Tá réamhaisnéis eacnamaíoch Earrach 2025 foilsithe ag an gCoimisiún Eorpach, rud a léiríonn gur láidre geilleagar an Aontais ag tús na bliana ná mar a bhíothas ag súil leis. Táthar ag tuar go leanfaidh sé de bheith ag fás go mall in 2025, agus meastar go dtiocfaidh méadú ar an bhfás in 2026.
Príomh-réamh-mheastacháin
- Táthar ag tuar go méadóidh an fíor-OTI
- 0.9% in 2025 agus 1.4% in 2026 sa limistéar euro
- 1.1% in 2025 agus 1.5% in 2026 san Aontas
- Meastar go laghdóidh an boilsciú
- ó 2.4% in 2024 go 2.1% in 2025 agus 1.7% in 2026 sa limistéar euro
- ó leibhéal beagán níos airde in 2024 go beagán faoi bhun 2% in 2026 san Aontas
- mar gheall ar an moilliú ar an trádáil dhomhanda, meastar nach dtiocfaidh ach méadú 0.7% ar easpórtálacha an Aontais i mbliana, ach géaróidh siad go 2.1% in 2026
- tá margadh an tsaothair fós láidir – cruthaíodh 1.7 milliún post nua i ngeilleagar an Aontais in 2024, an líon is airde riamh, agus táthar ag tuar go gcruthófar 2 mhilliún post eile anuas air sin
- Meastar go dtitfidh an ráta dífhostaíochta go 5.7% in 2026, an ráta is ísle riamh.
- tiocfaidh moilliú ar an bhfás pá ainmniúil in 2025 agus 2026; mar sin féin, leanfaidh na hoibrithe de thairbhe a bhaint as méaduithe ar an bhfíorphá. Meastar freisin go n-aisghabhfaidh siad an chumhacht cheannaigh a cailleadh le blianta beaga anuas mar gheall ar an mboilsciú
- Táthar ag tuar go dtiocfaidh méadú beag ar easnamh rialtais ghinearálta an Aontais ó 3.2% in 2024 go 3.3% in 2025 agus go bhfanfaidh sé ar an leibhéal sin in 2026
D’fhéadfadh rioscaí neamhfhabhracha a bheith ann don fhás i ngeall ar éiginnteacht mhéadaithe ó theannas trádála domhanda agus ó thubaistí a bhaineann leis an aeráid. Mar sin féin, d’fhéadfaí tacú le fás agus athléimneacht gheilleagar an Aontais ach teannas trádála idir an tAontas agus na Stáit Aontaithe a mhaolú, trádáil a leathnú, méadú a dhéanamh ar chaiteachas ar an gcosaint, agus athchóirithe a dhéanamh chun borradh a chur faoin iomaíochas.
Meastar go gcuirfear an chéad réamhaisnéis eile i láthair i mí na Samhna 2025.
Tuilleadh eolais
Preaseisiúint: Réamhaisnéis gheilleagrach an earraigh 2025
- Dáta foilsithe
- 19 Bealtaine 2025
- Údar
- Ard-Stiúrthóireacht na Cumarsáide