Mur għall-kontenut ewlieni
Logo tal-Kummissjoni Ewropea
mt
Il-Kummissjoni Ewropea

Nibnu sħubijiet għal Ewropa aktar b’saħħitha fid-dinja 

Skopri kif il-baġit 2028-2034 tal-UE se jsawwar il-futur tal-Ewropa b’investimenti ewlenin fil-kompetittività, it-trasformazzjoni diġitali, l-edukazzjoni, l-impjiegi u d-demokrazija, u sir af xi jfisser dan għan-nies, għall-komunitajiet u għan-negozji madwar l-UE.

Il-Kummissjoni pproponiet baġit għall-2028–2034 li għandu l-għan li jsaħħaħ ir-rwol globali tal-UE. Fost il-prijoritajiet ewlenin hemm: 

  • aktar appoġġ lill-pajjiżi li jixtiequ jissieħbu fl-UE
  • għajnuna flessibbli u kontinwa lill-Ukrajna
  • investiment kontinwu fil-paċi, is-sigurtà u s-sħubijiet globali.

Hu baġit li jixhed il-valuri tal-Ewropa –– u r-responsabbiltà tagħha fid-dinja –– u li jikkontribwixxi għas-sostenibbiltà, il-kompetittività u s-sigurtà ekonomika.

Ċifri ewlenin

€200 billjun finanzjament totali għall-Istrument Ewropa Globali
€100 billjun appoġġ propost għall-Ukrajna
€15-il biljun riżerva f’Ewropa Globali għall-kriżijiet u l-ħtiġijiet mhux mistennija

Nintroduċu l-Istrument Ewropa Globali

Biex tissimplifika l-finanzjament għall-azzjonijiet esterni, l-UE se tniedi l-Istrument Ewropa Globali li jiswa €200 biljun għall-perjodu 2028–2034. Dan l-istrument għandu l-għan li:

  • jimmassimizza l-impatt tal-azzjonijiet tal-UE barra mill-Istati Membri, u jsaħħaħ il-Global Gateway,
  • itejjeb il-viżibbiltà tal-appoġġ tal-UE fil-pajjiżi sħab, u
  • iżid l-appoġġ lill-pajjiżi kandidati li qed jippreparaw biex jissieħbu fl-UE.

Se jinkludi wkoll riżerva ta’ €15-il biljun biex tirrispondi malajr għall-emerġenzi u l-ħtiġijiet mhux mistennija.

Appoġġ kontinwu lill-Ukrajna

Il-baġit fit-tul propost jafferma mill-ġdid l-impenn tal-UE għall-Ukrajna billi jimmobilizza sa €100 biljun bejn l-2028 u l-2034, skont il-ħtiġijiet. Dan il-finanzjament se jkun:

  • flessibbli biex jiġu ssodisfati ħtiġijiet li qed jinbidlu u mhux mistennija, u
  • separat mill-appoġġ militari, li jibqa’ parti mill-Faċilità Ewropea għall-Paċi.

Ninvestu fil-paċi u s-sigurtà

Il-baġit propost jalloka wkoll €3.4 biljun biex jappoġġa l-inizjattivi tal-Politika Estera u ta’ Sigurtà Komuni (PESK). Dawn il-fondi se jikkontribwixxu biex:

  • jisseddqu l-paċi u s-sigurtà internazzjonali,
  • jiġu promossi d-demokrazija, l-istat tad-dritt u d-drittijiet tal-bniedem, u
  • tissokta tavvanza l-kooperazzjoni internazzjonali.

Xi jfisser dan għall-UE

Il-baġit il-ġdid tal-UE hu dwar azzjoni reali li tgħin biex tipproteġi l-futur tagħna u l-post tal-Ewropa fid-dinja.

Impatt akbar bi flusna

Il-fondi tal-UE se jintużaw b’aktar għaqal biex jixxejnu diskrepanzi fil-finanzjament globali u jitħaffef il-progress f’għanijiet ewlenin fosthom l-azzjoni klimatika, il-kura tas-saħħa, u l-edukazzjoni madwar id-dinja.

Sħubijiet globali aktar b’saħħithom

L-UE se tinvesti fi sħubijiet li jappoġġaw l-iżvilupp globali u jgħinu biex jissaħħu l-ekonomija u l-kompetittività tal-Ewropa.

Soluzzjonijiet konġunti għal problemi komuni

Mill-ġestjoni tal-migrazzjoni sal-promozzjoni tal-paċi u l-istabbiltà fir-reġjuni ġirien, l-UE qed taħdem ma’ oħrajn biex tibni futur aktar sikur għal kulħadd.

Niddefendu l-valuri Ewropej

Il-baġit se jappoġġa l-għajnuna umanitarja, id-demokrazija, id-drittijiet tal-bniedem, u se jgħin lill-pajjiżi jippreparaw biex jissieħbu fl-UE.

Sir af dwar prijoritajiet baġitarji oħra

Din il-paġna ġiet rieżaminata l-aħħar: 15 Jannar 2026