Aip mhóibíleach nua lena n-éascaítear rochtain ar chistiú ón Aontas

Gach bliain, bíonn rochtain ag saoránaigh den Aontas ar níos mó ná €38 mbilliún i ndeiseanna cistiúcháin trí Thairseach ‘Cistiú agus Tairiscintí’ an Aontais. Chun é a dhéanamh níos éasca agus níos soláimhsithe iarratas a dhéanamh ar na cistí sin, seoladh aip mhóibíleach nua ‘Cistiú ón Aontas Eorpach & mise’ an tseachtain seo. 

Oibríonn an aip nua sin mar uirlis chomhlántach don tairseach. Cé go mbeidh ar dhaoine iarratas a dhéanamh fós ar chistiú tríd an tairseach, cinnteoidh sé go mbeidh cistiú ón Aontas níos inrochtana agus go mbeidh sé níos éasca d’úsáideoirí teacht ar dheiseanna cistiúcháin. Cuideoidh sé freisin leis na 2 mhilliún úsáideoir cláraithe agus níos mó ná 300,000 cuairteoir in aghaidh na seachtaine rochtain dhíreach a fháil ar a dtionscadail óna ngléasanna móibíleacha agus táibléid.

Tá an aip le fáil ar Android agus ar iOS araon, agus ráthaíonn sé rochtain sholúbtha ar sheirbhísí cistiúcháin an Aontais tráth ar bith, áit ar bith. Thairis sin, leanann an aip de bheith ag forbairt gach lá agus tiomantas láidir ann chun feabhas a chur ar a gnéithe agus eispéireas níos fearr fós a chur ar fáil don úsáideoir.

Féadfaidh na saoránaigh uile den Aontas iarratas a dhéanamh ar chistiú ón Aontas. Is í an Tairseach ‘Cistiú agus Tairiscintí’ an príomhphointe iontrála do chláir chistiúcháin agus do roghanna soláthair atá á mbainistiú ag an gCoimisiún Eorpach agus ag institiúidí agus gníomhaireachtaí eile de chuid an Aontais. Is féidir leat teacht ar dheiseanna cistiúcháin i raon leathan réimsí, trí chláir shuaitheanta de chuid an Aontais amhail Erasmus+, Fís Eorpach agus Ciste Sóisialta na hEorpa+.

Tuilleadh eolais

Eolas faoi ‘Cistiú ón Aontas Eorpach & mise’

Tairseach ‘Cistiú agus Tairiscint’ an Aontais.