Plean Infheistíochta agus Cistí Struchtúracha: comhlántachtaí

Samplaí de thionscadail agus de ghníomhaíochtaí a fuair tacaíocht

“IF-TRI” in Nord-Pas de Calais (An Fhrainc)

Ardán infheistíochta a chuimsíonn acmhainní ó CSIE, infheisteoirí príobháideacha, Caisse des Dépôts et des Consignations na Fraince, BEI agus tacaíocht ó CEIS. Cuireann an t-ardán maoiniú riosca ar fáil (€1 mhilliún an mheániasacht) do 100 tionscadal ar a laghad a chothaíonn geilleagar ísealcharbóin i Nord-Pas-de-Calais. Chomh maith le maoiniú tá cúnamh teicneolaíochta á thairiscint ag an réigiún a bhuíochas do dheontas suas le €2.5 milliún a fuarthas ó acmhainní CSIE.

EstFund (An Eastóin)

Tá an Ciste seo ceaptha chun infheistíocht luath‑chéime a chur ar fáil a chuirfidh ar chumas FBManna Eastónacha a smaointe gnó a fhorbairt. Beidh €48 milliún ó CFRE á chomhlánú ag € 12 milliún de chómhaoinú ó CEI ó acmhainní a bhfuil tacaíocht acu ó CEIS, agus is ionann sin agus € 60 milliún de chomhacmhainní. De réir mar a oibreoidh Estfund & infheisteoirí príobháideacha le chéile, cuirfear tuairim is € 100 milliún d’infheistíocht chothromais ar fáil d’fhiontair an réigiúin sna blianta atá romhainn.