Ghlac an Coimisiún straitéis nua chun coigilteas a threorú i dtreo infheistíochtaí táirgiúla. Féachann sé le rannpháirtíocht shaoránaigh an Aontais i margaí caipitil a mhéadú le roghanna infheistíochta níos leithne agus litearthacht airgeadais níos fearr, rud lena gcothófar a rachmas agus a chuirfidh borradh faoi gheilleagar an Aontais.
Is mar thaiscí bainc a choinnítear thart ar 70% den choigilteas teaghlaigh san Aontas – rud ar fiú €10 dtrilliún é. Tá taiscí bainc sábháilte agus tá sé éasca rochtain a fháil orthu, ach de ghnáth tuilleann siad níos lú airgid ná infheistíochtaí i margaí caipitil. Is féidir leis an straitéis nua tacú le saoránaigh an Aontais a saibhreas teaghlaigh a chothú agus coigilt ar bhealach níos fearr don todhchaí. A bhuí leis an aontas coigiltis agus infheistíochta, beidh deiseanna níos fearr ag saoránaigh ar mian leo infheistíocht a dhéanamh i margaí caipitil. Ciallaíonn sé sin rochtain éasca shimplí ar chostas íseal ar réimse leathan deiseanna infheistíochta.
Le níos mó infheistíochtaí i margaí caipitil, tacaítear leis an ngeilleagar trí chur ar chumas chuideachtaí an Aontais fás agus rath a bheith orthu. Is féidir leis sin poist níos fearr a chruthú le tuarastail níos airde d’oibrithe, agus infheistíocht agus fás a spreagadh ar fud na n-earnálacha eacnamaíocha uile.
Tá sé d’aidhm ag an Aontas Coigiltis agus Infheistíochta freisin feabhas a chur ar chomhtháthú agus iomaíochas earnáil baincéireachta an Aontais, mar shampla tríd an aontas baincéireachta a dhoimhniú.
Beidh ar institiúidí an Aontais, ar thíortha an Aontais, agus ar na príomhpháirtithe leasmhara uile oibriú le chéile chun an t-aontas coigiltis agus infheistíochta a bhaint amach. Déanfar tuilleadh forbartha ar an straitéis, agus déanfar bearta i réimsí sonracha chun borradh a chur faoin iomaíochas i ngeilleagar an Aontais, ag díriú ar dtús ar na gníomhaíochtaí is mó tionchar in 2025.
Ní mór don Aontas Eorpach leas a bhaint as a acmhainneacht chun a chuspóirí atá nasctha leis an iomaíochas fadtéarmach, an tslándáil agus an t-aistriú glas agus an t-aistriú digiteach a bhaint amach. Trí chóras baincéireachta comhtháite agus margaí caipitil a fhorbairt, is féidir leis an aontas coigiltis agus infheistíochta an bhearna idir riachtanais choigiltis agus infheistíochta a dhúnadh.
Tuilleadh eolais
Preaseisiúint: an t-aontas coigiltis agus infheistíochta
Ceisteanna agus Freagraí: an t-aontas coigiltis agus infheistíochta
- Dáta foilsithe
- 19 Márta 2025
- Údar
- Ard-Stiúrthóireacht na Cumarsáide
An nuacht ghaolmhar
The Commission is advancing the savings and investments union to deliver tangible benefits for all EU citizens. Two new proposals focus on improving financial literacy at all stages of life and introducing a blueprint for an easy and accessible investment tool.