Pjan ta’ Investiment u Fondi Strutturali: komplementarjetajiet

Eżempji ta’ proġetti u attivitajiet appoġġjati

“IF-TRI” f’Nord-Pas de Calais (Franza)

Proġett li jgħaqqad ir-riżorsi mill-Fondi SIE, investituri privati, il-Caisse des Dépôts et des Consignations ta’ Franza, il-BEI u appoġġ mill-FEIS. Il-pjattaforma tipprovdi finanzjament tar-riskju (b’self individwali ta’ medja ta’ EUR 1 miljun) għal mill-inqas 100 proġett li jrawwem ekonomija b’livell baxx ta’ emissjonijiet tal-karbonju f’Nord-Pas-de-Calais. Minbarra l-finanzjament, ir-reġjun joffri wkoll assistenza teknika grazzi għal għotja ta’ massimu ta’ EUR 2.5 miljun meħuda mir-riżorsi tal-Fond SIE.

EstFund (l-Estonja)

Il-Fond huwa maħsub sabiex jipprovdi investiment fi stadju bikri li jippermetti lill-SMEs Estonjani jiżviluppaw l-ideat tan-negozju tagħhom. EUR 48 miljun mill-Fond Ewropew għall-Iżvilupp Reġjonali se jkunu kkumplimentati minn EUR 12-il miljun koinvestiti mill-FEI minn riżorsi appoġġjati mill-FEIS, li jwasslu għal riżorsi magħquda ta’ EUR 60 miljun.