L-Albanija, il-Bożnija-Ħerzegovina, il-Kosovo, il-Montenegro, il-Maċedonja ta’ Fuq, u s-Serbja se jibbenefikaw minn pjan ġdid ta’ tkabbir ta’ €6 biljun għall-Balkani tal-Punent. Il-pjan se jġib lir-reġjun xi wħud mill-benefiċċji tas-sħubija fl-UE qabel l-adeżjoni, jagħti spinta lit-tkabbir ekonomiku u jaċċellera l-konverġenza soċjoekonomika tant meħtieġa. Il-pjan ta’ tkabbir għandu jħaffef b’mod sinifikanti l-proċess tat-tkabbir u tat-tkabbir ekonomiku tar-reġjun. Il-pjan ta’ tkabbir il-ġdid huwa bbażat fuq erba’ pilastri: It-tisħiħ tal-integrazzjoni ekonomika tar-reġjun fis-suq uniku tal-UE It-tisħiħ tal-integrazzjoni ekonomika fil-Balkani tal-Punent permezz tas-Suq Reġjonali Komuni Iż-żieda fir-ritmu tar-riformi fundamentali Iż-żieda fl-assistenza finanzjarja b’appoġġ għar-riformi Is-sħab tal-Balkani tal-Punent se jkollhom iwettqu r-riformi ewlenin biex jirċievu l-fondi allokati. Huma se jiġu mistiedna jħejju aġenda ta’ riforma bbażata fuq rakkomandazzjonijiet eżistenti mir-rapporti tat-tkabbir kif ukoll mill-Programmi ta’ Riforma Ekonomika. Dawn l-aġendi se jiġu vvalutati u adottati mill-Kummissjoni. It-tkabbir jibqa’ politika prinċipali tal-Unjoni Ewropea. Is-sħubija sħiħa tal-UE għall-Balkani tal-Punent hija fl-interess politiku, tas-sigurtà u ekonomiku tal-Unjoni stess, u se twieġeb għall-aspirazzjonijiet tan-nies fir-reġjun. Għal aktar informazzjoni Skeda informattiva dwar il-Pjan ġdid ta’ tkabbir għall-Balkani tal-Punent Ewropa Aktar b’Saħħitha fid-Dinja Stqarrija għall-istampa: Il-Kummissjoni tippreżenta Pjan ġdid ta’ Tkabbir għall-Balkani tal-Punent li jinkludi €6 biljun f’għotjiet u self biex titħaffef il-konverġenza ekonomika mal-UE L-UE u l-Balkani tal-Punent Il-Politika tat-Tkabbir Mistoqsijiet u tweġibiet dwar il-Pjan ġdid ta’ tkabbir għall-Balkani tal-Punent Dettalji Data tal-pubblikazzjoni8 Novembru 2023AwturId-Direttorat Ġenerali għall-Komunikazzjoni
