Tuarascálacha maidir le méadú 2024: An dul chun cinn agus na tosaíochtaí do na tíortha is iarrthóirí leagtha amach ag an gCoimisiún

Tá tuarascálacha 2024 maidir le méadú, ina dtugtar measúnú mionsonraithe ar staid na himeartha agus ar an dul chun cinn atá déanta ag na tíortha atá ag iarraidh teacht isteach san Aontas Eorpach, glactha ag an gCoimisiún. Tugtar treoir sna tuarascálacha freisin maidir leis na príomhthosaíochtaí athchóiriúcháin do gach tír.

Cumhdaítear na tíortha seo a leanas sna tuarascálacha:

an tSeoirsia
an Mholdóiv
an Tuirc
an Úcráin
na Balcáin Thiar (an Albáin, an Bhoisnia agus an Heirseagaivéin, an Chosaiv, Montainéagró, an Mhacadóin Thuaidh agus an tSeirbia)

Cuireadh dlús nua le próiseas an mhéadaithe le linn 2023 agus 2024 agus rinne roinnt tíortha is iarrthóirí dul chun cinn ar a gconairí faoi seach i dtreo aontachas leis an Aontas. Mar sin féin, ní mór do thíortha díriú ar dhlús a chur le hathchóirithe struchtúracha chun fás inbhuanaithe a chumasú agus dul chun cinn a dhéanamh i dtaca leis na critéir eacnamaíocha le haghaidh ballraíocht san Aontas a chomhlíonadh. Is éard atá i gceist leis sin geilleagair mhargaidh fheidhmiúla a chinntiú agus a léiriú gur féidir leo brúnna iomaíocha mhargadh an Aontais a sheasamh. Ina theannta sin, ba cheart a mbeartais eacnamaíocha a bheith ag teacht le spriocanna an aistrithe ghlais agus an aistrithe dhigitigh.

Is ar fhiúntas atá próiseas an mhéadaithe bunaithe agus braitheann sé ar an dul chun cinn atá déanta ag gach ceann de na comhpháirtithe. Ní mór dóibh athchóirithe do-aisiompaithe a chur chun feidhme i ngach réimse de dhlí an Aontais, agus béim ar leith á leagan ar bhunphrionsabail phróiseas an mhéadaithe. Tacaíonn an tAontas le tíortha an mhéadaithe trí ionstraimí agus uirlisí maoiniúcháin. Sa bhreis ar an bPlean Eacnamaíoch agus Infheistíochta, is é is aidhm don tSaoráid Athchóirithe agus Fáis do na Balcáin Thiar ar fiú €6 bhilliún í agus do Shaoráid na hÚcráine ar fiú €50 billiún í cuid de na tairbhí a bhaineann le rochtain ar an margadh aonair a thabhairt chun cinn sula dtagann siad isteach san Aontas. Ar an gcaoi chéanna, leis an bPlean Fáis €1.8 billiún don Mholdóiv le déanaí, tacófar lena hathchóirithe socheacnamaíocha agus cuirfear borradh faoin infheistíocht.

Tuilleadh eolais

Preaseisiúint: Pacáiste um Méadú 2024 glactha ag an gCoimisiún

Teachtaireacht 2024 maidir le Beartas an Aontais um Méadú

An chaoi a n-oibríonn an méadú

Bileog Eolais maidir le próiseas aontachais an Aontais

Pacáiste Eacnamaíoch agus Infheistíochta le haghaidh na mBalcán Thiar

Plean Fáis nua do na Balcáin Thiar

An tSaoráid don Úcráin

Plean Fáis don Mholdóiv

An Albáin: Tuarascáil; Bileog eolais de réir tíre

An Bhoisnia agus an Heirseagaivéin:  Tuarascáil; Bileog eolais de réir tíre

An Chosaiv:  Tuarascáil; Bileog eolais de réir tíre