Fócas ar an dlúthpháirtíocht agus ar an gcothroime le linn Sheachtain Eorpach na hÓige

Beidh Seachtain Eorpach na hÓige 2026 ar siúl ón 24 Aibreán go dtí an 1 Bealtaine 2026. Beidh eagrán na bliana seo dírithe ar an dlúthpháirtíocht agus ar an gcothroime agus ceiliúradh á dhéanamh againn ar 30 bliain d’obair dheonach san Eoraip. Mar chuid de thaispeántas, cuirfear Eorpaigh i láthair a bhfuil difríocht shuntasach déanta acu sa tsochaí. 

Eagraíonn an Coimisiún Seachtain Eorpach na hÓige gach 2 bhliain chun tiomantas, rannpháirtíocht agus saoránacht ghníomhach na hóige a cheiliúradh agus a chur chun cinn san Eoraip agus níos faide i gcéin. Cuirfear tús leis an tseachtain sa Bhruiséil le himeacht atá á chomheagrú ag an gCoimisiún Eorpach agus ag Parlaimint na hEorpa. Beidh deis ag os cionn 1,000 rannpháirtí smaointe agus tuairimí a mhalartú le linn lá iomlán gníomhaíochtaí. 

I rith na seachtaine, beidh réimse leathan imeachtaí, pléití agus gníomhaíochtaí ar siúl ar fud na hEorpa lena dtabharfar le chéile daoine óga, páirtithe leasmhara agus lucht déanta cinntiú chun príomhábhair a chíoradh agus chun peirspictíochtaí a roinnt.

Príomhthosaíocht ag an gCoimisiún fós is ea tacú le daoine óga, agus cuireann tionscnaimh éagsúla de chuid an Aontais deiseanna maoinithe ar fáil do dhaoine óga, cuir i gcás malartuithe ógra, obair dheonach, staidéar, obair, taisteal, nó rannpháirtíocht i bpróisis dhaonlathacha san Aontas.

Tuilleadh eolais

Tairseach Eorpach na hÓige