Agus tú ag ullmhú do laethanta teo an tsamhraidh amach romhainn, beidh áthas ort a fháil amach gur chomhlíon formhór mór na láithreacha uisce snámha san Eoraip - 85.4% - na caighdeáin cáilíochta snámha ‘sármhaith’ is déine an Aontais in 2023. Sin de réir na tuarascála bliantúla maidir le hUisce Snámha a d’fhoilsigh an Ghníomhaireacht Eorpach Comhshaoil inniu in éineacht leis an gCoimisiún.
Trí mhonatóireacht a dhéanamh ar bhaictéir a d'fhéadfadh a bheith ina gcúis le breoiteacht thromchúiseach i ndaoine, díríonn an tuarascáil ar shábháilteacht le haghaidh snámha seachas ar cháilíocht uisce i gcoitinne. Cé gur chomhlíon formhór mór na n-uiscí snámha na caighdeáin cáilíochta snámha is airde, chomhlíon beagnach gach ceann acu a sainaithníodh go hoifigiúil - 96 % - na híoschaighdeáin cháilíochta ar a laghad. Ní raibh ach 1.5% díobh ‘dona’ - 321 as an 22,081 láthair snámha - rud a chiallaíonn go bhfuarthas amach go raibh rioscaí sláinte ag baint leo do shnámhaithe.
Mar sin féin, cé go bhfuil dea-bhail ar fhormhór uiscí snámha na hEorpa ó thaobh na baictéareolaíochta de, tá truailliú uisce dromchla agus screamhuisce suntasach i gcónaí agus, i ngeall ar an athrú aeráide, d’fhéadfaidís dul in olcas. Beidh sé ríthábhachtach feabhas a chur ar athléimneacht uisce do dhaoine agus don chomhshaol sna blianta amach romhainn.
Chuidigh an Treoir maidir le hUisce Snámha le feabhas a chur ar cháilíocht uisce ó tugadh isteach í in 2006, agus tá sí ar cheann de roinnt píosaí de dhlí an Aontais lena gcosnaítear uisce. Is é is aidhm do reachtaíocht uisce an Aontais a chinntiú go mbeidh rochtain ag gach Eorpach ar uisce leordhóthanach ar ardchaighdeán, agus dea-stádas na ndobharlach uile ar fud na hEorpa a ráthú. Is í an Treoir Réime maidir le hUisce an chuid lárnach den togra agus, ó 2000 i leith, is í an príomhdhlí maidir le cosaint uisce san Aontas í.
Tuilleadh eolais
Rialacha an Aontais maidir le cáilíocht an uisce snámha
Rialacha an Aontais maidir le huisce
Preaseisiúint: Uiscí snámha na hEorpa sábháilte i gcónaí
An Ghníomhaireacht Eorpach Comhshaoil: Cáilíocht an uisce snámha
- Dáta foilsithe
- 28 Bealtaine 2024
- Údar
- Ard-Stiúrthóireacht na Cumarsáide
An nuacht ghaolmhar
EU rules that update the lists of pollutants in surface and groundwaters have entered into force, aiming to improve water resilience and reduce pollution.
Léigh faoi thuarascálacha nua ar staid dhobharlaigh an Aontais, faoi reachtaíocht chun uiscí an Aontais a chosaint agus faoi mholtaí an Aontais do na Ballstáit
Foghlaim faoi fheachtas an Aontais agus glac páirt ann chun tuiscint a fháil ar an gcúis a bhfuil córais uisce na hEorpa briste agus ar na réitigh a dhéanfaidh athrú ó bhonn ar an gcaoi a mbainistítear iad
Evaluation of EU legislation on urban waste water treatment finds that it is fit for purpose but its effectiveness could be improved