Pjan ta’ Investiment għall-Ambjent/Klima

Eżempji ta’ proġetti u attivitajiet appoġġjati

Fond Ginkgo II

Investimenti sabiex jitnaddfu siti danneġġati (“brownfields”) fl-UE. Rimedjazzjoni u riġenerazzjoni tas-siti mniġġsa akkwistati minn sidien pubbliċi u privati, li jużaw tekniki ta’ rimedjazzjoni ambjentalment tajbin, bil-għan finali tal-bejgħ tal-proprjetà pożizzjonata mill-ġdid lil partijiet terzi, biex b’hekk jappoġġjaw it-tiġdid urban u r-riġenerazzjoni.

Fond Capenergie 3

Fond ta’ investiment li jiffoka fuq proġetti ta’ riħ fuq l-art, fotovoltajċi solari, mill-ilma u ta’ tisħin distrettwali. Il-fond se jistabbilixxi sħubiji fit-tul ma’ produtturi indipendenti tal-enerġija Ewropej sabiex jinvestu fi proġetti tal-enerġija rinnovabbli żgħar u ta’ daqs medju fi Franza u madwar l-UE. Dawn in-negozji konġunti se jgħinu lill-produtturi indipendenti u iżgħar tal-enerġija sabiex isaħħu l-pożizzjoni tagħhom fis-suq u jiżviluppaw il-pipelines tal-proġetti tagħhom.