Il-kuntest Huwa stmat li, mill-bidu tal-invażjoni fuq skala sħiħa tal-Ukrajna mir-Russja fl-2022 ’l hawn, 20,000 tifel u tifla Ukreni ġew deportati illegalment u ttrasferiti kontra r-rieda tagħhom lejn ir-Russja u t-territorji okkupati temporanjament. Bosta minnhom ġew imġegħlin jibdlu l-identità tagħhom, tpoġġew għall-adozzjoni, u ngħataw iċ-ċittadinanza tal-aggressur. Minkejja l-isforzi internazzjonali, s’issa ntbagħtu lura lejn l-Ukrajna biss ftit aktar minn 2,100 tifel u tifla. Id-destin ta’ għexieren ta’ eluf ta’ tfal Ukreni oħrajn mhuwiex magħruf: għadhom maqbudin, mheddin, u mġegħlin jiċħdu l-identitajiet tagħhom. L-Unjoni Ewropea hija impenjata li tiżgura li kull tifel u tifla Ukreni li ttieħdu illegalment mir-Russja jirritornaw lejn pajjiżhom. Tagħrif dwar il-laqgħa ta’ livell għoli Kif tħabbar mill-President von der Leyen fid-Diskors dwar l-Istat tal-Unjoni tal-2025, ir-rappreżentanti tal-Unjoni Ewropea, tal-Ukrajna, tal-Kanada, u tas-sħab internazzjonali se jiltaqgħu fil-11 ta’ Mejju 2026, fi Brussell, għal-laqgħa ta’ livell għoli tal-Koalizzjoni Internazzjonali għar-Ritorn tat-Tfal Ukreni.Il-laqgħa se tiffoka fuq:li nieħdu azzjonijiet konkreti biex jiġi żgurat ir-ritorn ta’ dawn it-tfalli ngħinuhom jirkupraw u jibnu ħajjithom mill-ġdidli r-Russja tinżamm responsabbli għall-atti faħxin tagħha. Min se jieħu sehem? Fil-laqgħa se jipparteċipaw: ir-Rappreżentant Għoli tal-UE u Viċi President tal-Kummissjoni Ewropea, Kaja Kallas, il-Kummissarju Ewropew għat-Tkabbir, Marta Kos, il-Ministru għall-Affarijiet Barranin tal-Ukrajna, Andrii Sybiha, u l-Ministru tal-Affarijiet Barranin Kanadiża, Anita Anandministri u uffiċjali għoljin mill-pajjiżi tal-koalizzjoni, rappreżentanti tal-istituzzjonijiet tal-UE, u l-awtoritajiet Ukrenisħab u organizzazzjonijiet internazzjonali li qed jagħtu appoġġ b’mod attiv lit-tfal tal-Ukrajna L-għanijiet tal-laqgħa ta’ livell għoli Il-laqgħa għandha l-għan li ssaħħaħ l-isforzi internazzjonali u tkompli tagħmel pressjoni fuq ir-Russja biex jiġi żgurat li t-tfal affettwati kollha jirritornaw qawwijin u sħaħ.Hemm ippjanati ħames azzjonijiet ewlenin: Il-verifikazzjoni u l-immonitorjar tas-sitwazzjoniIl-bini ta’ sistemi biex, permezz ta’ kooperazzjoni internazzjonali, jiġu vverifikati u mmonitorjati każijiet ta’ tfal li ġew deportati illegalment jew trasferiti bil-forza.Li r-Russja tinżamm responsabbli għall-azzjonijiet tagħhaAppoġġ lill-Ukrajna fl-investigazzjoni u t-tiftix ta’ dawk responsabbli għall-indottrinazzjoni u l-militarizzazzjoni tat-tfal Ukreni.L-impożizzjoni ta’ aktar sanzjonijiet fuq ir-RussjaL-introduzzjoni ta’ sanzjonijiet ġodda tal-UE b’rabta mat-tfal deportati u trasferiti bil-forza.Ir-ritorn u r-riintegrazzjoni tat-tfalL-għoti ta’ sostenn għar-ritorn u r-riintegrazzjoni tat-tfal, inkluż permezz tar-riforma tas-sistemi tal-ħarsien u t-tisħiħ tas-servizzi tal-familja.Il-mobilizzazzjoni tal-azzjoni globaliNibnu fuq ir-riżoluzzjoni tan-NU, appoġġata mill-UE, biex nixprunaw il-momentum u nsaħħu s-sħubijiet ma’ pajjiżi terzi Lura d-dar: Ġrajjet Sasha Sasha kellu biss 11-il sena meta attakkaw ir-Russi. Hu u ommu fittxew rifuġju f’kantina fil-belt ta’ Mariupol, fejn joqogħdu. Is-suldati Russi attakkaw il-belt u ħadu lil Sasha mingħand ommu. Qalulu li kien se jkollu omm Russa, passaport Russu, u isem Russu. Bagħtuh fil-belt okkupata ta’ Donetsk. Iżda Sasha ma qatax qalbu. F’waqfa li għamlu tul it-triqtu, talab lili xi ħadd isellfu l-mowbajl. Ċempel lil nanntu, Liudmyla, li kienet qiegħda tgħix f’żona ħielsa fl-Ukrajna. Liudmyla għamlet minn kollox biex iġġibu lura. Bl-għajnuna tal-gvern Ukren, ivvjaġġat lejn il-Polonja, il-Litwanja, il-Latvja, ir-Russja, u fl-aħħar nett lejn il-parti