Tuarascáil ar Staid na Deacáide Digití 2025: gníomhaíocht phráinneach mhisniúil de dhíth

D’fhoilsigh an Coimisiún Eorpach a thuarascáil bhliantúil ar Staid na Deacáide Digití. Léirítear sa tuarascáil an dul chun cinn atá déanta i dtreo na gcuspóirí agus na spriocanna a leagtar amach le haghaidh 2030 i gclár beartais na Deacáide Digití.

Tá athnuachan á déanamh ag an Aontas ar a iarrachtaí chun claochlú digiteach níos iomaíche, níos athléimní, níos cuimsithí agus níos ceannasaí a chur chun cinn. Mar sin féin, tá gá le gníomhaíocht phráinneach mhisniúil chun spriocanna 2030 a bhaint amach.

Is iad seo a leanas príomhthorthaí na tuarascála:

• Bonneagair dhigiteacha: d’ainneoin dul chun cinn áirithe, tá dul chun cinn mall á dhéanamh maidir le leathadh amach an bhonneagair nascachta, cuir i gcás líonraí snáithín agus líonraí neamhspleácha 5G
• Digitiú gnólachtaí: tá feabhas tagtha ar ghlacadh na hintleachta saorga (IS), na néalríomhaireachta agus na mórshonraí ag cuideachtaí, ach ní mór dlús a chur léi fós
• Scileanna digiteacha: níl bunleibhéal scileanna digiteacha ach ag 55.6% de mhuintir na hEorpa, agus tá infhaighteacht speisialtóirí TFC a bhfuil ardscileanna acu fós íseal. Freisin, tá deighilt mhór inscne ann, rud a chuireann bac ar dhul chun cinn sa chibearshlándáil agus san intleacht shaorga
• Digitiú seirbhísí poiblí: in 2024, rinne an tAontas dul chun cinn seasta maidir le príomhsheirbhísí poiblí a dhigitiú, ach tá sciar suntasach den bhonneagar digiteach rialtais fós ag brath ar sholáthraithe seirbhíse lasmuigh den Aontas.

Léiríonn na sonraí dúshláin leanúnacha, cuir i gcás margaí ilroinnte, rialacháin atá róchasta, slándáil agus spleáchas straitéiseach. Leagtar béim sa tuarascáil ar na tairbhí a d’fhéadfadh a bheith ag baint le gníomhaíocht mhisniúil, rud a d’fhéadfadh borradh a chur faoi OTI an Aontais Eorpaigh.

Déanfaidh Ballstáit den Aontas athbhreithniú ar na moltaí ón gCoimisiún chun spriocanna 2030 a bhaint amach agus pléifidh siad an bealach chun cinn leis an gCoimisiún. 

Tuilleadh eolais

Bileog eolais: Staid na Deacáide Digití 2025

Leathanaigh fíricí de réir tíre