Cur chuige cuimsitheach i leith na meabhairshláinte

Roimh phaindéim COVID-19, bhí duine as gach seisear san Aontas thíos le fadhbanna meabhairshláinte. Tá an staid sin tar éis dul in olcas de bharr na ngéarchéimeanna nach bhfacthas a leithéid riamh roimhe seo leis na blianta beaga anuas. Tá brú breise ar an meabhairshláinte de dheasca na paindéime, go háirithe i measc daoine óga agus ina measc siúd a bhfuil fadhbanna meabhairshláinte acu cheana féin.

Chun dul i ngleic leis an ngéarchéim seo, tá an mheabhairshláinte á cur ag an gCoimisiún Eorpach ar aon dul leis an tsláinte choirp trí 20 tionscnamh suaitheanta a thabhairt isteach chomh maith le maoiniú €1.23 billiún ó ionstraimí airgeadais éagsúla.

46%

Líon na saoránach den Aontas a raibh fadhb mhothúchánach nó shíceasóisialta acu sna 12 mhí dheireanacha

89%

Líon na saoránach den Aontas a aontaíonn go bhfuil cur chun cinn na meabhairshláinte chomh tábhachtach céanna le cur chun cinn na sláinte fisicí

25%

Líon na saoránach den Aontas a thuairiscíonn go raibh fadhb acu féin nó ag duine muinteartha agus iad ag iarraidh seirbhísí meabhairshláinte a rochtain

^Foinse:^{Flais-Eorabharaiméadar maidir leis an meabhairshláinte}^{a foilsíodh an 9 Deireadh Fómhair 2023}

Cén fáth ar cheart don Aontas gníomhú i leith na meabhairshláinte?

Le linn Sheachtain Eorpach na Meabhairshláinte i mí na Bealtaine 2023, d’iarramar ar shaoránaigh an Aontais cén fáth ar cheart don Aontas gníomhú i leith na meabhairshláinte. Seo an méid a dúirt siad linn.

‘Sláinte phoiblí is ea an mheabhairshláinte. Is ceart atá ann. Ní mór dúinn í a chosaint ar mhaithe le folláine shaoránaigh uile an Aontais agus ar mhaithe le folláine an Aontais féin.’
Georgia Michailidou Tazoglou, an Ghréig
‘Ós rud é nach féidir linn maireachtáil agus ár ndícheall a dhéanamh ach amháin nuair a bhímid go maith, go fisiciúil agus go meabhrach.’
Nicola Unterecker, an Ghearmáin
‘Pobail atá sláintiúil ó thaobh na hintinne de, bíonn siad ríthábhachtach d’fholláine an duine agus do shochaithe faoi bhláth.’
Catalina Maria Popoviciu, an Rómáin

Na trí threoirphrionsabal

Loving husband hugging wife in park, retired couple looking at sunset together — © Synthex🇺🇦 - stock.adobe.com

Tá tionchar mór ag athruithe tapa teicneolaíocha, comhshaoil agus sochaíocha ar chumas roinnt daoine cúrsaí an tsaoil a láimhseáil. Dá réir sin, glacfaidh an tAontas cur chuige iomlánaíoch i leith na meabhairshláinte, bunaithe ar na treoirphrionsabail

cosc leordhóthanach éifeachtach
rochtain ar chúram sláinte agus cóireáil mheabhairshláinte ar ardchaighdeán agus ar phraghas réasúnta
ath-imeascadh sa tsochaí tar éis téarnaimh

Cad iad na rudaí nithiúla atáimid a dhéanamh?

Is tosca éagsúla a théann i bhfeidhm ar mheabhairshláinte daoine agus ní mór breathnú orthu ó gach réimse beartais. Dá bhrí sin, beidh raon feidhme leathan ag cur chuige an Aontais. Beidh iarrachtaí san áireamh ann chun an méid seo a leanas a dhéanamh:

An mheabhairshláinte a chomhtháthú i mbeartais éagsúla
An Tionscnamh Eorpach chun Acmhainneachtaí Meabhairshláinte a fhothú
An dea-mheabhairshláinte a chur chun cinn, cosc agus idirghabháil luath i leith fadhbanna meabhairshláinte
An Tionscnamh Eorpach um Dhúlagar agus Féinmharú a chosc
An tionscnamh ‘Níos Sláintiúla le Chéile’ – snáithe na meabhairshláinte a neartú
Geata rochtana do dhaoine a bhfuil fadhbanna meabhairshláinte acu
An Cód Eorpach um Meabhairshláinte
Éiceachóras comhpháirteach a fhorbairt le haghaidh taighde inchinne
Borradh a chur faoi mheabhairshláinte leanaí agus daoine óga
Líonra meabhairshláinte leanaí agus na hóige
‘Sláinte Leanaí 360: sraith uirlisí um chosc’
Youth First Flagship
An tionscnamh ‘Scagthástálacha sláintiúla, óige shláintiúil’
Cabhrú leo siúd is mó atá i ngátar
Íospartaigh na coireachta a chosaint
Misean ailse: ardán do dhaoine óga a tháinig slán ón ailse
Dul i ngleic le rioscaí síceasóisialta ag an obair
Tionscnamh ar leibhéal an Aontais maidir leis na rioscaí síceasóisialta
Feachtais an Aontais don ionad oibre
Córais mheabhairshláinte a threisiú agus feabhas a chur ar rochtain ar chóireáil agus ar chúram
Tionscnamh chun go mbeidh níos mó gairmithe san Aontas a mbeidh oiliúint níos fearr orthu
Tacaíocht theicniúil d’athchóirithe meabhairshláinte i roinnt earnálacha
Sonraí a bhailiú maidir leis an meabhairshláinte
Stiogma a bhriseadh
Stiogma agus idirdhealú a chomhrac
An mheabhairshláinte a chothú ar fud an domhain
Tacaíocht mheabhairshláinte do dhaoine easáitithe na hÚcráine agus dóibh siúd atá thíos leis an staid sa tír
Tacú le scaipeadh an Phacáiste Seirbhíse Íosta den Bhuanchoiste Idir-Ghníomhaireachta maidir le Tacaíocht Meabhairshláinte agus Síceasóisialta (MHPSS)