Íoslaghdú a dhéanamh ar na rioscaí ar líne do leanaí agus daoine óga

Níl teorainn leis na deiseanna atá ar fáil do dhaoine ar líne chun níos mó a fhoghlaim, an chruthaitheacht a shaothrú agus cumarsáid a dhéanamh. Tá go leor rioscaí ag baint leis an saol ar líne freisin, go háirithe do leanaí agus do dhaoine óga. Chun na rioscaí sin a íoslaghdú, tá treoirlínte curtha i láthair ag an gCoimisiún maidir le mionaoisigh a chosaint, chomh maith le leagan fréamhshamhla d’aip fíorúcháin aoise. 

Cinnteoidh na treoirlínte nua go mbeidh ardleibhéil phríobháideachais, sábháilteachta agus slándála ann do leanaí ar ardáin ar líne. Ina measc beidh moltaí chun aghaidh a thabhairt ar an méid seo a leanas: 

• íoslaghdú a dhéanamh ar nochtadh do chleachtais a spreagann iompraíocht andúile
• an chibearbhulaíocht
• ábhar díobhálach
• teagmháil ó strainséirí nach bhfuil ag teastáil 

Thairis sin, beidh ar ardáin a chinntiú go bhfuil na bearta a dhéanann siad iomchuí, ach ní hamháin sin ach nach gcuireann siad srian díréireach ná míchuí ar chearta leanaí. 

Ar an taobh eile, ní hamháin go bhfuil an fhréamhshamhail den aip fíorúcháin aoise furasta a úsáid, ach is é is aidhm don aip an caighdeán is airde a leagan síos chun an príobháideachas a chosaint a mhéid a bhaineann le d’aois ar líne a chruthú. Beifear in ann a chruthú go héasca go bhfuil duine os cionn 18 mbliana d’aois, agus smacht iomlán a bheith aige ar aon eolas pearsanta eile, cuir i gcás a aois bheacht nó a chéannacht. Ní bheadh duine ar bith in ann an t-ábhar a bhfuil úsáideoirí ag breathnú air a rianú, a fheiceáil ná a athchruthú. Tá sé beartaithe an aip sin a thástáil agus a shaincheapadh a thuilleadh i gcomhar le tíortha an Aontais, le hardáin ar líne agus le húsáideoirí deiridh.  

Leis an treoirphlean maidir le fíorú aoise, leagtar síos an bhunobair le haghaidh cur in úsáid níos leithne seirbhísí aois-oiriúnacha amach anseo agus tá sé bunaithe ar na sonraíochtaí teicniúla céanna leis na Tiachóga Eorpacha Céannachta Digití (eID) atá le cur i bhfeidhm roimh dheireadh 2026. 

Tuilleadh eolais 

Preaseisiúint – Treoirlínte agus fréamhshamhail d’aip fíorúcháin aoise curtha i láthair ag an gCoimisiún, le haghaidh spás níos sábháilte ar líne do leanaí 

Tuilleadh eolais faoi na Treoirlínte maidir le Mionaoisigh a Chosaint  

Tuilleadh eolais faoin treoirphlean maidir le fíorú aoise