Mur għall-kontenut ewlieni
Logo tal-Kummissjoni Ewropea
mt
Il-Kummissjoni Ewropea

Kif l-UE tagħtik is-setgħa u tipproteġik online

Kif l-UE tagħtik is-setgħa u tipproteġik online

Internet aktar sikur u ġust għal kulħadd fl-UE

Mill-midja soċjali sax-xiri online, fl-UE għandek aktar kontroll fuq dak li tara online. Dawn il-protezzjonijiet jgħinuk tibbrawżja, tikkonnettja u tagħmel share b’kunfidenza. 

Fil-qalb tal-metodu tal-UE hemm il-protezzjoni tal-konsumatur għall-era diġitali. Ir-regoli tal-UE joħolqu ambjent online aktar sikur u trasparenti. Għalhekk, l-Ewropej għandhom l-informazzjoni sħiħa u kontroll fuq dak li jagħmlu online.

Benefiċċji konkreti

Bis-saħħa tal-Att dwar is-Servizzi Diġitali, l-esperjenza diġitali saret aktar sikura u aktar setgħana. Il-benefiċċji ewlenin huma

  • Ebda riklamar moħbi
    Il-pjattaforma trid turi r-rekwiżit ta’ trasparenza fir-reklamar filwaqt li tiżgura li dan ikun immarkat b’mod ċar, u li tkun disponibbli informazzjoni dwar min qed ipoġġi ir-reklam u għaliex inti qed tarah
  • Inqas scams online
    L-Ewropej għandhom għodod sempliċi biex jintebħu bl-iscams u l-fakes. Il-pjattaformi iridu jipproċessaw it-twissijiet fil-ħin u b’mod diliġenti u jżommu lill-utenti aġġornati. Ikollhom ukoll informazzjoni ċara dwar mingħand min qed jixtru l-oġġetti jew is-servizzi online
  • Spazju online aktar sikur għat-tfal
    it-tfal ma jistgħux jiġu kkuntattjati minn persuni li ma jafux u r-reklamar immirat lejn il-minorenni huwa pprojbit
  • Libertà tal-kelma
    Iċ-ċittadini jistgħu jappellaw id-deċiżjonijiet tal-pjattaformi permezz ta’ mekkaniżmu tal-ilmenti faċli biex jintuża u mingħajr ħlas
  • Tkun int li tikkontrolla dak li tara
    Iċ-ċittadini jistgħu jagħżlu dak li jixtiequ jaraw fuq il-midja soċjali
  • Termini u kundizzjonijiet ċari
    L-utenti jsibu sommarji konċiżi u mhux ambigwi tat-termini u l-kundizzjonijiet tagħhom bil-lingwa lokali tal-UE, sabiex ilkoll kemm aħna nkunu nafu x’qed naċċettaw

Għal aktar tagħrif