Tá clár beartais na Deacáide Digití, lena ngabhann spriocanna agus cuspóirí nithiúla do 2030, ina threoir d’aistriú digiteach na hEorpa:
ScileannaSpeisialtóirí TFC: 20 milliún + cóineasú inscne
Bunscileanna digiteacha: 80% den daonra ar a laghad
Aistriú digiteach gnólachtaíGlacadh teicneolaíochta: 75% de chuideachtaí an Aontais ag baint úsáid as an Néal, as Intleacht Saorga nó as Olltiomsú Sonraí
Nuálaithe: dlús a chur le cuideachtaí atá i mbun fáis agus maoiniú chun EU Unicorns a mhéadú faoi dhó
Cuideachtaí a bhí déanach lena nglacadh: bunleibhéal déine digití ar a laghad bainte amach ag níos mó ná 90% de FBManna
Bonneagair dhigiteacha shlána agus inbhuanaitheNascacht: Gigighiotán do chách
Leathsheoltóirí úrscothacha: sciar an Aontais sa táirgeadh domhanda a mhéadú faoi dhó
Sonraí Edge agus Néil: 10,000 nód edge ar ardchaighdeán slándála atá aeráidneodrach
Ríomhaireacht: an chéad ríomhaire le luasghéarú candamach
Seirbhísí poiblí a dhigitiúPríomhsheirbhísí Poiblí: 100% ar líne
Ríomhshláinte: Tá rochtain ag 100% de na saoránaigh ar thaifid leighis
Céannacht Dhigiteach: Tá rochtain ag 100% de na saoránaigh ar aitheantas digiteach
An Bealach chuig na Deich mBliana Digiteacha
Le clár beartais 2030 na Deacáide Digití, bunaítear timthriall bliantúil comhair chun na cuspóirí agus na spriocanna coiteanna a bhaint amach. Is ar shásra bliantúil comhair, a mbeidh an Coimisiún agus na Ballstáit páirteach ann, atá an creat rialachais sin bunaithe.
Tá an méid seo a leanas sa sásra comhair:
- córas monatóireachta struchtúrtha trédhearcach comhroinnte atá bunaithe ar an Innéacs um an nGeilleagar Digiteach agus an tSochaí Dhigiteach (DESI) chun an dul chun cinn i dtreo gach ceann de spriocanna 2030 a thomhas
- tuarascáil bhliantúil ina ndéanann an Coimisiún measúnú ar an dul chun cinn agus ina dtugann sé moltaí i dtaca le gníomhaíochtaí. Foilsíodh an dara ‘Tuarascáil ar Staid na Deacáide Digití‘ i mí Iúil 2024
- gach dhá bhliain, treochláir straitéiseacha choigeartaithe maidir leis an Deacáid Dhigiteach ina n-achoimreoidh na Ballstáit na beartais a glacadh nó atá beartaithe chun spriocanna 2030 a bhaint amach
- sásra chun tacú le tionscadail ilnáisiúnta a chur chun feidhme, Cuibhreannas don Bhonneagar Digiteach Eorpach
Tá conairí ar leibhéal an Aontais forbartha ag an gCoimisiún. Leagtar amach sna conairí bonnlíne an dóigh a rachaidh an tAontas chun cinn de réir na dtreochtaí reatha, agus leagtar amach sna conairí réamh-mheasta an bealach ar cheart dul chun cinn bliantúil a dhéanamh chun na spriocanna a bhaint amach faoi 2030. Leis an difríocht idir na treochtaí measta agus an bealach idéalach, beidh an Coimisiún in ann monatóireacht a dhéanamh ar an mbearna san iarracht is gá.
Déanfaidh an Coimisiún athbhreithniú ar na spriocanna faoi 2026 chun forbairtí teicneolaíocha, eacnamaíocha agus sochaíocha a chur san áireamh.
Tionscadail ilnáisiúnta
Chun na spriocanna agus na cuspóirí digiteacha a bhaint amach, cuirfidh an Coimisiún Eorpach dlús le tionscadail ilnáisiúnta mhórscála a sheoladh agus a éascú, ar tionscadail iad nach mbeadh aon Bhallstát aonair in ann a fhorbairt as féin.