okkupata tal-Ukrajna. Lil Sasha ġabitu lura. Hemm ħafna aktar tfal Ukreni li għadhom taħt il-kontroll Russu. Irridu nagħmlu dak kollu li nistgħu biex inġibuhom lura d-dar. X’diġà għamlet l-UE għat-tfal Ukreni L-appoġġ lit-tfal Ukreni bħala wieħed mill-aktar gruppi vulnerabbli kien u għadu parti ewlenija mill-assistenza tal-UE lill-Ukrajna, u jinkludi €100 miljun iddedikati biex isostnu l-aċċess sikur għall-edukazzjonigħotja ta’ aktar minn 380 xarabank tal-iskolakonsenja ta’ 1.5 miljun ktieb tal-iskola €65 miljun ipprovduti għall-ikliet fl-iskejjel Fl-Istati Membri tal-UE, permezz tas-sħab tas-soċjetà ċivili u l-aġenziji tan-NU, l-UE qed tiffinanzja wkoll proġetti li huma ta’ benefiċċju għat-tfal refuġjati Ukreni. Dawn il-proġetti jippromwovu l-inklużjoni soċjali, l-edukazzjoni, u s-saħħa mentali.L-UE imponiet sanzjonijiet ħorox fuq aktar minn 60 individwu li huma kompliċi fid-deportazzjoni furzata, it-trasferiment, l-indottrinazzjoni, u r-riedukazzjoni tat-tfal Ukreni.L-UE pprovdiet €12-il miljun permezz tal-UNICEF għar-riforma “Better Care” li għandha l-għan li tiddeistituzzjonalizza l-ħarsien tat-tfal, tistabbilixxi soluzzjonijiet ta’ ħarsien ibbażati fil-familja u fil-komunità, u li jkun hemm aċċess għall-ħarsien tat-tfal li jkun orjentat fuq il-bażi tat-trawma. Links relatati L-appoġġ umanitarju tal-UE lill-UkrajnaXarabanks tal-iskola għall-UkrajnaBring Kids BackSkeda informattiva — Is-solidarjetà tal-UE mal-Ukrajna
Kif tħabbar mill-President von der Leyen fid-Diskors dwar l-Istat tal-Unjoni tal-2025, ir-rappreżentanti tal-Unjoni Ewropea, tal-Ukrajna, tal-Kanada, u tas-sħab internazzjonali se jiltaqgħu fil-11 ta’ Mejju 2026, fi Brussell, għal-laqgħa ta’ livell għoli tal-Koalizzjoni Internazzjonali għar-Ritorn tat-Tfal Ukreni.Il-laqgħa se tiffoka fuq:li nieħdu azzjonijiet konkreti biex jiġi żgurat ir-ritorn ta’ dawn it-tfalli ngħinuhom jirkupraw u jibnu ħajjithom mill-ġdidli r-Russja tinżamm responsabbli għall-atti faħxin tagħha.
Il-verifikazzjoni u l-immonitorjar tas-sitwazzjoniIl-bini ta’ sistemi biex, permezz ta’ kooperazzjoni internazzjonali, jiġu vverifikati u mmonitorjati każijiet ta’ tfal li ġew deportati illegalment jew trasferiti bil-forza.
Li r-Russja tinżamm responsabbli għall-azzjonijiet tagħhaAppoġġ lill-Ukrajna fl-investigazzjoni u t-tiftix ta’ dawk responsabbli għall-indottrinazzjoni u l-militarizzazzjoni tat-tfal Ukreni.
L-impożizzjoni ta’ aktar sanzjonijiet fuq ir-RussjaL-introduzzjoni ta’ sanzjonijiet ġodda tal-UE b’rabta mat-tfal deportati u trasferiti bil-forza.
Ir-ritorn u r-riintegrazzjoni tat-tfalL-għoti ta’ sostenn għar-ritorn u r-riintegrazzjoni tat-tfal, inkluż permezz tar-riforma tas-sistemi tal-ħarsien u t-tisħiħ tas-servizzi tal-familja.
Il-mobilizzazzjoni tal-azzjoni globaliNibnu fuq ir-riżoluzzjoni tan-NU, appoġġata mill-UE, biex nixprunaw il-momentum u nsaħħu s-sħubijiet ma’ pajjiżi terzi
Sasha kellu biss 11-il sena meta attakkaw ir-Russi. Hu u ommu fittxew rifuġju f’kantina fil-belt ta’ Mariupol, fejn joqogħdu. Is-suldati Russi attakkaw il-belt u ħadu lil Sasha mingħand ommu. Qalulu li kien se jkollu omm Russa, passaport Russu, u isem Russu. Bagħtuh fil-belt okkupata ta’ Donetsk. Iżda Sasha ma qatax qalbu. F’waqfa li għamlu tul it-triqtu, talab lili xi ħadd isellfu l-mowbajl. Ċempel lil nanntu, Liudmyla, li kienet qiegħda tgħix f’żona ħielsa fl-Ukrajna. Liudmyla għamlet minn kollox biex iġġibu lura. Bl-għajnuna tal-gvern Ukren, ivvjaġġat lejn il-Polonja, il-Litwanja, il-Latvja, ir-Russja, u fl-aħħar nett lejn il-parti okkupata tal-Ukrajna. Lil Sasha ġabitu lura. Hemm ħafna aktar tfal Ukreni li għadhom taħt il-kontroll Russu. Irridu nagħmlu dak kollu li nistgħu biex inġibuhom lura d-dar.
