħrajn:
- L-istabbiliment taċ-Ċentru tal-Għarfien tal-Kummissjoni dwar il-Kanċer, biex tiġi kondiviża l-implimentazzjoni tal-aħjar prattika u jinħarġu linji gwida għat-tfassil u l-introduzzjoni ta’ azzjonijiet ġodda
- It-tnedija tal-Inizjattiva Ewropea dwar l-Immaġnijiet tal-Kanċer, biex l-immaġnijiet anonimizzati relatati mal-kanċer isiru aċċessibbli għall-professjonisti tal-kura tas-saħħa biex tittejjeb il-mediċina personalizzata
- L-istabbiliment tal-Inizjattiva Ewropea biex Nifhmu l-Kanċer, biex tiġi appoġġjata l-innovazzjoni u jsir progress fil-fehim tal-mekkaniżmi tal-kanċer
- Il-proposta ta’ Rakkomandazzjoni dwar kanċers li jistgħu jiġu evitati bit-tilqim, biex jiġi estiż it-tilqim ta’ rutina newtrali għall-ġeneru kontra l-papillomaviruses umani (HPV) u t-tilqim kontra l-Epatite B
- L-istabbiliment tar-reġistru Ewropew tal-inugwaljanzi b’rabta mal-kanċer, biex jiġu identifikati x-xejriet, id-disparitajiet u l-inugwaljanzi bejn il-pajjiżi tal-UE biex ikunu jistgħu jsiru investimenti u interventi mmirati
- L-istabbiliment ta’ Network tal-UE li jgħaqqad iċ-Ċentri Nazzjonali Komprensivi tal-Kanċer rikonoxxuti biex jikkondividu l-kapaċitajiet u l-għarfien espert fl-UE kollha
- Il-ħolqien ta’ Networks Ġodda għall-Għarfien Espert għal kundizzjonijiet speċifiċi u diffiċli tal-kanċer, biex jiġu identifikati s-soluzzjonijiet li diġà għandhom l-għeruq tagħhom fil-komunità Ewropea tal-onkoloġija
Il-Kummissjoni nediet ukoll Skema ġdida għall-Iskrinjar tal-Kanċer appoġġjata mill-UE biex ittejjeb l-aċċess, il-kwalità u d-dijanjostika tal-iskrinjar tal-kanċer. Biex tippromwovi l-importanza tad-detezzjoni bikrija tal-kanċer, il-Kummissjoni bdiet ukoll il-kampanja ta’ sensibilizzazzjoni #GetScreenedEU, li tiffoka fuq il-fatt li d-detezzjoni bikrija permezz tal-iskrinjar toffri l-aħjar opportunità biex jiġi trattat il-kanċer u żżid l-għażliet ta’ trattament.
L-UE għamlet passi kbar fir-rigward tal-prevenzjoni permezz ta’ azzjonijiet li jindirizzaw fatturi ta’ riskju ewlenin bħat-tabakk, id-dijanjożi u t-trattament u t-titjib tal-kwalità tal-ħajja. Iżda għad fadal ħafna xogħol xi jsir, biex tkompli ssir bidla, u biex tinfirex id-dinjità u t-tama għal dawk kollha milquta mill-kanċer.
Għal aktar informazzjoni
Il-Pjan tal-Ewropa kontra l-kanċer
Il-kampanja #GetScreenedEU, b’informazzjoni dwar programmi ta’ skrinjar tal-kanċer fil-pajjiżi tal-UE
L-Inizjattivi tal-Kummissjoni Ewropea dwar il-Kanċer tas-Sider u tal-Musrana
- Data tal-pubblikazzjoni
- 27 Mejju 2024
- Awtur
- Id-Direttorat Ġenerali għall-Komunikazzjoni
Aħbarijiet relatati
L-intervista tagħna mal-akbar organizzazzjoni għall-promozzjoni tal-interessi tal-pazjenti bil-kanċer tas-sider fl-Ewropa matul Ottubru Roża
Kun af in-numri tiegħek, ipproteġi qalbek — agħmel kontroll sempliċi u ngħaqad mal-bqija tal-Ewropa fil-ġlieda kontra l-qattiel sieket. Illum tibda l-ewwel ġimgħa tal-UE għall-iskrinjar, inizjattiva li tħeġġeġ lin-nies jagħmlu t-testijiet għad-detezzjoni tal-mard kardjovaskulari u żżid is-sensibilizzazzjoni dwar il-prevenzjoni.
L-EHIC tippermettilek tirċievi l-kura medika meħtieġa u urġenti barra mill-pajjiż, inkluż għal mard kroniku jew eżistenti, kif ukoll għat-tqala u l-ħlas. L-EHIC hija valida fi kwalunkwe pajjiż tal-UE, l-Iżlanda, il-Liechtenstein, in-Norveġja, l-Iżvizzera u r-Renju Unit.
The Commission has unveiled an update of the European Code Against cancer, which sets out practical ways to help prevent the disease. The revised code puts strong focus on lifestyle choices and public health measures to reduce cancer risk.