D’fhéadfadh na tionscadail sin na nithe seo a leanas a dhéanamh:
- infheistíochtaí a chomhcheangal ó bhuiséad an Aontais, ón tSaoráid Téarnaimh agus Athléimneachta san áireamh, ó na Ballstáit agus ón earnáil phríobháideach
- aghaidh a thabhairt ar na bearnaí in inniúlachtaí criticiúla an Aontais a sainaithníodh
- tacú le Margadh Aonair Digiteach atá idirnasctha idir-inoibritheach agus slán
Tá réamhliosta de thionscadail ilnáisiúnta sainaitheanta ag an gCoimisiún cheana féin. I measc na réimsí a chumhdaítear sa liosta sin tá an bonneagar sonraí, próiseálaithe ísealchumhachta, an chumarsáid 5G, an ríomhaireacht ardfheidhmíochta, an chumarsáid chandamach shlán, an riarachán poiblí, blocshlabhra, moil nuálaíochta digití, scileanna digiteacha agus an chibearshlándáil.
Foilsíodh an dara tuarascáil ar stádas na dtionscadal iltíre i mí Iúil 2024.
Cearta digiteacha agus prionsabail dhigiteacha
An 15 Nollaig 2022 shínigh Uachtarán an Choimisiúin Eorpaigh, Ursula von der Leyen, an Dearbhú Eorpach maidir le Cearta Digiteacha agus Prionsabail Dhigiteacha, in éineacht le hUachtarán Pharlaimint na hEorpa, Roberta Metsola, agus Príomh-Aire na Seicia, Petr Fiala thar ceann uachtaránacht rothlach na Comhairle.
Sa Dearbhú a chuir an Coimisiún chun cinn i mí Eanáir 2022, cuirtear i láthair tiomantas an Aontais d’aistriú digiteach atá slán sábháilte inbhuanaithe lena gcuirtear daoine ina chroílár, i gcomhréir le croíluachanna agus cearta bunúsacha an Aontais.
Tús áite do dhaoineLe teicneolaíochtaí digiteacha, ba cheart cearta daoine a chosaint, tacaíocht a thabhairt don daonlathas, agus a chinntiú go ngníomhóidh gach gníomhaí digiteach ar bhealach freagrach sábháilte. Cuireann an tAontas Eorpach na luachanna sin chun cinn ar fud an domhain.
Saoirse roghaBa cheart daoine a bheith in ann leas a bhaint as timpeallacht chothrom ar líne, a bheith sábháilte ó ábhar neamhdhleathach agus díobhálach, agus iad a chumhachtú ar idirghníomhú dóibh le teicneolaíochtaí nua atá ag teacht chun cinn, ar nós na hintleachta saorga.
Sábháilteacht agus slándáilBa cheart an timpeallacht dhigiteach a bheith sábháilte agus slán. Ba cheart gach úsáideoir, ón óige go dtí an tseanaois, a chumhachtú agus a chosaint.
Dlúthpháirtíocht agus cuimsiúBa cheart an teicneolaíocht a bheith ina háis chun daoine a thabhairt le chéile, seachas iad a dheighilt óna chéile. Ba cheart teacht a bheith ag cách ar an idirlíon, ar scileanna digiteacha, ar sheirbhísí poiblí digiteacha agus ar dhálaí córa oibre.
RannpháirtíochtBa cheart do shaoránaigh a bheith in ann páirt a ghlacadh sa phróiseas daonlathach ar gach leibhéal, agus smacht a bheith acu ar a gcuid sonraí féin.
InbhuanaitheachtBa cheart do ghléasanna digiteacha tacú leis an inbhuanaitheacht agus leis an aistriú glas. Is gá daoine a chur ar an eolas faoin tionchar a imríonn a gcuid gaireas ar an gcomhshaol agus faoin ídiú fuinnimh a bhíonn i gceist leo.
Na cearta digiteacha agus na prionsabail dhigiteacha ar a dtugtar cur síos sa Dearbhú, déanfaidh siad comhlánú ar na cearta atá ann cheana, cuir i gcás na cinn atá fréamhaithe sa Chairt um Chearta Bunúsacha an Aontais, i gcearta cosanta sonraí agus sa reachtaíocht maidir le príobháideachas. Soláthróidh siad creat tagartha do shaoránaigh maidir lena gcearta digiteacha chomh maith le treoir do na Ballstáit agus do chuideachtaí agus iad ag plé le teicneolaíochtaí nua. Tá sé beartaithe go gcuideodh siad le gach duine san Aontas an tairbhe is mó a bhaint as an aistriú digiteach.
Tá an dara measúnú ar chur i bhfeidhm na bprionsabal digiteach curtha ar fáil i dTuarascáil 2024 ar Staid na Deacáide Digití.
Tá an Coimisiún ag reáchtáil suirbhé bliantúil Eorabharaiméadair freisin chun monatóireacht a dhéanamh ar na bearta leantacha sna Ballstáit. Foilsíodh an dara shuirbhé Eorabharaiméadair den chineál sin i mí Iúil 2024.