Kull ċittadin tal-UE jistħoqqlu l-aħjar kura tal-kanċer possibbli. Hekk kif niċċelebraw il-Ġimgħa Ewropea Kontra l-Kanċer (mill-25 sal-31 ta’ Mejju), il-Kummissjoni Ewropea tafferma mill-ġdid l-impenn tagħha li tikseb unjoni tas-saħħa Ewropea li tipprovdi kura tas-saħħa ta’ kwalità għolja għal kulħadd. Diġà permezz tal-Pjan tal-Ewropa biex Jingħeleb il-Kanċer, il-Kummissjoni pprovdiet appoġġ lil miljuni ta’ persuni affettwati mill-kanċer madwar l-Unjoni Ewropea. Issa taħdem ma’ kważi 630 organizzazzjoni u impenjat €394 miljun biex tappoġġa l-azzjonijiet tagħha fil-prevenzjoni, id-detezzjoni, id-dijanjożi u t-trattament tal-kanċer.
Se tkompli tiżgura l-implimentazzjoni effettiva tal-Pjan dwar il-Kanċer fis-snin li ġejjin, b’ħidma fuq:
- il-prevenzjoni — tnedija ta’ edizzjoni ġdida tal-Kodiċi Ewropew Kontra l-Kanċer, li toffri pariri prattiċi dwar it-tnaqqis tar-riskji tal-kanċer
- id-detezzjoni bikrija — tilħaq il-mira tagħha li tiżgura li 90 % tal-individwi eliġibbli jiġu mistiedna għall-iskrinjar tal-kanċer tas-sider, kolorettali u ċervikali sal-2030
- id-dijanjożi u t-trattament — twaqqif ta’ network tal-UE ta’ ċentri tal-kanċer komprensivi appoġġat minn €90 miljun f’finanzjament tal-UE
Ġew ippubblikati skedi informattivi ġodda dwar il-pajjiżi, imħejjija mill-Aġenzija Internazzjonali għar-Riċerka dwar il-Kanċer tal-Organizzazzjoni Dinjija tas-Saħħa, li juru inugwaljanzi soċjoekonomiċi kbar fil-mortalità mill-kanċer.
Għal aktar informazzjoni
- Data tal-pubblikazzjoni
- 26 Mejju 2025
- Awtur
- Id-Direttorat Ġenerali għall-Komunikazzjoni
Aħbarijiet relatati
L-intervista tagħna mal-akbar organizzazzjoni għall-promozzjoni tal-interessi tal-pazjenti bil-kanċer tas-sider fl-Ewropa matul Ottubru Roża
World Mental Health Day on October 10 serves as a reminder that good mental health is important and how we can prioritise it in our lives. This year’s theme ‘Lived experiences heard: real voices, real change’ stresses how conversations about mental health make a difference.
Kun af in-numri tiegħek, ipproteġi qalbek — agħmel kontroll sempliċi u ngħaqad mal-bqija tal-Ewropa fil-ġlieda kontra l-qattiel sieket. Illum tibda l-ewwel ġimgħa tal-UE għall-iskrinjar, inizjattiva li tħeġġeġ lin-nies jagħmlu t-testijiet għad-detezzjoni tal-mard kardjovaskulari u żżid is-sensibilizzazzjoni dwar il-prevenzjoni.
L-EHIC tippermettilek tirċievi l-kura medika meħtieġa u urġenti barra mill-pajjiż, inkluż għal mard kroniku jew eżistenti, kif ukoll għat-tqala u l-ħlas. L-EHIC hija valida fi kwalunkwe pajjiż tal-UE, l-Iżlanda, il-Liechtenstein, in-Norveġja, l-Iżvizzera u r-Renju Unit.